Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightലോക്​ഡൗൺ 37,000 മുതൽ...

ലോക്​ഡൗൺ 37,000 മുതൽ 78,000 കോവിഡ്​ മരണങ്ങൾ തടഞ്ഞു - കേന്ദ്ര ആരോഗ്യമന്ത്രി

text_fields
bookmark_border
ലോക്​ഡൗൺ 37,000 മുതൽ 78,000 കോവിഡ്​ മരണങ്ങൾ തടഞ്ഞു - കേന്ദ്ര ആരോഗ്യമന്ത്രി
cancel

ന്യൂഡൽഹി: പ്രധാനമന്ത്രി നരേന്ദ്രമോദി പ്രഖ്യാപിച്ച രാജ്യവ്യാപക ലോക്​ഡൗൺ കോവിഡ്​ അതിവ്യാപനം തടഞ്ഞുവെന്ന്​ കേന്ദ്രആരോഗ്യ കുടുംബക്ഷേമ മന്ത്രി ഡോ.ഹർഷ്​ വർധൻ. ലോക്​ഡൗണിലൂടെ 14 ലക്ഷം മുതൽ 29 ലക്ഷം കോവിഡ്​ കേസുകളും 37,000 മുതൽ 78,000 കോവിഡ്​ മരണങ്ങളും ഒഴിവാക്കാൻ കഴിഞ്ഞുവെന്ന്​ മ​ന്ത്രി ലോക്​സഭയിൽ പറഞ്ഞു.

നാല് മാസത്തെ ലോക്ഡൗൺ ആരോഗ്യരംഗത്ത് അടിസ്ഥാനസൗകര്യങ്ങൾ വികസിപ്പിക്കുന്നതും മനുഷ്യവിഭവശേഷി കൂട്ടുന്നതിനും പി.പി.ഇ. കിറ്റ്, എൻ-95 മാസ്ക്, വെൻറിലേറ്ററുകൾ തുടങ്ങിയ ഉത്‌പാദിപ്പിക്കാനുമായാണ് ചെലവഴിച്ചത്. മാർച്ചിൽ ഉണ്ടായതിനേക്കാൾ എത്രയോ മടങ്ങ് ഐസോലേഷൻ , ഐ.സി.യു സൗകര്യങ്ങൾ വർധിപ്പിച്ചു. പി.പി.ഇ കിറ്റ്​ അടക്കമുള്ള ഉപകരണങ്ങൾ കയറ്റുമതി ചെയ്യാവുന്ന ഘട്ടത്തിൽ രാജ്യമെത്തിയെന്നും ഹർഷ്​ വർധൻ പറഞ്ഞു.

ലോകാരോഗ്യ സംഘടന നിർദേശിച്ചതിലും ഉയർന്ന തോതിൽ കോവിഡ്​ പരിശോധനകൾ ഇന്ത്യയിൽ നടത്തിയിട്ടുണ്ട്​. ഓക്​സിജൻ സിലിണ്ടറുകളുടെ ലഭ്യതയിൽ രാജ്യം സ്വയം പര്യാപ്​ത നേടി. ഒരു ലക്ഷം ഓക്​സിജൻ സിലിണ്ടറുകൾ സംസ്ഥാനങ്ങൾക്കും കേന്ദ്രഭരണപ്രദേശങ്ങൾക്കുമായി നൽകി. കോവിഡ്​ രോഗമുക്തി നിരക്ക്​ വർധിപ്പിക്കാനും മരണനിരക്ക്​ കുറക്കാനും കഴിഞ്ഞു. കോവിഡിനെതിരായ പോരാട്ടം അവസാന ഘട്ടത്തിലാണെന്നും മന്ത്രി പറഞ്ഞു.

Show Full Article
TAGS:Lockdown Union Minister Harsh Vardhan PM Modi COVID FIGHT 
Next Story