സ്വർണക്കടത്ത്​: ഫൈസൽ ഫരീദിനായി ഇൻറർപോളി​െൻറ ലുക്ക്​ഔട്ട്​ നോട്ടീസ്​

ന്യൂഡൽഹി: സ്വർണക്കടത്ത്​ കേസിലെ മുഖ്യപ്രതിയായ ഫൈസൽ ഫരീദിനായി ഇൻറർപോൾ ലുക്ക്​ഔട്ട്​ നോട്ടീസ്​ ഇറക്കി. കേന്ദ്രസർക്കാറി​​െൻറ അഭ്യർഥന പ്രകാരമാണ്​ നടപടി. നേരത്തെ വിദേശകാര്യ മന്ത്രാലയം ഫൈസലി​​െൻറ പാസ്​പോർട്ട്​ റദ്ദാക്കിയിരുന്നു. 

വിമാനത്താവളങ്ങളിലൂടെയോ തുറമുഖങ്ങളിലൂടെയോ കടക്കാന്‍ ഫൈസന്‍ ഫരീദിന് ഇനി സാധിക്കില്ല. കൊടുങ്ങല്ലൂർ മൂന്നുപീടിക സ്വദേശിയായ ഫൈസലാണ്​ നയതന്ത്ര ബാഗേജ് എന്നപേരിൽ യു.എ.ഇയിൽനിന്ന് സ്വർണം അയച്ചതെന്ന് എന്‍.ഐ.എ പറയുന്നു.

കസ്​റ്റംസിന്‍റെ നിര്‍ദ്ദേശമനുസരിച്ചായരിന്നു പാസ്‌പോര്‍ട്ട് റദ്ദാക്കിയത്. ഈ വിവരം കേന്ദ്ര ആഭ്യന്തര മന്ത്രാലയത്തെയും ബ്യൂറോ ഓഫ് എമിഗ്രേഷനെയും അറിയിച്ചിട്ടുണ്ട്. ഫൈസല്‍ ഫരീദിനെ എത്രയും വേഗം ഇന്ത്യയിലെത്തിക്കാനുള്ള നടപടികളുടെ ഭാഗമായാണ് കേന്ദ്രസര്‍ക്കാറി​​െൻറ സുപ്രധാന നടപടി. പാസ്പോര്‍ട്ട് റദ്ദാക്കിയതിനാല്‍ ഫൈസലിന് യു.എ.ഇക്കുള്ളിലും പുറത്തും യാത്രചെയ്യാന്‍ സാധിക്കില്ല. സാധുതയില്ലാത്ത പാസ്പോര്‍ട്ടുമായി പുറത്തിറങ്ങിയാല്‍ അറസ്​റ്റുള്‍പ്പെടെ നടപടി നേരിടേണ്ടിവരും. 

സ്വർണക്കടത്തുമായി ബന്ധപ്പെട്ട് പേര് ഉയർന്നുവന്നപ്പോൾ ആരോപണങ്ങള്‍ നിഷേധിച്ച് ഫൈസൽ ഫരീദ് മാധ്യമങ്ങള്‍ക്ക് മുന്നില്‍ വന്നിരുന്നു. എന്നാൽ, പിന്നീട് ഇദ്ദേഹത്തെ ബന്ധപ്പെടാന്‍ സാധിച്ചിരുന്നില്ല.

നേരത്തെ ഫൈസൽ എറണാകുളം സ്വദേശിയാണെന്നായിരുന്നു അന്വേഷണ സംഘം കോടതിയെ അറിയിച്ചത്​​​. പിന്നീട്​ തൃശൂർ സ്വദേശിയാണെന്ന്​ കാണിച്ച്​ കോടതിയിൽ​ എൻ.ഐ.എ വിലാസം തിരുത്തി നൽകി​. 

വെള്ളിയാഴ്​ച ഇയാളുടെ തൃശൂരിലെ വീട്ടിൽ റെയ്ഡ് നടന്നിരുന്നു. കൊടുങ്ങല്ലൂർ കയ്പംഗലത്തെ മൂന്നുപീടികയിലെ വീട്ടിലാണ് കസ്​റ്റംസ് സംഘം റെയ്ഡ് നടത്തിയത്. വില്ലേജ് ഓഫിസറുടേയും ബന്ധുക്കളുടേയും സാന്നിധ്യത്തിൽ അഞ്ചംഗ സംഘം പരിശോധനക്കെത്തിയത്.

ഒരു വർഷത്തിലധികമായി ഫൈസൽ ഫരീദി​​െൻറ മൂന്നുപീടികയിലുള്ള വീട് അടഞ്ഞുകിടക്കുകയാണ്. ഒരു വർഷം മുമ്പ്​ നാട്ടിലെത്തിയ ഇദ്ദേഹം മാതാവിനേയും പിതാവിനേയും കൂട്ടി ഗൾഫിലേക്ക് മടങ്ങി.

സമീപത്തുള്ള ബന്ധുക്കളുടെ പക്കൽനിന്ന്​ താക്കോൽ വാങ്ങി തുറന്നാണ് പരിശോധന നടത്തിയത്. ഫൈസൽ ഫരീദി​​െൻറ ബന്ധുക്കളുടെ മൊഴിയെടുക്കുമെന്നാണ് അറിയുന്നത്. ഇവിടെനിന്ന് കേസിന് അനുകലൂമായേക്കാവുന്ന വിവരങ്ങൾ ലഭിക്കുമെന്ന പ്രതീക്ഷയിലാണ് കസ്​റ്റംസ്.