ലീന മണിമേഖലയുടെ പാസ്‌പോർട്ട് തിരികെ നൽകാൻ ഹൈകോടതി ഉത്തരവ്

ചെ​ന്നൈ: മീ​ടു ആ​രോ​പ​ണ​ത്തെ തു​ട​ർ​ന്ന്​ മാ​ന​ന​ഷ്​​ട​ക്കേ​സ്​ ഫ​യ​ൽ ചെ​യ്​​ത​തി​െൻറ പേ​രി​ൽ എ​ഴുത്തു​കാ​രി​യും ച​ല​ച്ചി​ത്ര പ്ര​വ​ർ​ത്ത​ക​യു​മാ​യ ലീ​ന മ​ണി​മേ​ഖ​ല​യു​ടെ പാ​സ്​​പോ​ർ​ട്ട്​ ക​ണ്ടു​ക്കെ​ട്ടാ​നു​ള്ള സൈ​ദാ​പേ​ട്ട മ​ജി​സ്​​ട്രേ​റ്റ്​ കോ​ട​തി​യു​ടെ ഉ​ത്ത​ര​വ്​ മ​ദ്രാ​സ്​ ഹൈ​കോ​ട​തി റ​ദ്ദാ​ക്കി. ഒ​രാ​ഴ്​​ച​ക്ക​കം പാ​സ്​​പോ​ർ​ട്ട്​ ലീ​ന മ​ണി​മേ​ഖ​ല​ക്ക്​ തി​രി​കെ ന​ൽ​കാ​നും ജ​സ്​​റ്റി​സ്​ എം. ​ദ​ണ്ഡ​പാ​ണി ഉ​ത്ത​ര​വിട്ടു.

2018ലാ​ണ് ത​മി​ഴ്​ സം​വി​ധാ​യ​ക​ൻ സു​ശി ഗ​ണേ​ശ​നെ​തി​രെ ​ലീ​ന മീ​ടു ആ​രോ​പ​ണ​മു​ന്ന​യി​ച്ച​ത്. 2005ൽ ​നി​ർ​ബ​ന്ധ​പൂ​ർ​വം കാ​റി​ൽ ക​യ​റ്റി ലൈം​ഗി​കോ​പ​ദ്ര​വം ന​ട​ത്തി​യ​താ​യാ​ണ്​ ലീ​ന വെ​ളി​പ്പെ​ടു​ത്തി​യ​ത്. ഒ​ടു​വി​ൽ ത​െൻറ ബാ​ഗി​ൽ സൂ​ക്ഷി​ച്ചി​രു​ന്ന ​മൂ​ർ​ച്ച​യേ​റി​യ ആ​യു​ധ​മു​പ​യോ​ഗി​ച്ച്​ സ്വ​യം മു​റി​വേ​ൽ​പ്പിക്കു​മെ​ന്ന്​ ഭീ​ഷ​ണി​പ്പെ​ടു​ത്തി​യാ​ണ്​ ആ​ക്ര​മ​ണ​ത്തി​ൽ​നി​ന്ന്​ ര​ക്ഷ​പ്പെ​ട്ട​തെ​ന്നും ലീ​ന പ​റ​ഞ്ഞി​രു​ന്നു. പേ​ര്​ വെ​ളി​പ്പെ​ടു​ത്താ​തെ ഫേ​സ്​​ബു​ക്കി​ലാ​ണ്​ ലീ​ന ആ​ദ്യം സം​ഭ​വം വി​ശ​ദീ​ക​രി​ച്ച​ത്.

പി​ന്നീ​ട്​ മീ​ടു വി​വാ​ദം ക​ത്തി​നി​ന്ന സ​മ​യ​ത്ത്​ പ്ര​തി​യു​ടെ പേ​ര്​ വെ​ളി​പ്പെ​ടു​ത്തു​ക​യാ​യി​രു​ന്നു. ആ​രോപ​ണം നി​ഷേ​ധി​ച്ച സു​ശി ഗ​ണേ​ശ​ൻ മ​ണി​മേ​ഖ​ല​ക്കെ​തി​രെ മാ​ന​ന​ഷ്​​ട​ക്കേ​സ്​ ഫ​യ​ൽ ചെ​യ്​​തു.

മാ​ന​ന​ഷ്​​ട​ക്കേ​സി​ൽ​നി​ന്ന് ര​ക്ഷ​പ്പെ​ടാ​ൻ ലീ​ന രാ​ജ്യം വി​ടാ​ൻ ശ്ര​മി​ക്കു​ക​യാ​ണെ​ന്നും പാ​സ്​​പോ​ർ​ട്ട്​ മ​രവി​പ്പി​ക്ക​ണ​മെ​ന്നും ആ​വ​ശ്യ​പ്പെ​ട്ട്​ സു​ശി ഗ​ണേ​ശ​ൻ ന​ൽ​കി​യ മ​റ്റൊ​രു ഹ​ര​ജി​യി​ൻ​മേ​ലാ​ണ്​ സൈ​ദാപേ​ട്ട കോ​ട​തി നി​ർ​ദേ​ശ​പ്ര​കാ​രം ബ​ന്ധ​പ്പെ​ട്ട അ​ധി​കൃ​ത​ർ പാ​സ്​​േ​പാ​ർ​ട്ട്​ ക​ണ്ടു​കെ​ട്ടി​യ​ത്.

കോ​ട​തി​യി​ൽ മാ​ന​ന​ഷ്​​ട​ക്കേ​സ്​ നി​ല​നി​ൽ​ക്കു​ന്ന​ത്​ പാ​സ്​​പോ​ർ​ട്ട്​ ക​ണ്ടു​കെ​ട്ടു​ന്ന​തി​ന്​ ത​ക്ക കാ​ര​ണ​മ​ല്ലെ​ന്ന്​ ചൂ​ണ്ടി​ക്കാ​ട്ടി ലീ​ന സ​മ​ർ​പ്പി​ച്ച ഹ​ര​ജി​യി​ലാ​ണ്​ കോ​ട​തി ഉ​ത്ത​ര​വ്. കാ​ന​ഡ​യി​ലെ യോ​ർ​ക്ക് യൂനി​വേ​ഴ്സി​റ്റി​യി​ൽ ഗ​വേ​ഷ​ണ പ​ദ്ധ​തി​യു​ടെ ഭാ​ഗ​മാ​യി പോ​കാ​നി​രി​ക്കെ​യാ​ണ്​ 2021 സെ​പ്​​റ്റം​ബ​ർ ഒ​ൻ​പ​തി​ന്​ പാ​സ്​​പോ​ർ​ട്ട്​ ത​ട​ഞ്ഞു​വെ​ച്ച​തെ​ന്ന്​ ലീ​ന ഹ​ര​ജി​യി​ൽ വ്യ​ക്ത​മാ​ക്കി​യി​രു​ന്നു.