ഹസനിൽ തെര​െഞ്ഞടുപ്പ്​ വിജയത്തിന്​ പിന്നാലെ രാജിക്കൊരുങ്ങി പ്രജ്വൽ

ബംഗളൂരു: ലോക്‌സഭ തെരഞ്ഞെടുപ്പിൽ വിജയം നേടിയതിന്​ തൊട്ടുപിറകെ രാജി സന്നദ്ധത അറിയിച്ച്​ കര്‍ണാടകയിലെ ജെ.ഡി.എ സ്​ എം.പി പ്രജ്വല്‍ രേവണ്ണ. ഹസനിൽ നിന്നും 1,41,324 വോട്ടുകളുടെ ഭൂരിപക്ഷത്തിൽ ജയിച്ച പ്രജ്വല്‍ തുമകുരുവില്‍ പരാജയപ ്പെട്ട മുത്തച്​ഛനും മുന്‍ പ്രധാനമന്ത്രിയുമായ എച്ച്.ഡി.ദേവഗൗഡക്ക് വേണ്ടിയാണ് രാജി പ്രഖ്യാപിച്ചത്​. എന്നാൽ പ്ര ജ്വലി​​​െൻറ രാജി ജെ.ഡി.എസോ ദേവഗൗഡയോ അംഗീകരിച്ചിട്ടില്ല.

വര്‍ഷങ്ങളായി ജെ.ഡി.എസി​​​െൻറ കുത്തകയായിരുന്ന ഹസന്‍ സീറ്റ് കൊച്ചുമകന് വിട്ട് കൊടുത്താണ് 86കാരനായ ദേവഗൗഡ തുമകുരുവില്‍ മത്സരിച്ചത്. എന്നാല്‍ ബി.ജെ.പിയുടെ ബസവരാജിനോട് അദ്ദേഹം 13,339 വോട്ടിന് പരാജയപ്പെട്ടു.

കർണാടകയിലെ ഏക ജെ.ഡി.എസ്​ എം.പിയാണ്​ പ്രജ്വൽ. വെള്ളിയാഴ്​ച രാവിലെ പത്രസമ്മേളനം വിളിച്ച പ്രജ്വല്‍ രേവണ്ണ രാജി പ്രഖ്യാപിക്കുകയായിരുന്നു. ‘സംസ്ഥാനത്തെ ജനങ്ങളും ജെ.ഡി.എസ് പ്രവര്‍ത്തകരും എച്ച്.ഡി.ദേവഗൗഡ പാര്‍ലമ​​െൻറിൽ എത്തണമെന്ന് ആഗ്രഹിക്കുന്നുണ്ട്. ഹസനിലെ ജനങ്ങളും അതാഗ്രഹിക്കുന്നുന്നു. അത് കൊണ്ട് ഞാന്‍ രാജിവെക്കാന്‍ തീരുമാനിച്ചിരിക്കുകയാണ്. ഹാസനില്‍ നിന്ന് ദേവഗൗഡ വീണ്ടും ജയിച്ച് പാര്‍ലമ​​െൻറിലെത്തും’ - പ്രജ്വൽ പറഞ്ഞു. രാജിവെക്കുന്നതിന് മുമ്പ്​ എച്ച്.ഡി.ദേവഗൗഡ, മുഖ്യമന്ത്രി എച്ച്.ഡി.കുമാരസ്വാമി എന്നിവരെ കാണുമെന്നും അദ്ദേഹം പറഞ്ഞു.

ദേവഗൗഡയുടെ മകനും കർണാടക പൊതുമരാമത്ത്​ മന്ത്രിയുമായ എച്ച്​.ഡി രേവണ്ണയുടെ മകനാണ്​ പ്രജ്വൽ രേവണ്ണ. ദേവഗൗഡയുടെ മറ്റൊരു മകനും മുഖ്യമന്ത്രിയുമായ എച്ച്.ഡി.കുമാരസ്വാമിയുടെ മകൻ നിഖില്‍ കുമാരസ്വാമി മാണ്ഡ്യയില്‍ മത്സരിച്ചിരുന്നെങ്കിലും സ്വതന്ത്രയായി മത്സരിച്ച സുമലതയോട് പരാജയപ്പെട്ടിരുന്നു.