മഹാഗഡ്​ബന്ധൻ ബി.​ജെ.പിക്ക്​ വെല്ലുവിളിയല്ല- രാജ്​നാഥ്​ സിങ്​

ലഖ്​നോ: ഉത്തർപ്രദേശിലെ മഹാഗഡ്​ബന്ധൻ ബി.ജെ.പിക്ക്​ വെല്ലുവിളിയാകില്ലെന്ന്​ കേന്ദ്രമന്ത്രി രാജ്​നാഥ്​ സിങ് ​. 1991 മുതൽ ബി.ജെ.പിക്കൊപ്പം നിൽക്കുന്ന കരുത്തുറ്റ മണ്ഡലമാണ്​ ലഖ്​നോ. അതിനാൽ ത​​െൻറ വിജയത്തിന്​ മുന്നിൽ ഒരു തരത ്തിലുള്ള വെല്ലുവിളികളുമില്ലെന്നും ബാക്കിയെല്ലാം വോട്ടർമാരുടെ താൽപര്യത്തിന്​ വിടുന്നുവെന്നും രാജ്​നാഥ്​ സിങ്​ പറഞ്ഞു.

എസ്​.പി, ബി.എസ്​.പി, ആർ.ജെ.ഡി സഖ്യം ശത്ര​​​ുഘ്​നൻ സിൻഹയുടെ പത്​നി പൂനം സിൻഹയെയാണ്​ ലഖ്​നോവിൽ മത്സരിപ്പിക്കുന്നത്​. പൂനം സിൻഹയുടെ സ്ഥാനാർഥിത്വ​െത്ത കുറിച്ച്​ പ്രതികരിക്കാനില്ല. തെരഞ്ഞെടുപ്പ്​ പോരാട്ടം രണ്ട്​ വ്യക്തികൾ തമ്മിലല്ല, ആശയങ്ങൾ തമ്മിലാണെന്നും രാജ്​നാഥ്​ സിങ്​ പറഞ്ഞു.

2014-ല്‍ ലഖ്​നോവിൽ നിന്നും രാജ്നാഥിന് 5.61 ലക്ഷം വോട്ട് ലഭിച്ചിരുന്നു. കോണ്‍ഗ്രസിനും മഹാസഖ്യത്തിനും ലഭിച്ച 4.09 ലക്ഷം വോട്ടുകള്‍ കണക്കാക്കിയാല്‍ത്തന്നെ ബി.ജെ.പി.ക്ക് അത്​ വെല്ല​ുവിളിയാകുന്നില്ല. മാത്രമല്ല, ബിഹാറില്‍ ശത്രുഘന്‍ സിന്‍ഹയെ കോണ്‍ഗ്രസ് മത്സരിപ്പിച്ചെങ്കിലും മഹാസഖ്യത്തി​​െൻറ സ്ഥാനാര്‍ഥിയായ പൂനം സിന്‍ഹയെ പാർട്ടി പിന്തുണച്ചിട്ടില്ല.