ലോക്​ഡൗൺ: സ്ഥാപനങ്ങൾ പ്രവർത്തിച്ചില്ലെങ്കിലും ശമ്പളം കൊടുക്കണമെന്ന ഉത്തരവ്​ പിൻവലിച്ചു

ന്യൂഡൽഹി: ലോക്​ഡൗൺ കാലത്ത്​ സ്ഥാപനങ്ങൾ പ്രവർത്തിച്ചില്ലെങ്കിലും ജീവനക്കാർക്ക്​ ശമ്പളം കൊടുക്കണമെന്ന്​ ഉത്തരവ്​ പിൻവലിച്ച്​ കേന്ദ്ര ആഭ്യന്തര മന്ത്രാലയം. തിങ്കളാഴ്​ചയാണ്​ ഇതുമായി ബന്ധപ്പെട്ട ഉത്തരവ്​ പിൻവലിച്ചത്​. മുഴുവൻ ശമ്പളവും നൽകുകയെന്ന അധിക ഭാരത്തിൽ നിന്ന്​ കമ്പനികളെ മോചിപ്പിക്കാൻ ലക്ഷ്യമിട്ടാണ്​ നടപടി. 

മാർച്ച്​ 29നാണ്​ ഇതുമായി ബന്ധപ്പെട്ട്​ കേന്ദ്രസർക്കാർ ഉത്തരവിറക്കിയത്​. സ്ഥാപനങ്ങൾ അടഞ്ഞു കിടന്നാലും ജീവനക്കാർക്ക്​ ശമ്പളം നൽകണമെന്നായിരുന്നു ആഭ്യന്തര സെക്രട്ടറിയുടെ ഉത്തരവ്​. മാർച്ച്​ 29ലെ  ഉത്തരവ്​ പിൻവലിക്കുകയാണെന്ന് ആഭ്യന്തര സെക്രട്ടറി​ അജയ്​ ഭല്ല പറഞ്ഞു.

അതേസമയം ജീവനക്കാർക്ക്​ മുഴുവൻ ശമ്പളവും നൽകണമെന്ന്​ കേന്ദ്രസർക്കാർ ഉത്തരവ്​ സുപ്രീംകോടതി സ്​റ്റേ ചെയ്​തിരുന്നു. ജസ്​റ്റിസ്​ എൻ.വി രമണ, സഞ്​ജയ്​ കൃഷ്​ണ കൗൾ, ബി.ആർ. ഗാവി എന്നിവരടങ്ങിയ ബെഞ്ചി​േൻറതായിരുന്നു ഉത്തരവ്​.