ലോക്​സഭ സന്ദർശ ഗാലറിയിൽ നിന്ന്​ ചാടാൻ ശ്രമിച്ചയാൾ പിടിയിൽ

ന്യൂഡൽഹി: പാർലമെൻറ്​ സമ്മേളനത്തിനി​ടെ ലോക്​സഭയുടെ സന്ദർശ ഗാലറിയിൽ നിന്ന്​ താ​ഴേക്ക്​ ചാടാൻ ശ്രമിച്ചയാളെ സുരഷാ ഉ​ദ്യോഗസ്ഥർ കസ്​റ്റഡിയിലെടുത്തു.  ഉത്തർപ്രദേശ്​ സ്വദേശിയെന്ന്​ സംശയിക്കുന്ന രാകേഷ്​ സിങ്​ ഭാഗൽ എന്ന യുവാവാണ്​ ഗാലറിയിൽ നിന്നും താഴേക്ക്​ ചാടാൻ ശ്രമിച്ചത്​.

​നോട്ടു മാറ്റം സർക്കാറി​െൻറ ജനദ്രോഹ നയമാണെന്ന്​ മുദ്രാവാക്യം വിളിച്ച രാകേഷ്​ സിങ്​ താഴേക്ക്​ കുതിക്കാൻ ശ്രമിക്കുകയായിരുന്നു. തക്കസമയത്ത്​ ഇടപെട്ട സുരക്ഷാ ഉദ്യോഗസ്ഥർ ഇയാളെ ബലംപ്രയോഗിച്ച്​ തടഞ്ഞു.ശേഷം കസ്​റ്റഡിയിലെടുത്ത്​ പുറത്തേക്ക്​ കൊണ്ടുപോയി.  

ഉത്തർപ്രദേശിലെ ബുലന്ദർശഹർ ബി.ജെ.പി എം.പി ഭോലാ സിങ്ങി​െൻറ ശിപാർശ പ്രകാരമുള്ള പാസാണ്​ ഇയാളുടെ കയ്യിലുണ്ടായിരുന്നത്​.
പ്രതിപക്ഷത്തി​െൻറ ബഹളം മൂലം നിറത്തിവെച്ച സഭ വീണ്ടും ചേർന്നപ്പോഴാണ്​ സംഭവമുണ്ടായത്​.
വിശദമായ അന്വേഷണത്തിന്​ ശേഷം ഇയാളെ താക്കീത്​ ചെയ്​ത്​ പറഞ്ഞുവിടുമെന്ന്​ സ്​പീക്കർ സുമിത്രാ മഹാജൻ സഭയെ അറിയിച്ചു.