തെളിവുകൾ മഹാരാഷ്​ട്ര പൊലീസ്​ കെട്ടിചമച്ചതെന്ന്​ സുധ ഭരദ്വാജ്​

ന്യൂഡൽഹി: മഹാരാഷ്​ട്ര പൊലീസി​​​െൻറ വാദങ്ങൾ തള്ളി അറസ്​റ്റിലായ മനുഷ്യാവകാശ പ്രവർത്തകരിലൊരാളായ സുധ ഭരദ്വാജ്​. തങ്ങൾക്ക്​ മാവോയിസ്​റ്റുകളുമായി ബന്ധ​മുണ്ടെന്ന്​ തെളിയിക്കാൻ പൊലീസ്​ ഹാജരാക്കിയ കത്തുകൾ കെട്ടിചമച്ചതാണെന്നാണ്​ സുധ ഭരദ്വാജ്​ ആരോപിച്ചു​. ഫരീദബാദിൽ വീടുതടങ്കലിലാണ്​ സുധ ഭരദ്വാജ്​ ഇപ്പോൾ.

തന്നെയും മറ്റ്​ മനുഷ്യാവകാശ പ്രവർത്തകരെയും ക്രിമിനലുകളാക്കാനായി പൊലീസ്​ കെട്ടിചമച്ച രേഖകളാണ്​ മാവോയിസ്​റ്റ്​ ബന്ധം തെളിയിക്കാനായി ഉപയോഗിച്ചതെന്ന്​ അഭിഭാഷകയായ വൃന്ദ ഗ്രോവറിന്​ കൈവശം കൊടുത്തയച്ച കുറിപ്പിൽ അവർ വ്യക്​തമാക്കി.

പ്രധാനമന്ത്രി നന്ദ്രേ മോദിയെ രാജീവ്​ ഗാന്ധിയെ വധിച്ചതിന്​ സമാനമായി കൊലപ്പെടുത്താൻ മാവോയിസ്​റ്റുകൾ പദ്ധതി​യിട്ടുവെന്നാണ്​ പൊലീസ്​ പറയുന്നത്​. ഇതിന്​ മനുഷ്യാവകാശ പ്രവർത്തകരും കൂട്ടുനിന്നുവെന്നും പൊലീസ്​ ആരോപിച്ചത്​. ഇതി​​​െൻറ അടിസ്ഥാനത്തിലാണ്​ അഞ്ച്​ മനുഷ്യാവകാശ പ്രവർത്തകരെ അറസ്​റ്റ്​ ചെയ്​തത്​. പിന്നീട്​ ഇവരെ വീടുതടങ്കലിൽ ​​െവക്കാൻ സുപ്രീംകോടതി ഉത്തവിടുകയായിരുന്നു