ഇതരസംസ്​ഥാന തൊഴിലാളികളുമായി കേരളത്തിൽ നിന്നുപോയ ആദ്യ ട്രെയിൻ ഭുവനേശ്വറിലെത്തി

ഭുവനേശ്വർ: കേരളത്തിൽനിന്നും ഇതര സംസ്​ഥാന തൊഴിലാളികളുമായി പോയ ആദ്യ ട്രെയിൽ ഭുവനേശ്വറിലെത്തി. ഞായറാഴ്​ച രാവിലെയാണ് 1150 തൊഴിലാളികളുമായി പോയ ട്രെയിൻ ജഗന്നാഥ്​പുർ റെയിൽവേ സ്​റ്റേഷനിലെത്തിയത്​. ​തൊഴിലാളികളെ നാട്ടിലെത്തിക്കാൻ പ​രിശ്രമിച്ചതിന്​ മുഖ്യമന്ത്രി പിണറായി വിജയനു​ം കേരളത്തിനും ഒഡീഷ മുഖ്യമന്ത്രി നവീൻ പട്​നായിക്​ നന്ദി അറിയിച്ചു. 

കോവിഡ്​ കാലത്ത്​ ഒഡീഷ തൊഴിലാളികൾക്ക്​ എല്ലാവിധ പരിരകഷയും സുരക്ഷിതത്വവും ഉറപ്പാക്കി സുരക്ഷിതമായി തിരികെ എത്തിക്കാൻ സഹായിച്ച കേരള മുഖ്യമന്ത്രിക്ക്​ നന്ദി അറിയിക്കുന്നു. ഓപറേഷൻ ശുഭയാത്രക്കായി സഹകരിച്ച റെയിൽവേ മന്ത്രിക്കും നവീൻ പട്​നായിക്​ നന്ദി അറിയിച്ചു. 

Thank Kerala Chief Minister @vijayanpinarayi for taking good care of stranded people of #Odisha during #COVID19 lockdown and cooperation to ensure their safe return. Thank @RailMinIndia for cooperation to Operation #ShubhaYatra.#OdishaCares pic.twitter.com/ypCe3OEhfn

— Naveen Patnaik (@Naveen_Odisha) May 3, 2020

സ്വദേശത്ത്​ എത്തിയ തൊഴിലാളികളെ പ്രാഥമിക പരിശോധനക്ക്​ ശേഷം പ്രത്യേക വാഹനങ്ങളിൽ അവരവരുടെ ജില്ലകളിലേക്ക്​ എത്തിച്ചു.