വിജയവാഡക്കടുത്ത്​ ​കൃഷ്​ണാനദിയിൽ ബോട്ട്​ മുങ്ങി 14 മരണം; ഒമ്പതുപേരെ കാണാതായി

അമരാവതി: ആന്ധ്രപ്രദേശിൽ വിജയവാഡക്കടുത്ത്​ ​കൃഷ്​ണാനദിയിൽ ബോട്ട്​ മുങ്ങി 14 പേർ മരിച്ചു. ഒമ്പതുപേരെ കാണാതായി. 15 പേരെ മത്സ്യ​ത്തൊഴിലാളികൾ രക്ഷിച്ചു. മരിച്ചവരിൽ ആറ്​ സ്​ത്രീകളും നാല്​ കുട്ടികളുമുണ്ട്​. വിജയവാഡക്കടുത്ത ഭവാനി ​െഎലൻഡിൽനിന്ന്​ പവിത്ര സംഗമത്തിലേക്ക്​ 38 പേരുമായി പോയ ബോട്ടാണ്​ അപകടത്തി​ൽ​െപട്ടത്​.

പ്രകാശം ജില്ലയിലെ ഒ​ംഗോ​ലെ വാക്കേഴ്​സ്​ ക്ലബ്​ അംഗങ്ങളും നെല്ലൂർ ജില്ലയിൽനിന്നുള്ളവരുമായ വിനോദസഞ്ചാരികളാണ്​ ബോട്ടിലുണ്ടായിരുന്നത്​. 14 പേരുടെ മൃതദേഹങ്ങൾ കണ്ടെടുത്തതായി പൊലീസ്​ അറിയിച്ചു. ദേശീയ ദുരന്തനിവാരണസേനയുടെയും സംസ്​ഥാന ദുരന്തരക്ഷാസേനയുടെയും നേതൃത്വത്തിലാണ്​ രക്ഷാപ്രവർത്തനം നടക്കുന്നത്​. മുഖ്യമന്ത്രി എൻ. ചന്ദ്രബാബു നായിഡു, ഉപമുഖ്യമന്ത്രി എൻ. ചിന്നരാജപ്പ, പ്രതിപക്ഷനേതാവ്​ വൈ.എസ്​. ജഗ്​മോഹൻ റെഡ്​ഡി എന്നിവർ സംഭവത്തിൽ ദുഃഖം രേഖപ്പെടുത്തി.