വധുവി​െൻറ ബന്ധുവിന്​ കോവിഡ്​; വിവാഹത്തിനെത്തിയ 100ലേറെ പേർ നീരീക്ഷണത്തിൽ

ഭോപാൽ: വിവാഹം കഴിഞ്ഞ്​ മണിക്കൂറുകൾക്കകം വരനും വധുവും 100ലേറെ കുടുംബാംഗങ്ങളും അവരുമായി ബന്ധം പുലർത്തിയവരും ക്വാറൻറീനിൽ. മധ്യപ്രദേശിലെ ചിന്ദ്​വാര ജില്ലയിലാണ്​ സംഭവം. വധുവി​​െൻറ ബന്ധുവും സെൻട്രൽ ഇൻഡസ്​ട്രിയൽ സെക്യൂരിറ്റി ഫോഴ്​സ്​(സി.ഐ.എസ്​.എഫ്​)​ ഉദ്യോഗസ്​ഥനുമായ ആൾക്ക്​ കോവിഡ്​19 സ്​ഥിരീകരിച്ചതിനെ തുടർന്നാണ്​ നടപടി. ജില്ലയിലെ മൂന്ന്​ കേന്ദ്രങ്ങളിലായാണ്​ ഇവരെ പാർപ്പിച്ചിരിക്കുന്നത്​. 

ചൊവ്വാഴ്​ചയായിരുന്നു വിവാഹം. അന്നുതന്നെയാണ്​ ബന്ധുവിന്​ കോവിഡ്​ സ്​ഥിരീകരിച്ചതും. കഴിഞ്ഞാഴ്​ചയാണ്​ സി.ഐ.എസ്​.എഫ് ഉദ്യോഗസ്​ഥൻ ചിന്ദ്​വാരയിലെത്തിയത്​. കുറച്ചുദിവസം ജുന്നാർഡിയോ മേഖലയിലെ വീട്ടിൽ കഴിഞ്ഞ ഇദ്ദേഹം ബന്ധുവീട്ടിലും സന്ദർശനം നടത്തിയിരുന്നു. പിന്നീട്​ മേയ്​ 26ന്​ നടന്ന വിവാഹത്തിലും പ​ങ്കെടുത്തു. 

ദിവസങ്ങൾക്കു മുമ്പ്​ കോവിഡ്​ ലക്ഷണങ്ങൾ പ്രകടിപ്പിച്ചതിനെ തുടർന്നാണ്​ ജില്ലാ ആശുപ​​ത്രിയിലെത്തി സ്രവം പരിശോധനക്ക്​ നൽകിയത്​. നിലവിലെ കീഴ്​വഴക്കങ്ങൾ അനുസരിച്ച്​ നടപടികൾ സ്വീകരിക്കുമെന്ന്​ ചിന്ദ്​വാര കലക്​ടർ അറിയിച്ചു. ഉദ്യോഗസ്​ഥനുമായി സമ്പർക്കം പുലർത്തിയവരെ തിരിച്ചറിഞ്ഞതായും അദ്ദേഹം പറഞ്ഞു.