അഞ്ചാംഘട്ടം ഇന്ന്:​ സോണിയ, രാഹുൽ, രാജ്​നാഥ്​ തുടങ്ങിയവർ കളത്തിൽ

ന്യൂ​​ഡ​​ല്‍ഹി: രാ​ജ്യ​ഭ​ര​ണം ആ​ർ​ക്കെ​ന്ന്​ നി​ശ്ച​യി​ക്കാ​നു​ള്ള തെ​ര​ഞ്ഞെ​ടു​പ്പ്​ മ​ഹാ​മ​ഹ​ത്തി​​െൻറ അ​ഞ്ചാം​ഘ​​ട്ട​ം ഇ​ന്ന്. ഏ​​ഴു​ സം​​സ്​​​ഥാ​​ന​​ങ്ങ​​ളി​​ലെ 51 മ​​ണ്ഡ​​ല​​ങ്ങ​​ളി​​ലേ​​ക്കാ​​ണ് ഇ​ന്ന്​ വോ​െ​​ട്ട​​ടു​​പ്പ്. ഉ​​ത്ത​​ർ​​പ്ര​​ദേ​​ശി​ൽ​ 14, രാ​​ജ​​സ്ഥാ​​നി​​ല്‍ 12, പ​​ശ്ചി​​മ​ബം​​ഗാ​​ളി​​ലും മ​​ധ്യ​​പ്ര​​ദേ​​ശി​​ലും ഏ​​ഴു​വീ​​തം. ബി​​ഹാ​​റി​​ല്‍ അ​​ഞ്ചും ഝാ​​ര്‍ഖ​​ണ്ഡി​​ല്‍ നാ​​ലും ക​​ശ്മീ​​രി​​ല്‍ ര​​ണ്ടു സീ​​റ്റു​മ​ട​ക്കം 51 മ​​ണ്ഡ​​ല​​ങ്ങ​​ളി​​ലേ​​ക്കാ​​ണ് വോ​​ട്ടെ​​ടു​​പ്പ് ന​​ട​​ക്കു​​ക.

2014ൽ ഇ​തി​ൽ 38 ​എ​ണ്ണ​ത്തി​ലും ജ​യി​ച്ച​ത്​ ബി.​ജെ.​പി​യാ​ണ്. കോ​ൺ​ഗ്ര​സി​നു കി​ട്ടി​യ​ത് വെ​റും ര​ണ്ട്​ സീ​റ്റു​മാ​ത്രം. ഇ​തോ​ടെ, രാ​ജ്യം തെ​ര​ഞ്ഞെ​ടു​പ്പി​​െൻറ അ​വ​സാ​ന ലാ​പ്പി​ലേ​ക്ക്​ ക​ട​ക്കും. ഇ​ന്ന്​ ​വോ​​ട്ടെ​ടു​പ്പ്​ ക​ഴി​ഞ്ഞാ​ൽ 543 മ​ണ്ഡ​ല​ങ്ങ​ളി​ൽ 425 ഇ​ട​ത്തും വോ​​ട്ടെ​ടു​പ്പ്​ പൂ​ർ​ത്തി​യാ​കും. ലോ​​ക​​ത്തി​​ലെ ഏ​​റ്റ​​വും വ​​ലി​​യ ജ​​നാ​​ധി​​പ​​ത്യ ഉ​​ത്സ​​വ​​ത്തി​ന്​ പി​ന്നെ ശേ​ഷി​ക്കു​ന്ന​ത്​ ര​ണ്ടു​ഘ​ട്ടം മാ​ത്രം. ആ​റാം​ഘ​ട്ടം മേ​യ്​ 12നാണ്​. ഏ​​ഴ്​​ സം​​സ്​​​ഥാ​​ന​​ങ്ങ​​ളി​​ലെ 59 മ​​ണ്ഡ​​ല​​ങ്ങ​​ളി​​ലേ​​ക്കാ​​ണ് അ​ന്ന്​ വോ​െ​​ട്ട​​ടു​​പ്പ്. ഫ​​ല​​പ്ര​​ഖ്യാ​​പ​​നം മേ​​യ്​ 23ന്​ ​​ന​​ട​​ക്കും.

