താൽക്കാലിക നഷ്ടങ്ങൾ ബാധിക്കില്ല, ആ​ത്യ​ന്തി​ക ഫ​ലമാണ് പ്ര​ധാ​നം -സംയുക്ത സേനാ മേധാവി

ന്യൂ​ഡ​ൽ​ഹി: താ​ൽ​ക്കാ​ലി​ക ന​ഷ്ട​ങ്ങ​ൾ പ്ര​ഫ​ഷ​ന​ലാ​യ സൈ​ന്യ​ത്തെ ബാ​ധി​ക്കി​ല്ലെ​ന്ന് സം​യു​ക്ത സേ​നാ മേ​ധാ​വി ജ​ന​റ​ൽ അ​നി​ൽ ചൗ​ഹാ​ൻ പ​റ​ഞ്ഞു. ആ​ത്യ​ന്തി​ക ഫ​ലം അ​ത്ത​രം തി​രി​ച്ച​ടി​ക​ളേ​ക്കാ​ൾ പ്ര​ധാ​ന​മാ​ണെ​ന്നും പു​ണെ​യി​ലെ സാ​വി​ത്രി​ഭാ​യ് ഫൂ​ലെ സ​ർ​വ​ക​ലാ​ശാ​ല​യി​ൽ ‘ഭാ​വി യു​ദ്ധ​ങ്ങ​ളും യു​ദ്ധ​ത​ന്ത്ര​ങ്ങ​ളും’ എ​ന്ന വി​ഷ​യ​ത്തി​ൽ ന​ട​ത്തി​യ പ്ര​ഭാ​ഷ​ണ​ത്തി​ൽ അ​ദ്ദേ​ഹം പ​റ​ഞ്ഞു.

ഓ​പ​റേ​ഷ​ൻ സി​ന്ദൂ​റി​ൽ സാ​യു​ധ സേ​ന​ക്കു​ണ്ടാ​യ ന​ഷ്ട​ങ്ങ​ളെ​ക്കു​റി​ച്ച് ചോ​ദ്യ​മു​യ​ർ​ന്നി​രു​ന്നു. എ​ന്നാ​ൽ, ക്രി​ക്ക​റ്റ് മ​ത്സ​ര​ത്തി​ൽ ജ​യി​ക്കു​ന്ന ടീ​മി​ന് എ​ത്ര വി​ക്ക​റ്റു​ക​ൾ ന​ഷ്ട​മാ​യി എ​ന്ന​ത് ഒ​രു വി​ഷ​യ​മ​ല്ലെ​ന്നാ​ണ് താ​ൻ മ​റു​പ​ടി ന​ൽ​കി​യ​ത് -അ​ദ്ദേ​ഹം പ​റ​ഞ്ഞു. ക​ഴി​ഞ്ഞ​യാ​ഴ്ച സിം​ഗ​പ്പൂ​രി​ൽ ന​ട​ന്ന പ​രി​പാ​ടി​യി​ൽ, ഓ​പ​റേ​ഷ​ൻ സി​ന്ദൂ​റി​ൽ ഇ​ന്ത്യ​ക്ക് ചി​ല യു​ദ്ധ​വി​മാ​ന​ങ്ങ​ൾ ന​ഷ്ട​പ്പെ​ട്ട​താ​യി അ​ദ്ദേ​ഹം സൂ​ചി​പ്പി​ച്ചി​രു​ന്നു.

ഇ​ന്ത്യ​ക്കെ​തി​രെ കൂ​ടു​ത​ൽ ഭീ​ക​രാ​ക്ര​മ​ണ​ങ്ങ​ൾ ന​ട​ത്തു​ന്ന​തി​ൽ​നി​ന്ന് പാ​കി​സ്താ​നെ ത​ട​യു​ക എ​ന്ന​താ​യി​രു​ന്നു ഓ​പ​റേ​ഷ​ൻ സി​ന്ദൂ​റി​ന്റെ ല​ക്ഷ്യ​മെ​ന്ന് ജ​ന​റ​ൽ അ​നി​ൽ ചൗ​ഹാ​ൻ പ​റ​ഞ്ഞു. പ​ഹ​ൽ​ഗാം ഭീ​ക​രാ​ക്ര​മ​ണം ആ​ധു​നി​ക ലോ​ക​ത്ത് അ​സ്വീ​കാ​ര്യ​മാ​യ ഒ​രു നി​ഷ്ഠു​ര പ്ര​വൃ​ത്തി​യാ​യി​രു​ന്നു. ഇ​ന്ത്യ​യി​ൽ പാ​കി​സ്താ​നോ​ടു​ള്ള വെ​റു​പ്പി​ന് ഇ​ത് കാ​ര​ണ​മാ​യ​താ​യും അ​ദ്ദേ​ഹം കൂ​ട്ടി​ച്ചേ​ർ​ത്തു.

തീവ്രവാദ ബന്ധം: കശ്മീരിൽ മൂന്ന് ഉദ്യോഗസ്ഥരെ പുറത്താക്കി

ജ​മ്മു: നി​രോ​ധി​ത തീ​വ്ര​വാ​ദ സം​ഘ​ട​ന​ക​ളാ​യ ല​ശ്ക​ർ ത്വ​യ്യി​ബ, ഹി​സ്ബു​ൽ മു​ജാ​ഹി​ദീ​ൻ എ​ന്നി​വ​യു​മാ​യി ബ​ന്ധ​മു​ണ്ടെ​ന്ന് ആ​രോ​പി​ച്ച് മൂ​ന്ന് സ​ർ​ക്കാ​ർ ജീ​വ​ന​ക്കാ​രെ ജ​മ്മു-​ക​ശ്മീ​ർ ലെ​ഫ്റ്റ​ന​ന്റ് ഗ​വ​ർ​ണ​ർ മ​നോ​ജ് സി​ൻ​ഹ പി​രി​ച്ചു​വി​ട്ടു. ദേ​ശീ​യ സു​ര​ക്ഷ​ക്കാ​യി അ​ന്വേ​ഷ​ണ​മി​ല്ലാ​തെ പി​രി​ച്ചു​വി​ടാ​ൻ അ​നു​വ​ദി​ക്കു​ന്ന ഭ​ര​ണ​ഘ​ട​ന​യു​ടെ ആ​ർ​ട്ടി​ക്കി​ൾ 311(2)(സി) ​പ്ര​കാ​ര​മാ​ണ് ന​ട​പ​ടി. പൊ​ലീ​സ് കോ​ൺ​സ്റ്റ​ബി​ൾ, സ്കൂ​ൾ അ​ധ്യാ​പ​ക​ൻ, സ​ർ​ക്കാ​ർ മെ​ഡി​ക്ക​ൽ കോ​ള​ജി​ലെ ജൂ​നി​യ​ർ അ​സി​സ്റ്റ​ന്റ് എ​ന്നി​വ​രെ​യാ​ണ് പി​രി​ച്ചു​വി​ട്ട​ത്. മൂ​വ​രും നി​ല​വി​ൽ ജ​യി​ലി​ലാ​ണ്. ഭീ​ക​ര ബ​ന്ധ​മു​ള്ള 75ല​ധി​കം സ​ർ​ക്കാ​ർ ജീ​വ​ന​ക്കാ​രെ ഇ​തു​വ​രെ പി​രി​ച്ചു​വി​ട്ടി​ട്ടു​ണ്ട്.