Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightകോവിഡിനൊപ്പം ഡൽഹിയിൽ...

കോവിഡിനൊപ്പം ഡൽഹിയിൽ വെട്ടുകിളി ഭീതിയും; കനത്ത ജാഗ്രത നിർദേശം

text_fields
bookmark_border
കോവിഡിനൊപ്പം ഡൽഹിയിൽ വെട്ടുകിളി ഭീതിയും; കനത്ത ജാഗ്രത നിർദേശം
cancel

ന്യൂഡൽഹി: കോവിഡിനൊപ്പം ഡൽഹിയിൽ വെട്ടുകിളി ഭീതിയും ഉയർന്നതോടെ കനത്ത ജാഗ്രത നിർ​േ​ദശം പുറ​െപ്പടുവിച്ചു. ശനിയാഴ്​ച ഡൽഹിയിലെ അതിർത്തി പ്രദേശമായ ഗുരുഗ്രാമിൽ വെട്ടുകിളികൾ എത്തിയിരുന്നു. കൂടാതെ ഫരീദാബാദിലും വെട്ടുകിളികൾ നാശം വിതച്ചു. ആയിരക്കണക്കിന്​ വെട്ടുകിളികളാണ്​ ഗുരുഗ്രാമിലെ ആകാശത്ത്​ ശനിയാഴ്​ച പറന്നുനടന്നത്​.

വെട്ടുകിളി ആക്രമണ ഭീഷണി ഉയർന്നതോടെവിമാന പൈലറ്റുമാർക്ക്​ മുന്നറിയിപ്പ്​ നൽകി. ഡൽഹി ട്രാഫിക്​ കൺട്രോളറാണ് മുന്നറിയിപ്പ്​ നൽകിയത്​. ടേക്ക്ഓഫി​െൻറയും ലാന്‍ഡിങി​െൻറയും സമയത്ത് പൈലറ്റുമാര്‍ മുന്‍കരുതലുകള്‍ എടുക്കണമെന്നാണ്​ നിർദേശം.

അതേസമയം വെട്ടുകിളി വൻനാശമുണ്ടാക്കിയ സംസ്ഥാനങ്ങളിൽ ഡ്രോൺ ഉപയോഗിച്ചുള്ള പ്രതിരോധ പ്രവർത്തനങ്ങൾ ആരംഭിച്ചതായും ഇത്​ ഫലപ്രദമാണെന്നും കേന്ദ്ര കാർഷിക മന്ത്രാലയം പ്രതികരിച്ചു. മേയ്​ മുതലാണ്​ ഉത്തരേ​ന്ത്യയിൽ വെട്ടുകിളി ആക്രമണം രൂക്ഷമായത്​.

ഇന്നലെ രാവിലെയാണ് വെട്ടുകിളി കൂട്ടം ഗുരുഗ്രാമിൽ എത്തിയത്. പടിഞ്ഞാറ് കിഴക്ക് ദിശയിൽ ആയി പല വഴിക്കായാണ് ഇവ നീങ്ങുന്നത്. ദക്ഷിണ ഡൽഹിയിലെ അസോള ഭട്ടിയിൽ വെട്ടുകിളികൾ എത്തി. വെട്ടുകിളികൾ സംസ്​ഥാനത്ത്​ നാശം വിതക്കാൻ സാധ്യതയുള്ളതിനാൽ ഡൽഹി പരിസ്​ഥിതി മന്ത്രി ഗോപാൽ റായ്​ അതിർത്തി ജില്ലകൾക്ക്​ മുന്നറിയിപ്പ്​ നൽകി.

ഡൽഹിലേക്ക് ഇവ പ്രവേശിച്ചു കഴിഞ്ഞാൽ സ്വീകരിക്കേണ്ട നടപടിക്രമങ്ങൾ സംബന്ധിച്ച് മാർഗനിർദേശങ്ങൾ നൽകി. വാതിലുകളും ജനലുകളും അടച്ചിടണം, വലിയ ശബ്​ദങ്ങൾ ഉണ്ടാക്കാൻ ഉള്ള സംവിധാനങ്ങൾ സജ്ജമാക്കണം, കൃഷിയിടങ്ങളിൽ കീടനാശിനികൾ തളിക്കാനുള്ള ഉപകരണങ്ങൾ ഒരുക്കി വയ്ക്കണം തുടങ്ങിയവ നിർദേശങ്ങളിൽ പറയുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:locust attack
News Summary - Locust swarms seen in Delhi
Next Story