സോണിയയും രാഹുലും കളത്തിൽ; ജ​​ന​​വി​​ധി തേ​​ട​ു​​ന്ന​​ത് 674 സ്​​​ഥാ​​നാ​​ർ​​ഥി​​ക​​ൾ
ന്യൂ​ഡ​ല്‍ഹി: സോണിയയുടെ റായ്​ബറേലി. രാജ്​നാഥി​​െൻറ ല​ഖ്​​നോ. രാഹുലി​​െൻറ അമേത്തി... പൊതുതെരഞ്ഞെടുപ്പി​​െൻറ അഞ്ചാം ഘട്ടത്തിലും തീ പാറും പോരാട്ടങ്ങൾക്ക്​ കുറവില്ല. അമേത്തിയിൽ രാഹുലിനെതിരെ കേന്ദ്രമന്ത്രി സ്​മൃതി ഇറാനിയുടെ പോരാട്ടമാണ്​ ഇതിൽ ഏറ്റവും ശ്രദ്ധേയം. രാ​ജീ​വ് പ്ര​താ​പ് റൂ​ഡി (​മു​സ​ഫ​ര്‍പു​ര്‍), അ​ര്‍ജു​ന്‍ മു​ണ്ട (​റാ​ഞ്ചി), ജ​യ​ന്ത് സി​ന്‍ഹ (​ഹ​സാ​രി​ബാ​ഗ്), കൃ​ഷ്ണ പു​നി​യ (ജ​യ്പു​ര്‍ റൂ​റ​ല്‍), ദി​നേ​ഷ് ത്രി​വേ​ദി (ബാ​ര​ക്പു​ര്‍) തു​ട​ങ്ങി​യ​വയാണ്​ ശ്ര​ദ്ധേ​യ​മാ​യ മറ്റ്​ മ​ണ്ഡ​ല​ങ്ങ​ൾ. 674 സ്​​ഥാ​നാ​ർ​ഥി​ക​ളാ​ണ്​ ഇൗ ​ഘ​ട്ട​ത്തി​ൽ ജ​ന​വി​ധി തേ​ട​ു​ന്ന​ത്.

ഉത്തർപ്രദേശിലെ റായ്​ബറേലിയിലും അമേത്തിയിലും കോൺഗ്രസ്​ സമ്പൂർണ വിജയപ്രതീക്ഷയിലാണ്​. 2014ൽ മോദിതരംഗത്തിലും മറിയാത്ത മണ്ഡലം തങ്ങ​െള കൈവിടില്ലെന്ന പ്രതീക്ഷയിലാണ്​ സോണിയയും രാഹുലും. യു.പിയിലെ 14 മണ്ഡലങ്ങളിൽ പത്തിടത്തെങ്കിലും കടുത്ത മത്സരം​ നടക്കുന്നുണ്ട്​. അതിൽ റായ്​ബറേലിക്കും അമേത്തിക്കും പുറമേ ലഖ്​നോയും ഏറക്കുറെ സിറ്റിങ് എം.പിമാരെ തുണക്കുമെന്നാണ്​ പ്രതീക്ഷ. കേന്ദ്ര ആഭ്യന്തര മന്ത്രി രാജ്​നാഥ്​ സിങ്ങാണ്​ ലഖ്​നോയിലെ സ്​ഥാനാർഥി. അടുത്തിടെ സമാജ്​വാദി പാർട്ടിയിൽ ചേർന്ന പൂനം സിൻഹയാണ്​ (ശത്രുഘൻ സിൻഹയുടെ ഭാര്യ) രാജ്​നാഥി​​െൻറ എതിരാളി.

