ഡിജിറ്റൽ മാധ്യമങ്ങളെ ആദ്യം നിയന്ത്രിക്കു; സുപ്രീംകോടതിയോട്​ കേന്ദ്രസർക്കാർ

ന്യൂ​ഡ​ല്‍ഹി: ഇ​ല​ക്ട്രോ​ണി​ക് മാ​ധ്യ​മ​ങ്ങ​ള്‍ക്കു​മു​മ്പ്​ ഡി​ജി​റ്റ​ല്‍ മാ​ധ്യ​മ​ങ്ങ​ളെ​യാ​ണ് നി​യ​ന്ത്രി​ക്കേ​ണ്ട​തെ​ന്ന് കേ​ന്ദ്ര സ​ര്‍ക്കാ​ര്‍ സു​പ്രീം​കോ​ട​തി​യി​ല്‍. മു​സ്​​ലിം​ക​ളെ നി​ന്ദി​ക്കാ​ന്‍ നോ​ക്കി​യെ​ന്ന് സു​പ്രീം​കോ​ട​തി കു​റ്റ​പ്പെ​ടു​ത്തി​യ സു​ദ​ര്‍ശ​ന്‍ ടി.​വി​യു​ടെ 'യു.​പി.​എ​സ്.​സി ജി​ഹാ​ദി'​നെ​തി​രാ​യ കേ​സി​ല്‍ സ​മ​ര്‍പ്പി​ച്ച സ​ത്യ​വാ​ങ്​​മൂ​ല​ത്തി​ല്‍ ചാ​ന​ലു​ക​ള​ല്ല, ഓ​ണ്‍ലൈ​ന്‍ മാ​ധ്യ​മ​ങ്ങ​ളാ​ണ് അ​തി​ലേ​റെ ഭീ​ഷ​ണി​യെ​ന്ന് കേ​ന്ദ്രം ബോ​ധി​പ്പി​ച്ചു.

മു​സ്​​ലിം​ക​ള്‍ക്കെ​തി​രാ​യ വി​ദ്വേ​ഷ പ്ര​ചാ​ര​ണ​ത്തി​ന് സു​ദ​ര്‍ശ​ന്‍ ടി.​വി​ക്ക് കേ​ന്ദ്ര സ​ര്‍ക്കാ​ര്‍ അ​നു​മ​തി ന​ല്‍കി​യ ശേ​ഷ​മാ​യി​രു​ന്നു സു​പ്രീം​കോ​ട​തി​യു​ടെ വി​ല​ക്ക്. ചാ​ന​ലു​ക​ളു​ടെ കാ​ര്യ​ത്തി​ല്‍ വി​ദ​ഗ്ധ സ​മി​തി​യെ നി​യ​മി​ക്ക​ണ​മെ​ന്ന് ജ​സ്​​റ്റി​സ് ച​ന്ദ്ര​ചൂ​ഡ് അ​ഭി​പ്രാ​യ​പ്പെ​ടു​ക​യും ചെ​യ്തി​രു​ന്നു.

എ​ന്നാ​ല്‍, ചാ​ന​ലു​ക​ളു​ടെ കാ​ര്യ​ത്തി​ല​ല്ല, ഡി​ജി​റ്റ​ല്‍ മാ​ധ്യ​മ​ങ്ങ​ളു​ടെ കാ​ര്യ​ത്തി​ലാ​ണ് ആ​ദ്യം തീ​ര്‍പ്പു​ണ്ടാ​ക്കേ​ണ്ട​ത് എ​ന്നാ​ണ് കേ​ന്ദ്രം ബോ​ധി​പ്പി​ച്ച​ത്. ചാ​ന​ലു​ക​ള്‍ക്കും പ​ത്ര​ങ്ങ​ള്‍ക്കും മ​തി​യാ​യ നി​യ​ന്ത്ര​ണ​മു​ണ്ടെ​ന്ന് കേ​ന്ദ്ര സ​ര്‍ക്കാ​ര്‍ അ​വ​കാ​ശ​പ്പെ​ട്ടു. ഇ​വ ര​ണ്ടി​െൻറ​യും കാ​ര്യ​ത്തി​ല്‍ മ​തി​യാ​യ ച​ട്ട​ക്കൂ​ടു​ക​ളും കോ​ട​തി വി​ധി​ക​ളു​മു​ണ്ട്. എ​ന്നാ​ല്‍, ഡി​ജി​റ്റ​ല്‍ മാ​ധ്യ​മ​ങ്ങ​ളാ​യ വാ​ട്​​സ്​​ആ​പ്, ട്വി​റ്റ​ര്‍, ഫേ​സ്ബു​ക്ക് പോ​ലു​ള്ള​വ വേ​ഗ​ത്തി​ലെ​ത്തു​ന്ന​തും വൈ​റ​ലാ​കാ​ന്‍ ശേ​ഷി​യു​ള്ള​തു​മാ​ണ്. സാ​ധ്യ​ത പ​രി​ഗ​ണി​ക്കു​മ്പോ​ള്‍ ഡി​ജി​റ്റ​ല്‍ മാ​ധ്യ​മ​ങ്ങ​ളാ​ണ് ഗു​രു​ത​ര പ്ര​ത്യാ​ഘാ​ത​ങ്ങ​ളു​ണ്ടാ​ക്കു​ന്ന​തെ​ന്നും ആ ​വി​ഷ​യം സു​പ്രീം​കോ​ട​തി ഏ​റ്റെ​ടു​ക്ക​ണ​മെ​ന്നും കേ​ന്ദ്ര വാ​ര്‍ത്ത വി​ത​ര​ണ പ്ര​ക്ഷേ​പ​ണ മ​ന്ത്രാ​ല​യം ബോ​ധി​പ്പി​ച്ചു.