തമിഴ്​നാട്ടിൽ സ്വകാര്യ ധാന്യ മിൽ തൊഴിലാളികളുടെ പേരിൽ കോടികളുടെ വായ്​പ തട്ടിപ്പ്​

ചെ​ന്നൈ: കൂ​ലി​ത്തൊ​ഴി​ലാ​ളി​ക​ളു​ടെ പേ​രി​ൽ ബാ​ങ്ക്​ വാ​യ്​​പ ത​ര​പ്പെ​ടു​ത്തി കോ​ടി​ക​ളു​ടെ ത​ട്ടി​പ്പ്​ ന​ട​ത്തി​യ വി​രു​തു​ന​ഗ​ർ ജി​ല്ല​യി​ലെ സ്വ​കാ​ര്യ ധാ​ന്യ​മി​ല്ലു​ട​മ​യും സം​ഘ​വും അ​റ​സ്​​റ്റി​ൽ. വാ​യ്​​പ ത​ട്ടി​പ്പി​നി​ര​യാ​യ 15 കൂ​ലി​ത്തൊ​ഴി​ലാ​ളി​ക​ൾ ആ​റു മാ​സ​ത്തി​നി​ടെ ദു​​രൂ​ഹ സാ​ഹ​ച​ര്യ​ത്തി​ൽ മ​രി​ച്ച​തും ഒ​രാ​ളെ കാ​ണാ​താ​യ​തും സം​ബ​ന്ധി​ച്ച്​ പൊ​ലീ​സ്​ അ​ന്വേ​ഷ​ണ​മാ​രം​ഭി​ച്ചു. വി​രു​തു​ന​ഗ​ർ പ​ച്ച​യ​പ്പ തെ​രു​വി​ൽ ഒ.​എം.​എ​സ്​ മി​ല്ലു​ട​മ വേ​ൽ​മു​രു​ക​ൻ(61), ഇ​യാ​ളു​ടെ സ​ഹോ​ദ​രീ​പു​ത്ര​നും മി​ൽ മാ​നേ​ജ​രു​മാ​യ ആ​ർ.​ചെ​മ്പ​ക​ൻ(56), ര​ണ്ടാം​ഭാ​ര്യ ക​ലൈ​ശെ​ൽ​വി(40), ചെ​മ്പ​ക​​​െൻറ സ​ഹാ​യി ചോ​ളൈ​രാ​ജ്(46), ബ​ന്ധു സ​ന്നാ​സി(45) എ​ന്നി​വ​രാ​ണ്​ അ​റ​സ്​​റ്റി​ലാ​യ​ത്.

ഇ​വ​രെ പെ​രി​യ​കു​ളം സ​ബ്​​ജ​യി​ലി​ൽ റി​മാ​ൻ​ഡ്​ ചെ​യ്​​തു. തേ​നി ജി​ല്ല​യി​ലെ പെ​രി​യ​കു​ളം എ​സ്.​ബി.​െ​എ ബാ​ങ്കി​ൽ​നി​ന്നാ​ണ്​ മി​ല്ലി​ൽ ജോ​ലി​ചെ​യ്യു​ന്ന കൂ​ലി​ത്തൊ​ഴി​ലാ​ളി​ക​ളു​ടെ പേ​രി​ൽ കോ​ടി​ക​ളു​ടെ വാ​യ്​​പ​യെ​ടു​ത്ത​ത്. ബാ​ങ്ക്​ ജീ​വ​ന​ക്കാ​രു​ടെ സ​ഹാ​യ​ത്തോ​ടെ​യാ​ണ്​ ത​ട്ടി​പ്പ്​ . ഇ​ൻ​ഷു​റ​ൻ​സ്​ ചെ​യ്യു​ന്ന​താ​യി തെ​റ്റി​ദ്ധ​രി​പ്പി​ച്ചാ​ണ്​ തൊ​ഴി​ലാ​ളി​ക​ളി​ൽ​നി​ന്ന്​ രേ​ഖ​ക​ൾ ഒ​പ്പി​ട്ടു​വാ​ങ്ങി​യ​ത്. ഒാ​രോ തൊ​ഴി​ലാ​ളി​യു​ടെ​യും പേ​രി​ൽ 20 ല​ക്ഷം മു​ത​ൽ 80 ല​ക്ഷം രൂ​പ വ​രെ​യാ​ണ്​ ക​ർ​ഷ​ക​രെ​ന്ന പേ​രി​ൽ താ​ൽ​ക്കാ​ലി​ക അ​ക്കൗ​ണ്ട്​ തു​റ​ന്ന്​ വാ​യ്​​പ ത​ര​െ​പ്പ​ടു​ത്തി​യ​ത്. തി​രി​ച്ച​ട​വ്​​ മു​ട​ങ്ങി ബാ​ങ്ക്​ നോ​ട്ടീ​സ്​ അ​യ​ച്ചു​തു​ട​ങ്ങി​യ​തോ​ടെ​യാ​ണ്​ ത​ട്ടി​പ്പ്​ പു​റ​ത്താ​യ​ത്. 169 പേ​ർ​ക്കാ​ണ്​ ബാ​ങ്ക്​ വാ​യ്​​പ അ​നു​വ​ദി​ച്ച​ത്.

ത​മി​ഴ്​​നാ​ട്​ വെ​യ​ർ​ഹൗ​സി​ങ്​ കോ​ർ​പ​റേ​ഷ​ൻ ബ​ട്​​ല​ഗു​ണ്ടു ശാ​ഖ മാ​നേ​ജ​ർ ജ​യ​ല​ക്ഷ്​​മി, എ​സ്.​ബി.​െ​എ ഫീ​ൽ​ഡ്​ എ​ക്​​സി​ക്യൂ​ട്ടി​വ്​ ദീ​പ തു​ട​ങ്ങി​യ​വ​രാ​ണ്​ അ​ന​ധി​കൃ​ത വാ​യ്​​പ ത​ര​പ്പെ​ടു​ത്തു​ന്ന​തി​ന്​ സ​ഹാ​യി​ച്ച​തെ​ന്ന്​ പൊ​ലീ​സ്​ ക​ണ്ടെ​ത്തി.