Top
Begin typing your search above and press return to search.
exit_to_app
exit_to_app
ലോക്​ഡൗൺ ഭീതിയുയർത്തി കോവിഡ്​ രണ്ടാം തരംഗം; മുൾമുനയിൽ കുടിയേറ്റ തൊഴിലാളികളുടെ കൂട്ട പലായനം വീണ്ടും
cancel
Homechevron_rightNewschevron_rightIndiachevron_rightലോക്​ഡൗൺ ഭീതിയുയർത്തി...

ലോക്​ഡൗൺ ഭീതിയുയർത്തി കോവിഡ്​ രണ്ടാം തരംഗം; മുൾമുനയിൽ കുടിയേറ്റ തൊഴിലാളികളുടെ കൂട്ട പലായനം വീണ്ടും

text_fields
bookmark_border

റാഞ്ചി: കോവിഡ്​ രണ്ടാം വരവിൽ രാജ്യം വിറങ്ങലിച്ചുനിൽക്കു​േമ്പാൾ എല്ലാം നഷ്​ടപ്പെട്ട്​ പെരുവഴിയിലാകുമെന്ന ഭീതിയിൽ വീണ്ടും പലായനം ആരംഭിച്ച്​ കുടിയേറ്റ തൊഴിലാളികൾ. രാ​ത്രികാല കർഫ്യൂവും കൂടിനിൽക്കാൻ വിലക്കുമുൾപെടെ കടുത്ത നിയന്ത്രണങ്ങളാണ്​ സംസ്​ഥാനങ്ങൾ ഒന്നാം ഘട്ടത്തിൽ നടപ്പാക്കുന്നത്​. മിക്ക നഗരങ്ങളി​ലും വിലക്ക്​ പ്രാബല്യത്തിലായി കഴിഞ്ഞു. ലോക്​ഡൗൺ നടപ്പാക്കിയ ഇടങ്ങളുമുണ്ട്​. അക്ഷരാർഥത്തിൽ പെരുവഴിയിൽ പെട്ടുപോയ ഒരു വർഷം പഴക്കമുള്ള ഓർമകളിൽ നടുങ്ങിയാണ്​ അന്നവും തൊഴിലും തേടി തിരിച്ചുവന്ന ​കുടിയേറ്റ തൊഴിലാളികൾ വീണ്ടും നാടുപിടിക്കാൻ തുടങ്ങിയത്​.

മഹാരാഷ്​ട്ര, പഞ്ചാബ്​, ഡൽഹി തുടങ്ങി കോവിഡ്​ വ്യാപനം അതിരൂക്ഷമായ സംസ്​ഥാനങ്ങളിൽനിന്നാണ്​ പലായനം കൂടുതൽ. ഇതര സംസ്​ഥാനങ്ങളിലേക്ക്​ ​ഏറ്റവും കൂടുതൽ പേർ തൊഴിൽ തേടി പോകുന്ന സംസ്​ഥാനങ്ങളിലൊന്നായ ഝാർഖണ്ഡിലേക്ക്​ തിരിച്ചു​വരുന്നവരുടെ എണ്ണം കുത്തനെ കൂടിയതായി മാധ്യമ റിപ്പോർട്ടുകൾ പറയുന്നു. ഗുജറാത്ത്​, കേരള സംസ്​ഥാനങ്ങളിൽനിന്നും മടക്കം ആരംഭിച്ചിട്ടുണ്ട്​. മുംബൈ, സൂറത്ത്​ നഗരങ്ങളിൽനിന്ന്​ തിരിക്കുന്ന ട്രെയിനുകളിൽ ഇത്തരം യാത്രക്കാർ നിറഞ്ഞുയാത്ര ചെയ്യുന്നതായാണ്​ സൂചന.

കേരളം, ബംഗാൾ, ആസാം, തമിഴ്​നാട്​, പുതുച്ചേരി നിയമസഭകളിലേക്ക്​ നടന്ന തെരഞ്ഞെടുപ്പ്​ കോവിഡ്​ വ്യാപനത്തിൽ നിർണായക പങ്കു വഹിച്ചതായാണ്​ കണക്കാക്കുന്നത്​. രാജ്യത്ത്​ ​വൈറസ്​ ബാധിതരുടെ എണ്ണം കഴിഞ്ഞ ദിവസങ്ങളിൽ പ്രതിദിനം ഒരു ലക്ഷത്തിന്​ മുകളിലാണ്​. അടുത്ത നാലാഴ്ച അതി നിർണായകമാണെന്നും കടുത്ത നിയന്ത്രണങ്ങൾ വേണ്ടിവരുമെന്നും കേന്ദ്രം മുന്നറിയിപ്പ്​ നൽകിയിരുന്നു. പ്രാദേശിക കണ്ടെയ്​ൻമെന്‍റ്​ നടപ്പാക്കണമെന്ന്​ പ്രധാനമന്ത്രി വിളിച്ചുചേർത്ത യോഗത്തിൽ നിർദേശിക്കുകയും ചെയ്​തു.

Show Full Article
TAGS:Covid Migrant Workers Exodus 
News Summary - Local curbs, fear of lockdown spur another exodus of migrant workers
Next Story