തൂത്തുകുടി: സമരക്കാരെ പൊലീസ് വെടിവെക്കുന്ന ദൃശ്യങ്ങൾ പുറത്ത് 

ചെന്നൈ: തൂത്തുകുടിയിൽ സമരക്കാർക്ക് നേരെയുള്ള വെടിവെപ്പ് ആസൂത്രിതമെന്ന ആരോപണം ശക്തമാകുന്നു. സമരക്കാർക്ക് നേരെ പൊലീസ് വെടിവെക്കുന്ന ദൃശ്യങ്ങൾ പുറത്തുവന്നു. ബസിന് മുകളിൽ കയറിയ കമാൻഡോ സമരക്കാരെ തെരഞ്ഞുപിടിച്ച് വെടിവെക്കുന്ന ദൃശ്യങ്ങളാണ് പുറത്തുവന്നത്. വാർത്താ ഏജൻസിയായ എ.എൻ.ഐ ആണ് വെടിവെപ്പിന്‍റെ ദൃശ്യങ്ങൾ പുറത്തുവിട്ടത്. 

#WATCH Local police in Tuticorin seen with assault rifles to disperse protesters demanding a ban on Sterlite Industries. 9 protestors have lost their lives. #TamilNadu. (Earlier visuals) pic.twitter.com/hinYmbtIZQ

— ANI (@ANI) May 22, 2018

അതേസമയം, വെടിവെപ്പിൽ മരിച്ചവരുടെ മൃതദേഹങ്ങൾ ഏറ്റെടുക്കില്ലെന്ന്  പ്രഖ്യാപിച്ച് ബന്ധുക്കൾ രംഗത്തുവന്നു. മൃതദേഹം പോസ്റ്റ്മോർട്ടം ചെയ്യാൻ അനുവദിക്കില്ലെന്നും ബന്ധുക്കൾ പ്രതികരിച്ചു. 

വെടിവെപ്പിൽ മരണ സംഖ്യ 11 ആയി. 100ഒാളം പേർക്കാണ് സംഭവത്തിൽ​ പരിക്കേറ്റത്. വിഷയത്തിൽ മുഖ്യമന്ത്രി ജുഡീഷ്യൽ അന്വേഷണം പ്രഖ്യാപിച്ചു.  കൊ​ല്ല​പ്പെ​ട്ട​വ​രു​ടെ കു​ടും​ബ​ത്തി​ന്​ ത​മി​ഴ്​​നാ​ട്​ സ​ർ​ക്കാ​ർ പ​ത്ത്​ ല​ക്ഷം​ രൂ​പ വീ​തം ധ​ന​സ​ഹാ​യം​ പ്ര​ഖ്യാ​പി​ച്ചിട്ടുണ്ട്​. 

തൂത്തുക്കുടിയിൽ പ്രവർത്തിക്കുന്ന സ്​റ്റെർലൈറ്റി​​​​െൻറ കോപ്പർ പ്ലാൻറിന്​ 25 വർഷത്തെ ലൈസൻസ്​ അവസാനിക്കാനിരി​െക്ക അത്​ പുതുക്കി നൽകാനുള്ള തീരുമാനമാണ്​ ജനങ്ങളെ പ്രകോപിതരാക്കിയത്​. വാ​ത​ക ചോ​ർ​ച്ച​യെ​തു​ട​ർ​ന്ന്​ മു​മ്പ്​ പ​ല​ത​വ​ണ നാ​ട്ടു​കാ​രി​ൽ ആ​രോ​ഗ്യ​പ്ര​ശ്​​നം സൃ​ഷ്​​ടി​ച്ചി​ട്ടു​ള്ള കോ​പ്പ​ർ പ്ലാ​ൻ​റ്​ അ​ട​ച്ചു​പൂ​ട്ട​ണ​മെ​ന്നാ​വ​ശ്യ​​പ്പെ​ട്ടാണ് സമരവുമായി ജനങ്ങൾ രംഗത്തെത്തിയത്. ​