ലോക്സഭ സ്പീക്കർ; തിരക്കിട്ട സമവായ ചർച്ചകളുമായി ബി.ജെ.പി

ന്യൂ​ഡ​ൽ​ഹി: ലോ​ക്സ​ഭ സ്പീ​ക്ക​ര്‍ തെ​ര​ഞ്ഞെ​ടു​പ്പ് ന​ട​ക്കാ​നി​രി​ക്കെ തി​ര​ക്കി​ട്ട​ സ​മ​വാ​യ ച​ർ​ച്ച​ക​ളു​മാ​യി ബി.​ജെ.​പി. എ​ൻ.​ഡി.​എ സ​ഖ്യ​ക​ക്ഷി​ക​ളു​ടെ​യും മു​തി​ര്‍ന്ന കേ​ന്ദ്ര​മ​ന്ത്രി​മാ​രു​ടെ​യും യോ​ഗം രാ​ജ്‌​നാ​ഥ് സി​ങ്ങി​ന്റെ വ​സ​തി​യി​ൽ ചൊ​വ്വാ​ഴ്ച വൈ​കീ​ട്ട് ചേ​ർ​ന്നു. കേ​ന്ദ്ര​മ​ന്ത്രി​മാ​രാ​യ ജെ.​പി. ന​ഡ്ഡ, അ​ശ്വി​നി വൈ​ഷ്ണ​വ്, കി​ര​ണ്‍ റി​ജി​ജു, രാം​മോ​ഹ​ന്‍ നാ​യി​ഡു, ചി​രാ​ഗ് പാ​സ്വാ​ന്‍, ല​ല​ന്‍ സി​ങ് എ​ന്നി​വ​ര്‍ യോ​ഗ​ത്തി​ല്‍ സം​ബ​ന്ധി​ച്ചു. സ്പീ​ക്ക​ര്‍ സ്ഥാ​ന​ത്തേ​ക്ക് എ​ല്ലാ ക​ക്ഷി​ക​ള്‍ക്കും സ്വീ​കാ​ര്യ​നാ​യ സ്ഥാ​നാ​ർ​ഥി​യെ ക​ണ്ടെ​ത്താ​നാ​ണ് ശ്ര​മം.

സ​ഖ്യ​ക​ക്ഷി​ക​ളാ​യ ജെ.​ഡി.​യു​വും ടി.​ഡി.​പി​യും ക​സേ​ര​ക്ക്​ അ​വ​കാ​ശ​വാ​ദം ഉ​ന്ന​യി​ച്ചി​ട്ടു​ണ്ട്. പാ​ർ​ല​​മെൻറി​ൽ അ​ടി​യ​ന്ത​ര​പ്ര​മേ​യ​വും അ​വി​ശ്വാ​സ​വു​മ​ട​ക്കം കാ​ര്യ​ങ്ങ​ളി​ൽ സ്പീ​ക്ക​റു​ടെ ന​ട​പ​ടി നി​ർ​ണാ​യ​ക​മാ​ണ്. നി​ല​വി​ൽ സ​ഖ്യ​ക​ക്ഷി​ക​ളു​ടെ പി​ന്തു​ണ​യി​ല്ലാ​തെ തീ​രു​മാ​ന​മെ​ടു​ക്കാ​ൻ ബി.​ജെ.​പി​ക്ക്​ ക​ഴി​യാ​ത്ത സാ​ഹ​ച​ര്യ​മാ​ണ് സ​ഭ​യി​ലു​ള്ള​ത്​. ഈ ​സാ​ഹ​ച​ര്യ​ത്തി​ൽ സ്പീ​ക്ക​ർ പ​ദ​വി നി​ല​നി​ർ​ത്തു​ക എ​ന്ന​ത്​ പാ​ർ​ട്ടി​ക്ക്​ നി​ർ​ണാ​യ​ക​മാ​ണ്. ബി.​ജെ.​പി സ​മ​വാ​യ​ത്തി​നു​ള്ള ശ്ര​മം തു​ട​രു​ന്ന​തും ഇ​തു​കൊ​ണ്ടാ​ണ്. തി​ങ്ക​ളാ​ഴ്ച രാ​ത്രി, ര​ണ്ടാം മോ​ദി സ​ർ​ക്കാ​റി​ൽ സ്പീ​ക്ക​റാ​യി​രു​ന്ന രാ​ജ​സ്ഥാ​നി​ൽ നി​ന്നു​ള്ള എം.​പി ഓം ​ബി​ര്‍ള​യു​ടെ വീ​ട്ടി​ലും കൂ​ടി​ക്കാ​ഴ്​​ച ന​ട​ത്തി​യി​രു​ന്നു.