2014ൽ രാജസ്​ഥാനിൽ സമ്പൂർണ പരാജയമായിരുന്നു ​ കോൺഗ്രസിന്​. ആകെയുള്ള 25 സീറ്റും തൂത്തുവാരിയത്​ ബി.ജെ.പി. സംസ്​ഥാന ഭരണം ബി.ജെ.പിയിൽനിന്ന്​ തിരിച്ചുപിടിച്ച കോൺഗ്രസിന്​ കഴിഞ്ഞതവണ ന​ഷ്​ടമായ സീറ്റുകളും തിരിച്ചുപിടിക്കാമെന്ന ശുഭപ്രതീക്ഷയുണ്ട്​. ബിഹാറിൽ ഇന്ന്​ വോ​ട്ടെടുപ്പ്​ നടക്കുന്ന അഞ്ചിടത്തും എൻ.ഡി.എ സഖ്യമാണ്​ 2014ൽ വിജയിച്ചത്​. കോൺഗ്രസ്​ -ആർ.ജെ.ഡി സഖ്യത്തിന്​ അതിൽ എത്ര വിള്ളൽ വീഴ്​ത്താനാകുമെന്നാണ്​ കണ്ടറിയേണ്ടത്​.

ബംഗാളിൽ ഏഴിൽ ഏഴും കഴിഞ്ഞതവണ തൃണമൂലിനൊപ്പമായിരുന്നു. ആ പതിവ്​ ഇക്കുറിയും തെറ്റാൻ ഇടയില്ല. രണ്ടോ മൂന്നോ മണ്ഡലങ്ങളിൽ ബി.ജെ.പി മത്സരവീര്യം കാട്ടുന്നതൊഴിച്ചാൽ അത്ഭുതത്തിന്​ വകയില്ല. അതേസമയം, തെരഞ്ഞെടുപ്പ്​ ദിവസം അതിക്രമം പതിവായതോടെ മുഴുവൻ മണ്ഡലങ്ങളിലും കേന്ദ്രസേനയെ വിന്യസിച്ചാകും ഇന്നത്തെ വോ​ട്ടെടുപ്പ്​.

ജമ്മു-കശ്​മീരിലെ ലഡാക്ക് മണ്ഡലത്തിൽ കാർഗിൽ, ലേ ജില്ലകളിലെ വോട്ടെടുപ്പും അനന്തനാഗിലെ ചില ബൂത്തുകളിലെ വോട്ടെടുപ്പും ഇന്ന്​ നടക്കും. കേന്ദ്രമന്ത്രി ജയന്ത്​ സിൻഹ, മുൻ മുഖ്യമന്ത്രി അർജുൻ മുണ്ടെ, മുൻ എം.എൽ.എ കാളിചരൺ മുണ്ടെ അടക്കം 61 പേരാണ്​ ഝാ​ര്‍ഖ​ണ്ഡി​ല്‍ നാ​ലിടത്തെ ജനവിധി അറിയാൻ മത്സരിക്കുന്നത്​. 29 മണ്ഡലങ്ങളിൽ നാല്​ ഘട്ടങ്ങളിലായി വോ​ട്ടെടുപ്പ്​ നടക്കുന്ന മധ്യപ്രദേശിൽ ഇക്കുറി കടുത്ത മത്സരമാണ്. ഏഴ്​ മണ്ഡലങ്ങളിലേക്കാണ്​ ഇന്ന്​ വോ​ട്ടെടുപ്പ്​. ഏപ്രിൽ 29ന്​ നടന്ന ആദ്യഘട്ടത്തിൽ ആറിടത്തായിരുന്നു പോളിങ്​. ആറ്​, ഏഴ്​ ഘട്ടങ്ങൾ മേയ്​ 12, 19 തീയതികളിൽ നടക്കും. ഈ രണ്ട്​ ഘട്ടങ്ങളിലും എട്ട്​ മണ്ഡലങ്ങളിൽ വീതമാണ്​ വോ​ട്ടെടുപ്പ്​. 2014ൽ 29ൽ 27ലും വിജയിച്ചത്​ എൻ.ഡി.എയാണ്​. കോൺഗ്രസിന്​ കിട്ടിയത്​ ശേഷിക്കുന്ന രണ്ടു മാത്രം. പിന്നീട്​ ഉപതെരഞ്ഞെടുപ്പിൽ കോൺഗ്രസ്​ പ്രാതിനിധ്യം മൂന്നായി.