Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightവാടകക്കെടുത്ത ട്രക്കും ...

വാടകക്കെടുത്ത ട്രക്കും ഒരു ലോഡ്​ സവാളയും; ലോക്​ഡൗണിൽ കുടുങ്ങിയ യുവാവ്​ നാട്ടിലെത്തിയതി​ങ്ങനെ

text_fields
bookmark_border
വാടകക്കെടുത്ത ട്രക്കും ഒരു ലോഡ്​ സവാളയും; ലോക്​ഡൗണിൽ കുടുങ്ങിയ യുവാവ്​ നാട്ടിലെത്തിയതി​ങ്ങനെ
cancel

അലഹാബാദ്​: ലോക്​ഡൗണിൽ മുംബൈയിൽനിന്നും അലഹബാദിലെ വീട്ടിലെത്താൻ എന്തുചെയ്യും. 25 ടൺ സവാള വാങ്ങി ഒരു ട്രക്ക്​ വ ാടകക്കെടുത്ത്​ നാട്ടിലേക്കു പോരുമെന്നാണ്​ അലഹാബാദ്​ സ്വദേശിയുടെ ഉത്തരം. മുംബൈ വിമാനത്താവളത്തിൽ ജോലി ചെയ് യുന്ന യുവാവ്​ പ്രേം മൂർത്തി പാണ്ഡെ ലോക്​ഡൗണിൽ മുംബൈയിൽ കുടുങ്ങുകയായിരുന്നു.

ലോക്​ഡൗണി​​െൻറ ആദ്യ ഘട്ടത ്തിൽ മുംബൈയിൽതന്നെ താമസിച്ചു. എന്നാൽ ലോക്​ഡൗൺ നീട്ടിയതോടെയും പ്രദേശത്ത്​ കോവിഡ്​ രോഗം വ്യാപിച്ചതോടെയും മുംബൈയിൽ താമസിക്കാൻ കഴിയാത്ത നിലയിലായി. ആസാദ്​ നഗറിലെ അന്തേരിയിലാണ്​ യുവാവ്​ താമസിച്ചിരുന്നത്​. ജനങ്ങൾ തിങ്ങി പാർക്കുന്ന പ്രദേശത്ത്​ കോവിഡ്​ ബാധയു​ം പടർന്നുപിടിച്ചു. ലോക്ഡൗൺ മൂലം ബസ്​, ട്രെയിൻ, വിമാനം എന്നിവ സർവിസ്​ നിർത്തിയതോടെ മറ്റു വഴികളൊന്നും ഇല്ലാതായി.

കോവിഡ്​ ബാധ പടരുന്ന സാഹചര്യത്തിൽ ലോക്​ഡൗൺ ഇനിയും നീട്ടിയേക്കുമെന്ന ഉൗഹത്തിൽ നാട്ടിലെത്താൻ വഴി അന്വേഷിച്ചുകൊണ്ടിരുന്നു. ഈ സമയത്താണ്​ ലോക്​ഡൗണിൽ അവശ്യസാധനങ്ങൾ കൊണ്ടുപോകുന്ന വാഹനങ്ങളെ കടത്തിവിടുന്നുണ്ടെന്ന്​ മനസിലാക്കിയത്​. ഇതോടെ ആദ്യഘട്ടമായി​ ഏപ്രിൽ 17ന് ഒരു മിനി ട്രക്ക്​ വാടകക്കെടുത്തു. ​അവിടെനിന്ന്​ നാസിക്കിലെത്തി 10,000 രൂപയുടെ തണ്ണിമത്തൻ ​വാങ്ങി മുംബൈയിൽ എത്തിച്ചു.

ഇതോടെ നാസിക്കിലെ പിമ്പാൽഗൺ സവാളക്ക്​ പേരു കേട്ട മാർക്കറ്റാണെന്ന്​ പാണ്ഡെ മനസിലാക്കി​. അവിടെനിന്നും ഒരു കിലോക്ക്​ 9.10 രൂപ നിരക്കിൽ 25,520 കിലോ സവാള വാങ്ങി. അവിടെനിന്ന്​ മ​െറ്റാരു ട്രക്ക്​ വാടകക്ക്​ എടുത്ത്​ 1200 കിലോമീറ്റർ അകലെയുള്ള അലഹാബാദിലേക്ക്​ തിരിച്ചു. ഏപ്രിൽ 20 ന്​ നാസിക്കിൽ നിന്നും പുറപ്പെട്ട ട്രക്ക്​ ഏപ്രിൽ 23ന്​ മുണ്ടേര മാർക്കറ്റിൽ എത്തി. അവിടത്തെ മാർക്കറ്റിൽ ആരും സവാള വാങ്ങാൻ തയാറായിരുന്നില്ല. തുടർന്നു സമീപത്തെ തന്നെ മറ്റൊരു ഗ്രാമീണ മാർക്കറ്റിലേക്ക്​ വണ്ടിയെത്തിച്ചു. നല്ല വിലകൊടുത്ത്​ സവാള വാങ്ങാൻ ആളെത്തുമെന്ന വിശ്വാസത്തിലാണ്​ പാ​െണ്ഡ. അലഹാബാദിലെത്തിയതിന്​ ശേഷം സമീപത്തെ പൊലീസ്​ സ്​റ്റേഷനിൽ വിവരം അറിയിക്കുകയും ആരോഗ്യ പ്രവർത്തകരെത്തി മെഡിക്കൽ പരിശോധന നടത്തുകയും ചെയ്​തു.


Show Full Article
TAGS:covid 19 corona india news onion malayalam news 
News Summary - In Lockdown Man Turns Into Vegetable Trader To Return Home -India news
Next Story