Begin typing your search above and press return to search.
proflie-avatar
Login
exit_to_app
exit_to_app
വിദ്യാർഥി മാർച്ചിന്​ നേരെ അക്രമം; ബംഗാളിൽ ഇടതുസംഘടനകളുടെ ബന്ദ്​
cancel
Homechevron_rightNewschevron_rightIndiachevron_rightവിദ്യാർഥി മാർച്ചിന്​...

വിദ്യാർഥി മാർച്ചിന്​ നേരെ അക്രമം; ബംഗാളിൽ ഇടതുസംഘടനകളുടെ ബന്ദ്​

text_fields
bookmark_border

കൊൽക്കത്ത: ഇടത്​ -കോൺഗ്രസ്​ വിദ്യാർഥി സംഘടനകൾ നടത്തിയ മാർച്ചിന്​ നേരെയുണ്ടായ പൊലീസ്​ ലാത്തിചാർജിൽ പ്രതിഷേധിച്ച്​ ബംഗാളിൽ ഇടതുസംഘടനകളുടെ 12 മണിക്കൂർ ബന്ദ്. രാവിലെ ആറുമുതൽ വൈകിട്ട്​ ആറുവരെയാണ്​ ബന്ദ്​.

ഇടതുപക്ഷ - കോൺഗ്രസ്​ വിദ്യാർഥി സംഘടനകളുടെ നേതൃത്വത്തിൽ കഴിഞ്ഞദിവസം സെക്രട്ടറിയറ്റിലേക്ക്​ നടത്തിയ മാർച്ചിന്​ നേരെ പൊലീസ്​ അതിക്രമം അരങ്ങേറിയിരുന്നു. ജോലിയും മികച്ച വിദ്യാഭ്യാസ സൗകര്യങ്ങളും വേണമെന്ന്​ ആവശ്യമുന്നയിച്ചായിരുന്നു 'നബന്ന അഭിയാൻ' പരിപാടി. ഇതിന്​ അനുബന്ധിച്ച്​ നടത്തിയ സെക്രട്ടറിയറ്റ്​ മാർച്ചിന്​ നേ​രെയായിരുന്നു പൊലീസ്​ ലാത്തിച്ചാർജ്​.


പൊലീസ്​ ബാരിക്കേഡുകൾ വെച്ച്​ മാർച്ച്​ തടയുകയും വിദ്യാർഥികൾക്ക്​ നേരെ കണ്ണീർ വാതകം പ്രയോഗിക്കുകയും ചെയ്​തിരുന്നു. വൻ​ ലാത്തിച്ചാർജും അരങ്ങേറി. 150ഓളം വിദ്യാർഥികൾക്കും യുവജനങ്ങൾക്കും ലാത്തിചാർജിൽ പരിക്കേറ്റതായും ഇടതുസംഘടന ചെയർമാൻ ബിമൻ ബോസ്​ പറഞ്ഞു.

വരാനിരിക്കുന്ന നിയമസഭ തെരഞ്ഞെടുപ്പിൽ ഇടതു സംഘടനകളും കോൺഗ്രസും രൂപീകരിച്ച സഖ്യമാകും മത്സരത്തിനിറങ്ങുക. ത്രികോണ മത്സരമാകും സംസ്​ഥാനത്ത്​ ഇക്കുറി അരങ്ങേറുക. തൃണമൂൽ കോൺഗ്രസും ബി.ജെ.പിക്കും എതിരായാകും മത്സരം.

അതേസമയം വെള്ളിയാഴ്ച സർക്കാർ ഉദ്യോഗസ്​ഥർ നിർബന്ധമായും ജോലിക്കെത്തണമെന്ന്​ സർക്കാർ അറിയിച്ചു. ജോലിക്ക്​ ഹാജരാകാത്തവരുടെ ശമ്പളം കുറക്കുമെന്നും നോട്ടീസിൽ പറയുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:BengalMamata BanerjeeKolkata marchLeft Wing
News Summary - Left calls for 12 hour Bengal bandh to protest police crackdown on Kolkata march
Next Story