ഡൽഹി എൽ.എൻ.ജെ.പി ആശുപത്രി മെഡിക്കൽ ഡയറക്​ടർക്കും ജീവനക്കാർക്കും കോവിഡ്​

ന്യൂഡൽഹി: ലോക്​ നായക്​ ജയ്പ്രകാശ്​ നാരായൺ ആശുപത്രിയിലെ മെഡിക്കൽ ഡയറക്​ടർക്കും രണ്ടു ജീവനക്കാർക്കും കോവിഡ്​ സ്​ഥിരീകരിച്ചു. മെഡിക്കൽ ഡയറക്ടർ ഡോ. സുരേഷ്​ കുമാറിനാണ്​ രോഗം സ്​ഥിരീകരിച്ചത്​. ഡൽഹി സർക്കാരിന്​ കീഴിൽ പ്രവർത്തിക്കുന്ന ഈ ആശുപത്രിയിലാണ്​ ഏറ്റവും കൂടുതൽ കോവിഡ്​ രോഗികൾ ചികിത്സയിലുളളത്​. 

24 മണിക്കൂറിനുള്ളിൽ ഡൽഹിയിൽ ആയിരത്തിലധികം പേർക്കാണ്​ കോവിഡ്​ റിപ്പോർട്ട്​ ചെയ്​തത്​. 1106 പേർക്കാണ്​ രോഗം സ്​ഥിരീകരിച്ചത്​. ഡൽഹിയിൽ മാത്രം 102 ​കണ്ടെയ്​മ​െൻറ്​ സോണുകളാണുള്ളത്​. ഇതിൽ 21 എണ്ണവും വടക്കൻ ഡൽഹിയിലാണ്​. 16,281 പേർക്കാണ്​ ഇതുവരെ കോവിഡ്​ സ്​ഥിരീകരിച്ചത്​. 316 പേർ ഇതുവ​െര മരിക്കുകയും ചെയ്​തു.