കോവിഡ്​ പ്രതിരോധത്തിൽ നിർണായക വഴിത്തിരിവ്​; ബയോളജിക്കൽ ഇ വാക്​സിൻ 90 ശതമാനം ഫലപ്രദം

ന്യൂഡൽഹി: ഇന്ത്യയിൽ നിർമിക്കുന്ന ബയോളജിക്കൽ ഇ വാക്​സിൻ കോവിഡിനെതിരെ 90 ശതമാനം ഫലപ്രദമെന്ന്​ പഠനം. കോവിഡ്​ പ്രതിരോധത്തിൽ നിർണായക പങ്കുവഹിക്കാൻ ബയോളജിക്കൽ ഇ വാക്​സിന്​ കഴിയുമെന്നാണ്​ പ്രതീക്ഷ. വാക്​സി​െൻറ മൂന്നാംഘട്ട പരീക്ഷണങ്ങൾ പുരോഗമിക്കുകയാണെന്നും ഒക്​ടോബറോടെ വിപണിയിൽ ലഭ്യമാവുമെന്നും കേന്ദ്രസർക്കാറി​െൻറ കോവിഡ്​ വർക്കിങ്​ ഗ്രൂപ്പ്​ ചെയർപേഴ്​സൺ എൻ.കെ അറോറ പറഞ്ഞു.

എല്ലാവിഭാഗം പ്രായക്കാരിലും ബയോളജിക്കൽ ഇ നിർമിക്കുന്ന കോർബേവാക്​സ്​ വാക്​സിൻ ഫലപ്രദമെന്ന്​ കണ്ടെത്തിയിട്ടുണ്ട്​. രണ്ട്​ ഡോസിനും കൂടി 250 രൂപയായിരിക്കും വില. വൈകാതെ ഇത്​ വിപണിയിലെത്തുമെന്നാണ്​ പ്രതീക്ഷിക്കുന്നതെന്നും അദ്ദേഹം കൂട്ടിച്ചേർത്തു.

ഇതിനൊപ്പം സിഡുസ്​ കാഡില നിർമ്മിക്കുന്ന കോവിഡ്​ വാക്​സിനും വൈകാതെ വിപണിയിലെത്തും. സിറം ഇൻസ്​റ്റിറ്റ്യൂട്ട്​ നിർമിക്കുന്ന നോവാവാക്​സ്​ വാക്​സി​െൻറ പരീക്ഷണങ്ങളും പുരോഗമിക്കുകയാണെന്ന്​ കേന്ദ്രസർക്കാർ അറിയിച്ചു.