ലഖ്​നോ ആശുപത്രിയിൽ തീപിടിത്തം; രോഗികളെ ഒഴിപ്പിച്ചു

ലഖ്​നോ: കിങ്​ ജോർജ്​ മെഡിക്കൽ കോളജ്​ ട്രോമ സ​​െൻററിൽ തീപിടിത്തം. സംഭവത്തെ തുടർന്ന്​ രോഗികളെ ഒഴിപ്പിച്ചു. ആളപായമില്ലെന്നാണ്​ വിവരം. രണ്ടാം നിലയിലെ സ്​റ്റോറിലുണ്ടായ ഷോർട്ട്​ സർക്യൂട്ടാണ്​ കാരണമെന്നാണ്​ പ്രാഥമിക അന്വേഷണ റിപ്പോർട്ട്​. 

രാത്രിയായതിനാൽ സുരക്ഷിത സ്​ഥാനത്തേക്ക്​ നീങ്ങാൻ രോഗികളും ബന്ധുക്കളും ഏറെ ബുദ്ധിമുട്ടി. രാത്രി വൈകിയും രക്ഷാപ്രവർത്തനം തുടർന്നു. നിരവധി വാതിലുകളും മറ്റും തകർത്താണ്​ രോഗികളെ രക്ഷപ്പെടുത്തിയത്​. 

ഒഴിപ്പിച്ചവരിൽ അത്യാസന്ന നിലയിലുള്ള 200 രോഗികളുമുണ്ട്​. ഇതിൽ ഒരു വനിതയെ ലോഹ്യ ആശുപത്രിയിലേക്ക്​ കൊണ്ടുപോകുന്നതിനിടെ മരിച്ചു. 250​ രോഗികളാണുണ്ടായിരുന്നത്​. യു.പി മുഖ്യമന്ത്രി യോഗി ആദിത്യനാഥ്​ അന്വേഷണത്തിന്​ ഉത്തരവിട്ടു.