സ്വ​ത​ന്ത്ര സ്ഥാ​നാ​ർ​ഥി​യാ​യ ലിം​ഗാ​യ​ത്ത് സ​ന്യാ​സി​ക്ക് 9.74 കോ​ടി​യു​ടെ ആ​സ്തി

ബം​ഗ​ളൂ​രു: ക​ർ​ണാ​ട​ക ധാ​ർ​വാ​ഡി​ൽ കേ​ന്ദ്ര​മ​ന്ത്രി പ്ര​ൾ​ഹാ​ദ് ജോ​ഷി​ക്കെ​തി​രെ മ​ത്സ​രി​ക്കു​ന്ന ലിം​ഗാ​യ​ത്ത് സ​ന്യാ​സി ഫ​ക്കീ​ര ദിം​ഗ​ലേ​ശ്വ​ർ സ്വാ​മി​ക്ക് 9.74 കോ​ടി​യു​ടെ ആ​സ്തി. ക​ഴി​ഞ്ഞ​ദി​വ​സം നാ​മ​നി​ർ​ദേ​ശ പ​ത്രി​ക​ക്കൊ​പ്പം സ​മ​ർ​പ്പി​ച്ച സ​ത്യ​വാ​ങ്മൂ​ല​ത്തി​ലാ​ണ് ഈ ​വി​വ​രം. മേ​യ് ഏ​ഴി​നാ​ണ് വ​ട​ക്ക​ൻ ക​ർ​ണാ​ട​ക മേ​ഖ​ല​യി​ലെ തെ​ര​ഞ്ഞെ​ടു​പ്പ്. വീ​ര​ശൈ​വ ലിം​ഗാ​യ​ത്ത് വി​ഭാ​ഗ​ത്തി​ന്റെ കീ​ഴി​ലു​ള്ള പ്ര​മു​ഖ മ​ഠ​മാ​യ കൊ​പ്പാ​ലി​ലെ ഷി​ര​ഹ​ട്ടി ഫ​ക്കീ​രേ​ശ്വ​ർ മ​ഠ​ത്തി​ലെ സ​ന്യാ​സി​യാ​ണ് ദിം​ഗ​ലേ​ശ്വ​ർ സ്വാ​മി. ര​ണ്ട് ഇ​ന്നോ​വ കാ​ർ, ട്രാ​ക്ട​ർ, സ്കൂ​ൾ ബ​സ്, 7.8 കി​ലോ വെ​ള്ളി എ​ന്നി​വ​യ​ട​ക്കം സ്വാ​മി​യു​ടെ ജം​ഗ​മ​വ​സ്തു​ക്ക​ളു​ടെ മൂ​ല്യം 1.22 കോ​ടി​യും ഭൂ​മി, സ്കൂ​ൾ കെ​ട്ടി​ടം തു​ട​ങ്ങി​യ സ്ഥാ​വ​ര​വ​സ്തു​ക്ക​ളു​ടെ മൂ​ല്യം 8.52 കോ​ടി​യു​മാ​ണ്. 39.68 ല​ക്ഷ​ത്തി​ന്റെ ബാ​ധ്യ​ത​യു​മു​ണ്ട്. പ​ത്താം ത​രം തോ​റ്റ 48കാ​ര​നാ​യ സ്വാ​മി​ക്കെ​തി​രെ മൂ​ന്ന് കേ​സു​ക​ളും നി​ല​വി​ലു​ണ്ട്.

ബി.​ജെ.​പി നേ​താ​വാ​യ പ്ര​ൾ​ഹാ​ദ് ജോ​ഷി വീ​ര​ശൈ​വ ലിം​ഗാ​യ​ത്ത് വി​ഭാ​ഗ​ത്തെ അ​ടി​ച്ച​മ​ർ​ത്തു​ക​യാ​ണെ​ന്നും ലിം​ഗാ​യ​ത്ത് മ​ഠ​ങ്ങ​ളെ ദു​രു​പ​യോ​ഗം ചെ​യ്യു​ക​യാ​ണെ​ന്നും ആ​രോ​പി​ച്ചാ​ണ് ദിം​ഗ​ലേ​ശ്വ​ർ സ്വാ​മി ബി.​ജെ.​പി​ക്കെ​തി​രെ മ​ത്സ​ര​ത്തി​നി​റ​ങ്ങി​യ​ത്. സ്ഥാ​നാ​ർ​ഥി നി​ർ​ണ​യ​ത്തി​ൽ ലിം​ഗാ​യ​ത്ത് അ​ട​ക്ക​മു​ള്ള പി​ന്നാ​ക്ക വി​ഭാ​ഗ​ങ്ങ​ൾ​ക്ക് മ​തി​യാ​യ പ്രാ​തി​നി​ധ്യം ബി.​ജെ.​പി ന​ൽ​കി​യി​ല്ലെ​ന്നും അ​ദ്ദേ​ഹം കു​റ്റ​പ്പെ​ടു​ത്തു​ന്നു.