ഇ​ത്​ ര​ണ്ടാം​ത​വ​ണ​യാ​ണ് പ്ര​തി​രോ​ധ മ​ന്ത്രി​ രാ​ജ്​​നാ​ഥ്​ സി​ങ്ങി​ന്‍റെ നേ​തൃ​ത്വ​ത്തി​ൽ ച​ർ​ച്ച ന​ട​ക്കു​ന്ന​ത്. ജൂ​ൺ 16നും ​രാ​ജ്​​നാ​ഥ്​ സി​ങ്ങി​​ന്‍റെ നേ​തൃ​ത്വ​ത്തി​ൽ ഡ​ൽ​ഹി​യി​ൽ കൂ​ടി​ക്കാ​ഴ്ച ന​ട​ത്തി​യി​രു​ന്നു. ടി.​ഡി.​പി സ്ഥാ​പ​ക​ൻ എ​ൻ.​ടി. രാ​മ​റാ​വു​വി​ന്‍റെ മ​ക​ളും ആ​ന്ധ്ര ബി.​ജെ.​പി അ​ധ്യ​ക്ഷ​യു​മാ​യ ദ​ഗ്ഗു​ബ​തി പു​ര​ന്ദേ​ശ്വ​രി​യു​ടെ പേ​രും സ്പീ​ക്ക​ർ പ​ദ​വി​യി​​ലേ​ക്ക്​ ഉ​യ​ർ​ന്നു​കേ​ൾ​ക്കു​ന്നു​ണ്ട്. ടി.​ഡി.​പി അ​ധ്യ​ക്ഷ​ൻ ച​ന്ദ്ര​ബാ​ബു നാ​യി​ഡു​വി​ന്‍റെ ഭാ​ര്യാ​സ​ഹോ​ദ​രി കൂ​ടി​യാ​ണ്​ പു​ര​ന്ദേ​ശ്വ​രി. അ​വ​ർ​ക്ക്​ സ്പീ​ക്ക​ർ പ​ദ​വി ന​ൽ​കു​ക​യാ​ണെ​ങ്കി​ൽ ച​ന്ദ്ര​ബാ​ബു​നാ​യി​ഡു​വി​നെ അ​നു​ന​യി​പ്പി​ക്കാ​ൻ ഉ​ത​കു​മെ​ന്നും ബി.​ജെ.​പി നേ​തൃ​ത്വ​ത്തി​ൽ അ​ഭി​പ്രാ​യ​മു​​ണ്ടെ​ന്നാ​ണ്​ സൂ​ച​ന. സ്പീ​ക്ക​ര്‍ പ​ദ​വി​ക്കാ​യി രം​ഗ​ത്തു​ള്ള ടി.​ഡി.​പി ഇ​തു​വ​രെ അ​ന്തി​മ നി​ല​പാ​ട് വ്യ​ക്ത​മാ​ക്കി​യി​ട്ടി​ല്ല. എ​ൻ.​ഡി.​എ ക​ക്ഷി​ക​ളി​ല്‍ സ​മ​വാ​യ​ത്തോ​ടെ സ്ഥാ​നാ​ർ​ഥി വേ​ണ​മെ​ന്നാ​ണ് ടി.​ഡി.​പി വ​ക്താ​വ് നേ​ര​ത്തെ പ​റ​ഞ്ഞ​ത്.

അ​തേ​സ​മ​യം, ബി.​ജെ.​പി നി​ര്‍ദേ​ശി​ക്കു​ന്ന​യാ​ളെ പി​ന്തു​ണ​ക്കു​മെ​ന്ന് ജെ.​ഡി.​യു നേ​താ​വ് കെ.​സി. ത്യാ​ഗി അ​റി​യി​ച്ചി​ട്ടു​ണ്ട്. ടി.​ഡി.​പി​ക്ക് ഡെ​പ്യൂ​ട്ടി സ്പീ​ക്ക​ര്‍ പ​ദ​വി ന​ല്‍കി, നി​ര്‍ണാ​യ​ക​മാ​യ സ്പീ​ക്ക​ര്‍ പ​ദ​വി കൈ​വ​ശ​പ്പെ​ടു​ത്താ​നാ​കു​മെ​ന്നാ​ണ് ബി.​ജെ.​പി​യു​ടെ ക​ണ​ക്കു​കൂ​ട്ട​ല്‍. കാ​ല​ങ്ങ​ളോ​ളം പി​ന്തു​ട​ര്‍ന്നു​വ​ന്ന കീ​ഴ് വ​ഴ​ക്ക​മാ​യ ഡെ​പ്യൂ​ട്ടി സ്പീ​ക്ക​ര്‍ പ​ദ​വി പ്ര​തി​പ​ക്ഷ​ത്തി​ന് ന​ല്‍കു​ന്ന​ത് തു​ട​രാ​മെ​ന്ന ഉ​റ​പ്പു​ല​ഭി​ച്ചാ​ല്‍ സ്പീ​ക്ക​ര്‍ സ്ഥാ​ന​ത്തേ​ക്ക് എ​തി​രി​ല്ലാ​തെ തെ​ര​ഞ്ഞെ​ടു​ക്കു​ന്ന​തി​നോ​ട് യോ​ജി​ക്കാ​മെ​ന്നാ​ണ് പ്ര​തി​പ​ക്ഷ സ​ഖ്യ​മാ​യ ഇ​ൻ​ഡ്യ മു​ന്ന​ണി​യു​ടെ നി​ല​പാ​ട്. അ​തേ​സ​മ​യം ഡെ​പ്യൂ​ട്ടി സ്പീ​ക്ക​ര്‍ പ​ദ​വി പ്ര​തി​പ​ക്ഷ​ത്തി​ന് ന​ല്‍കി​യി​ല്ലെ​ങ്കി​ല്‍ സ്പീ​ക്ക​ര്‍ സ്ഥാ​ന​ത്തേ​ക്കും ഇ​ൻ​ഡ്യ മു​ന്ന​ണി മ​ത്സ​രി​ച്ചേ​ക്കും. 26നാ​ണ് സ്പീ​ക്ക​ർ തെ​ര​ഞ്ഞെ​ടു​പ്പ്.