ബി.ജെ.പി വർഗീയ വിഷം പ്രചരിപ്പിക്കുന്നു; മാധവറാവു സിന്ധ്യയുടെ വാക്കുകൾ വൈറലാകുന്നു

ന്യൂഡൽഹി: ജ്യോതിരാദിത്യ സിന്ധ്യ ബി.ജെ.പിയിൽ ചേർന്നതിനുപിന്നാലെ പിതാവും കോൺഗ്രസ്​ നേതാവുമായ മാധവറാവു സിന്ധ്യയുടെ വാക്കുകൾ വൈറലാകുന്നു. 25 വർഷം മുമ്പ്​ ഒരു അഭിമുഖത്തിനിടെ മാധവറാവു സിന്ധ്യ പറഞ്ഞ വാക്കുകളാണ്​ ട്വിറ്ററിൽ വൈറലാകുന്നത്​.

ബി.ജെ.പിയെപ്പോലെ തെറ്റായദിശയിലുള്ള പാർട്ടികളുടെ വർഗീയ അജണ്ടകൾ രാജ്യത്തെ ആശങ്കയിലാഴ്​ത്തുന്നു. രാഷ്​ട്രീയ ലക്ഷ്യങ്ങൾ നേടുന്നതിനായി ബി.ജെ.പി വർഗീയ വിഷം പ്രചരിപ്പിക്കുകയാണ്​. ഇത്​ ലോകത്തിന്​ മുന്നിൽ ഇന്ത്യയുടെ മുഖം തകർക്കുമെന്നും സാമ്പത്തിക രംഗത്തെ മുന്നേറ്റം തകർക്കുമെന്നും മാധവറാവു സിന്ധ്യ വീഡിയോയിൽ മുന്നറിയിപ്പ്​ നൽകുന്നുണ്ട്​.

25 years ago, he predicted exactly what India's image could be. The communal poison spread by BJP can cause India's image in the world. That would be a major obstacle for India's Economic Growth. Watch late Madhavrao Scindia's response, still it's relevant when his son joined BJP pic.twitter.com/V7Qg8QSGoR

— JijoyMatts' (@jijoy_matt) March 11, 2020

അമ്മയും സഹോദരിമാരുമെല്ലാം ബി.ജെ.പിയിൽ രാഷ്​ട്രീയ പ്രവർത്തനം നടത്തിയപ്പോഴും കോൺഗ്രസിൽ തുടർന്നയാളായിരുന്നു മാധവറാവു സിന്ധ്യ. ഇടക്ക്​ നരസിംഹ റാവുവുമായി ഉടക്കി കോൺഗ്രസ്​ വിട്ടപ്പോഴും ബി.ജെ.പിയിൽ ചേരാതെ സ്വന്തം പാർട്ടി രൂപീകരിച്ച മാധവറാവു സോണിയ ഗാന്ധി തലപ്പത്ത്​ വന്നപ്പോൾ കോൺഗ്രസിൽ തിരിച്ചെത്തുകയായിരുന്നു. ഒമ്പതുതവണ ലോക്​സഭ അംഗവും മുൻ റെയിൽവേ മന്ത്രിയുമായിരുന്ന മാധവറാവു രാജീവ്​ ഗാന്ധിയുടെ വിശ്വസ്​തനായിരുന്നു. 2001 സെപ്​റ്റംബർ 30ന്​ ഉത്തർപ്രദേശിലുണ്ടായ വിമാനാപകടത്തിൽ മരണപ്പെടുകയായിരുന്നു.

മാധവറാവുവി​​​െൻറ ജന്മദിനമായ മാർച്ച്​ 10ന്​ തന്നെ ബി.ജെ.പിയിൽ ചേർന്ന ജ്യോതിരാദിത്യ ​പിതാവി​​​െൻറ ആശയങ്ങളെ കുരുതികൊടുക്കുകയാണെന്ന തലക്കെ​ട്ടോടെയാണ്​ ട്വിറ്ററിൽ വീഡിയോ പ്രചരിക്കുന്നത്​.