‘പ്രിയ കൊറോണ, ഞങ്ങൾ പൊരുതാൻ തീരുമാനിച്ചിരിക്കുന്നു’

ഒരിക്കലും അറിഞ്ഞിട്ടില്ലാത്ത ജീവിതാനുഭവങ്ങളിലൂടെ കടന്ന്​ പോകുകയാണ്​ കോവിഡ്​ കാലത്ത്​ ഒാരോരുത്തരും. കോവിഡും ലോക്​ഡൗണും ജീവിതത്തിൽ വരുത്തിയ മാറ്റങ്ങൾ എന്തൊക്കെയാണെന്നറിയാൻ പത്താം ക്ലാസുകാരി പ്രിയങ്ക ഭട്ട്​ കൊറോണക്കെഴുതിയ കത്ത്​ വായിച്ചാൽ മതി. പ്രതിസന്ധി കാലം പുതുതലമുറയിൽ വളർത്തിയ ആത്​മവിശ്വാസവും ഈ കത്തിൽ തെളിഞ്ഞ്​ കാണാം. കത്തിതാണ്​: 

പ്രിയ കൊറോണവൈറസ്​, 
മോശപ്പെട്ട അവസ്​ഥകളിൽ പോലും, അതിലെ സാധ്യതയെ കണ്ടെത്താനും ഉപയോഗപ്പെടുത്താനുമാണ്​ ഞാൻ ​കുട്ടിക്കാലം മുതൽ ശ്രമിച്ചിരുന്നത്​. രോഗിയായതിനാൽ സ്​കൂളിൽ പോകാനാകാതെ വീട്ടിൽ കുടുങ്ങിയ അവസരത്തിൽ ഇഷ്​ട​െപ്പട്ട ​ടി.വി ഷോകൾ കാണാൻ ഉപയോഗപ്പെടുത്തിയ അനുഭവം എനിക്കുണ്ട്​. 

സ്​കൂളിൽ നിന്ന്​ മടങ്ങു​േമ്പാൾ റോഡിലെ മടുപ്പിക്കുന്ന ട്രാഫിക്​ ജാമുകളിൽ അകപ്പെട്ടാൽ, ചെറുതായൊന്ന്​ മയങ്ങാനും വീട്ടിലേക്ക്​ തിരിച്ചെത്തു​േമ്പാൾ​ ക്ഷീണമെല്ലാം മാറി ഊർജസ്വലയാകാനുമുള്ള അവസരമായാണ്​ ഞാൻ കണ്ടിരുന്നത്​. 

എന്നാൽ, നീ വിതച്ച മഹാമാരിയെ കുറിച്ച്​ കേട്ടതു മുതൽ ഒരു ഭീതി എല്ലാത്തിനെയും മൂടുകയാണ്​. കുറച്ച്​ ആഴ്​ചകളായി ഭീതിയും ആശങ്കകളും വർധിക്കുകയാണ്​. നീ എന്നെ ശരിക്കും ഭയപ്പെടുത്തിയിരിക്കുന്നു. 

സ്​കൂൾ ഇങ്ങനെ അനന്തമായി അടച്ചിടുന്നതിൽ ഞാൻ അസ്വസ്​ഥയാണ്​. കച്ചവടക്കാരും അവരുടെ ജീവനക്കാരുമെല്ലാം ജീവിതോപാധി നിലച്ച അവസ്​ഥയിലാണ്​. ഈ ലോക്​ഡൗൺ എടുത്തുമാറ്റിയാൽ രോഗം പടരുമോയെന്ന പേടിയും എനിക്കുണ്ട്​. 

ആധുനിക ആരോഗ്യ രക്ഷാ സംവിധാനങ്ങളുള്ള അമേരിക്കക്ക്​ പോലും നിൻെറ ഭീഷണി നേരിടാൻ കഴിഞ്ഞില്ലെങ്കിൽ ഇന്ത്യ പോലെ ഒരു രാജ്യം നി​ൻെറ ആക്രമണത്തിൽ എങ്ങനെയാകും ​?

പ്രിയങ്ക ഭട്ട്​

 

നിൻെറ ആക്രമണത്തെ ചെറുക്കാൻ ഞങ്ങൾ സാമൂഹിക അകലം പാലിച്ച്​ തുടങ്ങിയിരിക്കുന്നു. സ്​കൂളുകളും മാളുകളും സിനിമാശാലകളും അടച്ചിട്ടിരിക്കുന്നു. ഒാരോരുത്തരും പരസ്​പരം ശാരീരിക അകലം പാലിക്കാൻ തുടങ്ങിയിരിക്കുന്നു. 
അതെ, ഞങ്ങൾ നിന്നോട്​ പൊരുതാൻ തീരുമാനിച്ചിരിക്കുന്നു, ഞങ്ങളുടെ മുഴുവൻ കഴിവും ഉപയോഗിച്ച്​...

മനുഷ്യർ നിന്നെ തോൽപിക്കാൻ ശ്രമിക്കുന്നതിന്​ ഉദാഹരണങ്ങൾ നിരവധിയാണ്​. ആയിരങ്ങൾ മരിച്ച ഇറ്റലിയിൽ നിന്നുള്ള ഒരു വീഡിയോ ഞാൻ കണ്ടിരുന്നു. ആത്​മവിശ്വാസം തിരിച്ച്​ പിടിക്കാൻ ആളുകൾ ബാൽകണിയിൽ നിന്ന്​ പാട്ടുകൾ പാടുന്നു. അവഗണിക്കപ്പെട്ടവർക്ക്​ ഭക്ഷണവും മാസ്​കും വിതരണം ചെയ്യുന്ന ബംഗളുരുവിലെ ഒരു വനിതയെ കുറിച്ച്​ ഞാൻ വായിച്ചിട്ടുണ്ട്​. 

കൊറോണ, ഞാൻ അനുഭവിക്കുന്ന ആദ്യ ദുരന്തമാണ്​ നീ. പ്രിയപ്പെട്ടവരെ നഷ്​ടപ്പെട്ടവർക്കായി ഞാൻ പ്രാർഥിക്കുന്നുണ്ട്​. രോഗം ബാധിച്ചവർ​ പെ​ട്ടെന്ന്​ സുഖം പ്രാപിക്കാനും ഞാൻ പ്രാർഥിക്കുന്നു. 

മനുഷ്യർ ഈ ദുരന്തത്തെ ഒന്നായി നേരിടും. ഈ ദുരന്തകാലത്തിന്​ ശേഷം ഞങ്ങൾ കൂടുതൽ കരുത്തരും ബുദ്ധിശാലികളും ആയിമാറിയിട്ടുണ്ടാകും.