ലോക്ഡൗൺ നീട്ടി; നാലാംഘട്ടത്തിൽ പുതിയ മാനദണ്ഡങ്ങൾ

ന്യൂഡൽഹി: രാജ്യത്ത് ലോക്ഡൗൺ വീണ്ടും നീട്ടുന്നതായി പ്രധാനമന്ത്രി നരേന്ദ്ര മോദി. നാലാംഘട്ടത്തിൽ പുതിയ മാനദണ്ഡങ്ങളായിരിക്കുമെന്നും പ്രധാനമന്ത്രി കൂട്ടിച്ചേർത്തു. 

സംസ്​ഥാനങ്ങളുടെ നിർദേശങ്ങളുടെ അടിസ്​ഥാനത്തിലായിരിക്കും നാലാംഘട്ട ലോക്ഡൗൺ നടപ്പാക്കുക.  മെയ്​ 18ന്​ മുമ്പ്​ എല്ലാ വിശദവിവരങ്ങളും പുറത്തിറക്കും. 

ഭൂമി, തൊഴിൽ, കൃഷി എന്നിവയെ പരിപോഷിപ്പിക്കാനായി 20ലക്ഷം കോടിയുടെ സാമ്പത്തിക പാക്കേജും പ്രധാനമന്ത്രി നരേന്ദ്രമോദി​ പ്രഖ്യാപിച്ചു. ആത്മനിർഭർ ഭാരത്​  അഭിയാൻ പാക്കേജ്​ എന്ന പേരിലാണ്​ പദ്ധതി. ഇന്ത്യയുടെ ജി.ഡി.പി തുകയുടെ 10% വരുന്ന പാക്കേജാണിത്​. സമസ്​ത മേഖലകൾക്കും ഉത്തേജനം നൽകാനാണ്​ പാക്കേജെന്നും വിശദവിവരങ്ങൾ ധനമന്ത്രി നിർമല സീതാരമാൻ അടുത്തദിവസം അറിയിക്കും. 

കോവിഡിനെതിരായ പോരാട്ടത്തിൽ ഇന്ത്യതോൽക്കില്ല.  ഒരു വൈറസ്​ ലോകത്തെ മൊത്തമായി തോൽപ്പിച്ചിരിക്കുന്നു. കോവിഡ്​ പോരാട്ടം നാലുമാസമായിരിക്കുകയാണ്​. ലോകം ഒരു കുടുംബമാണെന്ന്​ ഇന്ത്യ ഉറച്ചുവിശ്വസിക്കുന്നു. ഇന്ത്യയുടെ മരുന്ന്​ ലോകത്തുടനീളമുള്ള പലർക്കും രക്ഷയായി. നമ്മുടെ ശ്രമങ്ങൾ ലോകത്തി​​​െൻറ പ്രശംസക്ക്​ പാത്രമായി.  ഇന്ത്യയു​െട കഴിവിൽ ലോകം വിശ്വസിച്ചു തുടങ്ങി. 130 കോടി ജനം സ്വാശ്രയത്തിലേക്ക്​ പ്രതിജ്​ഞയെടുത്തിരിക്കുന്നു. 

ഇന്ത്യ ഇപ്പോൾ വികസന യാത്രയിൽ തിരിച്ചെത്തിയിരിക്കുകയാണ്​. ​മികച്ച ഉൽപന്നങ്ങൾ പുറത്തിറക്കാൻ ഇന്ത്യക്കിന്ന്​ കഴിയും. ഇന്ത്യക്ക്​ സ്വാശ്രയ രാഷ്​ട്രമായി മാറാൻ കഴിയും. ധീരമായ സാമ്പത്തിക നടപടികൾക്ക്​ ഇന്ത്യക്ക്​ പ്രാപ്​തിയുണ്ട്​. കഴിഞ്ഞ ആറു വർഷത്തെ പരിഷ്​കാരങ്ങളുടെ ഫലമായി ഇന്ത്യ മുന്നോട്ടുപോവുകയാണെന്നും പ്രധാനമന്ത്രി കൂട്ടിച്ചേർത്തു.