അടിവസ്​ത്രങ്ങളുടെയും മറ്റും അശ്ലീല പരസ്യങ്ങൾ നിരോധിച്ച്​ മദ്രാസ്​ ഹൈകോടതി

ചെന്നൈ: അടിവസ്​ത്രങ്ങൾ, സോപ്​, സുഗന്ധദ്രവ്യങ്ങൾ, ഗർഭനിരോധന ഉറകൾ തുടങ്ങിയവയുടെ അശ്ലീലചുവയുള്ള പരസ്യങ്ങൾ മദ്രാസ്​ ഹൈകോടതി മധുര ഡിവിഷൻ​ ബെഞ്ച്​ നിരോധിച്ചു. ഇവയുടെ പരസ്യങ്ങൾ ആഭാസവും അശ്ലീലം നിറഞ്ഞതുമാണെന പരാതിയിലാണ്​ കോടതി ഇടക്കാല ഉത്തരവ്​ പുറപ്പെടുവിച്ചത്​.

വിരുതുനഗർ രാജപാളയം സ്വദേശി സഹദേവരാജയാണ്​ ഈ വിഷയത്തിൽ പൊതു താൽപര്യ ഹരജി സമർപിച്ചത്​. ജസ്​റ്റിസുമാരായ എൻ. കൃപാകരൻ, ബി. പുകഴേന്തി എന്നിവരടങ്ങിയ ഡിവിഷൻ ബെഞ്ചി​െൻറതാണ്​​ ഉത്തരവ്​. ഇത്തരം പരസ്യങ്ങൾ വിലക്കിയ കോടതി, രണ്ടാഴ്​ചക്കകം വിശദീകരണമാവശ്യപ്പെട്ട്​ കേന്ദ്ര വിവര സാ​േങ്കതിക സെക്രട്ടറി, തമിഴ്​നാട്​ ഇൻഫർമേഷൻ വകുപ്പ്​ സെക്രട്ടറി എന്നിവർക്ക്​ നോട്ടീസ്​ അയച്ചു.