ട്രക്ക് ദേഹത്ത് കയറി 10 വയസുകാരി ​മരിച്ചു, ട്രക്ക് ഡ്രൈവർ അറസ്റ്റിൽ

താനെ: മഹാരാഷ്ട്രയിലെ താനെ ജില്ലയിൽ 10 വയസുകാരി ട്രക്ക് കയറി മരിച്ചു. താനെയിലെ ശിൽഫാറ്റ മേഖലയിൽ ബുധനാഴ്ച രാത്രിയാണ് അപകടം നടന്നത്.

പെൺകുട്ടി റോഡ് മുറിച്ചു കടക്കവെ അതിവേഗതയിൽ വന്ന ട്രക്ക് ഇടിച്ചു വീഴ്ത്തി ദേഹത്തുകൂടെ കയറി ഇറങ്ങുയായായിരുന്നു. ബുധനാഴ്ച രാത്രി എട്ടു മണിയോടെയതാണ് സംഭവം.

രോലി രാം ലവ്കുശ് മിശ്രയാണ് മരിച്ചത്. സംഭവസ്ഥലത്തു വെച്ച് തന്നെ പെൺകുട്ടി മരണത്തിനു കീഴടങ്ങിയെന്ന് പൊലീസ് പറഞ്ഞു. പ്രതിയായ ട്രക്ക് ഡ്രൈവറെ പൊലീസ് അറസ്റ്റ് ചെയ്തു. പെൺകുട്ടിയുടെ മൃതദേഹം ​പോസ്റ്റ് മോർട്ടത്തിനയച്ചു. കുടുതൽ വിവരങ്ങൾ ​അന്വേഷിച്ചു വരികയാണെന്ന് പൊലീസ് പറഞ്ഞു.