ആന്ധ്ര- തമിഴ്​നാട്​ അതിർത്തിയിൽ രണ്ടിടങ്ങളിൽ റോഡിന്​ കുറുകെ മതിൽകെട്ടി

ചെന്നൈ: വെല്ലൂർ ജില്ലയിലെ ആന്ധപ്രദേശ്​- തമിഴ്​നാട്​ സംസ്​ഥാനതിർത്തിയിൽ രണ്ടിടങ്ങളിലായി റോഡിന്​ കുറുകെ മതി ൽ നിർമിച്ചു. വെല്ലൂർ ജില്ല കലക്​ടർ എ.ഷൺമുഖസുന്ദരത്തി​​​​​െൻറ ഉത്തരവിനെ തുടർന്നാണ്​ മാത്താണ്ഡകുപ്പത്തിലെ സൈന ഗുണ്ട, പൊന്നൈ എന്നീ രണ്ട്​ ചെക്​പോസ്​റ്റുകളിൽ റോഡിന്​ കുറുകെ അഞ്ചടി ഉയരത്തിൽ മതിൽകെട്ടിപ്പൊക്കിയത്​.

അതേസമയം സേർക്കാട്​, പാത്താലപള്ളി ഉൾപ്പെടെ നാല്​ അതിർത്തി ചെക്​പോസ്​റ്റുകൾ തുറന്നിടുമെന്നും അധികൃതർ അറിയിച്ചു. തമിഴ്​നാട്ടിലെ വെല്ലൂർ ജില്ലയും ആന്ധ്രയിലെ ചിറ്റൂർ ജില്ലകളും അതിർത്തി പങ്കിടുന്ന അന്തർ സംസ്​ഥാന പാതകളാണ്​ അടച്ചത്​. മതിൽ നിർമാണത്തിൽ ആന്ധ്ര സർക്കാർ ശക്തിയായി പ്രതിഷേധിച്ചു. അതേസമയം പ്രസ്​തുത നടപടി അവശ്യ സർവീസുകളെ ബാധിക്കില്ലെന്നാണ്​ വെല്ലൂർ കലക്​ടർ അറിയിച്ചത്​.