മൊബൈൽ റേഞ്ച്​ തേടി മരത്തിൽ കയറിയ 15കാരൻ ഇടി​മിന്നലേറ്റു മരിച്ചു

മുംബൈ: മൊബൈൽ ഫോണിന്​ റേഞ്ച്​ തിരഞ്ഞ്​ മരത്തിൽ കയറിയതിനിടെ 15 കാരന്​ ഇടി​മിന്നലേറ്റു ദാരുണാന്ത്യം. മഹാരാഷ്​ട്രയിലെ പാൽഗഢ്​ ജില്ലയിലാണ്​ നാടിനെ നടുക്കിയ ദുരന്തം. ദഹാനുയിലെ മങ്കർപാഡയിൽ നാലു കുട്ടികൾ കാലികളെ മേയ്​ക്കാൻ പോയതായിരുന്നു. മൊബൈൽ ഫോൺ കണക്​ഷൻ മുറിഞ്ഞതോടെ മരത്തിൽ കയറിയതിനിടെ പെ​ട്ടെന്ന്​ ഇടിമിന്നലോടു കൂടിയ കനത്ത മഴ എത്തുകയായിരുന്നു. നാലു പേരും മിന്നലേറ്റുവീണെങ്കിലും രവീന്ദ്ര കോർഡയെന്ന കൗമാരക്കാരൻ തത്​ക്ഷണം മരിച്ചു. മറ്റുള്ളവർ പരിക്കുകളോടെ ആശുപത്രിയിൽ ചികിത്സയിലാണ്​.