മണ്ണിടിച്ചിൽ: നാഗ്​പുർ-മുംബൈ തുരന്തൊ എക്​സ്​പ്രസ്​ പാളംതെറ്റി

നാഗ്​പുർ^മുംബൈ തുരന്തൊ എക്​സ്​പ്രസ്​ പാളംതെറ്റി

മുംബൈ: നാഗ്​പുരിൽനിന്ന്​ മുംബൈയിലേക്ക്​ വരുകയായിരുന്ന നാഗ്​പുർ^മുംബൈ തുരന്തൊ എക്​സ്​പ്രസ്​ പാളം തെറ്റി. ചൊവ്വാഴ്​ച പുലർച്ചെ 6.30 ന്​ ആസൻഗാവ്​-വാസിന്ത്​ റെയിൽവേ സ്​േറ്റഷനുകൾക്കിടയിലാണ്​ അപകടം. എൻജിനും ഒമ്പതു കോച്ചുകളും പാളംതെറ്റി. കനത്ത മഴയെ തുടർന്ന്​ പരിസരത്ത്​ മണ്ണിടിച്ചിലുണ്ടായതാണ്​ അപകട കാരണമെന്ന്​ സെൻട്രൽ റെയിൽവേ അറിയിച്ചു. വെള്ളച്ചാട്ടമുള്ള പ്രദേശത്തായിരുന്നു മണ്ണിടിച്ചിൽ. മണ്ണിടിച്ചിലിൽ പാളം ഇളകിപ്പോയി. 

അഞ്ചുപേർക്ക്​ അപകടത്തിൽ നിസ്സാര പരിക്കേറ്റതൊഴിച്ചാൽ ആളപായമോ ഗുരുതര പരിക്കുക​ളോ ഇല്ല. മണ്ണിടിച്ചിൽ ശ്രദ്ധയിൽപ്പെട്ടയുടൻ ലോകോ പൈലറ്റ്​ ബ്രേക്കിട്ടതിനാൽ വലിയ ദുരന്തം ഒഴിവായതായി റെയിൽവേ അധികൃതർ പറഞ്ഞു. ആസൻഗാവ്​ സ്​റ്റേഷനിൽനിന്ന്​ പുറപ്പെട്ട്​ മിനിറ്റുകൾക്കുള്ളിലായിരുന്നു അപകടമെന്ന്​ യാത്രക്കാർ പറഞ്ഞു. അധികപേരും ഉറക്കത്തിലായിരുന്നു. വലിയ കുലുക്കവും ശബ്​ദവും കേട്ട്​ എഴുന്നേൽക്കുേമ്പാഴേക്കും നിലത്ത്​ വീണതായി എ-2 കമ്പാർട്ട്​മ​​െൻറിലെ യാത്രക്കാരനായ പത്രപ്രവർത്തകൻ ജസ്​റ്റിൻ റാവു പറഞ്ഞു. യാത്രക്കാരുടെ നിലവിളിയായിരുന്നു പിന്നെ. പരസ്​പര സഹായത്തോടെയും മറ്റും ആളുകൾ ബോഗികളിൽനിന്ന്​ പുറത്തുകടന്നു. ബാത്ത്​ റൂമിലും മറ്റും കുടുങ്ങിയവരെ രക്ഷാപ്രവർത്തകരെത്തിയാണ്​ പുറത്തിറക്കിയത് ​-ജസ്​റ്റിൻ പറഞ്ഞു. 

അപകടത്തെ തുടർന്ന്​ ആസൻഗാവ്​ വഴി നാഗ്​പുർ, കൊലാപുർ, നാസിക്​, ഡൽഹി ഭാഗങ്ങളിലേക്കുള്ള ട്രെയിനുകളിൽ ചിലത്​ വഴിതിരിച്ചുവിടുകയും ഗോദാവരി എക്​സ്​പ്രസ്​ അടക്കം ചിലത്​ റദ്ദാക്കുകയും ചെയ്​തു. തിങ്കളാഴ്​ച എറണാകുളത്തുനിന്ന്​ ഡൽഹി നിസാമുദ്ദീനിലേക്ക്​ പുറപ്പെട്ട മംഗള എക്​സ്​പ്രസ്​ കല്യാണിൽനിന്ന്​ ബുസാവലിലേക്ക്​ വഴിതിരിച്ചുവിട്ടു. നിസാമുദ്ദീനിൽനിന്ന്​ തിങ്കളാഴ്​ച പുറപ്പെട്ട മംഗള നാസികിൽനിന്ന്​ വഴിതിരിച്ച്​ വിട്ടു. 15 ദിവസത്തിനിടെ രാജ്യത്തുണ്ടായ നാലാമത്തെ റെയിൽവേ അപകടമാണിത്​. 23 പേരുടെ ജീവനപഹരിച്ച കലിംഗ-ഉത്​കൽ എക്​സ്​പ്രസ്​, 70 ഒാളം പേർക്ക്​ പരിക്കേറ്റ കെയ്​ഫിയത്​ എക്​സ്​പ്രസ്​, മുംബൈ സബർബൻ ട്രെയിൻ തുടങ്ങിയവയായിരുന്നു മറ്റ്​ അപകടങ്ങൾ.

#WATCH: Five coaches & engine of Nagpur Mumbai Duronto Express derailed near Titwala in Maharashtra. pic.twitter.com/9u0adLF1rG

— ANI (@ANI) August 29, 2017