ഹെഡ്​ലിക്ക്​ പരിക്കേറ്റെന്ന വാർത്ത അടിസ്​ഥാന രഹിതം - അഭിഭാഷകൻ

വാഷിങ്​ടൺ: അമേരിക്കയിലെ ജയിലിൽ കഴിയുന്ന മുംബൈ ഭീകരാക്രമണത്തി​​​​െൻറ മുഖ്യ ആസൂത്രകൻ ഡേവിഡ്​ കോൾമാൻ ഹെഡ്​ലിയെ സഹതടവുകാർ ആക്രമിച്ചുവെന്ന വാർത്ത നിഷേധിച്ച്​ അഭിഭാഷകൻ. ഇന്ത്യൻ മാധ്യമങ്ങളിൽ വന്ന വാർത്തക്ക്​ യാതൊരു അടിസ്​ഥാനവുമില്ലെന്ന്​ ഹെഡ്​ലിയുടെ അഭിഭാഷകനായ ജോൺ തെയ്​സ്​ പറഞ്ഞു. 

ഷിക്കാഗോയിലെ മെ​ട്രോപൊളിറ്റൻ കറക്​ഷൻ സ​​െൻററിൽ വെച്ച്​ ജൂലൈ എട്ടിന്​ ഹെഡ്​ലിയെ സഹതടവുകാർ ​ആക്രമിച്ചെന്നും  ഗുരുതരമായി പരിക്കേറ്റ ഹെഡ്​ലിയെ നോർത്ത്​ ഇവാസ്​റ്റൻ ആശുപത്രി ​െഎ.സി.യു വിലേക്ക്​ മാറ്റിയെന്നുമായിരുന്നു വാർത്ത.  

എന്നാൽ ഹെഡ്​ലി ഷിക്കാഗോയിലോ ആശുപത്രിയിലോ ഇല്ലെന്നും എവിടെയാണുള്ളതെന്ന്​ വെളിപ്പെടുത്താനാകില്ലെന്നുമാണ്​ അഭിഭാഷകൻ ന്യൂസ്​ ഏജൻസിയായ പി.ടി.​െഎയോട്​ പറഞ്ഞത്​. താൻ ഹെഡ്​ലിയുമായി നിത്യവും സംസാരിക്കാറുണ്ടെന്നും ഇന്ത്യൻ മാധ്യമങ്ങളിൽ വന്നതുപോലൊരു സംഭവം നടന്നി​ട്ടില്ലെന്നും അഭിഭാഷകൻ പറഞ്ഞു. 

യു.എസ്​ അധികൃതർ വിഷയത്തിൽ പ്രതികരിക്കാൻ വിസമ്മതിച്ചു. ഹെഡ്​ലിയെ കുറിച്ചുള്ള വാർത്തയുടെ ഉറവിടം ഏതാണെന്ന്​ വ്യക്​തമല്ലെന്നും ഷിക്കാഗോയിലെ മെ​ട്രോപൊളിറ്റൻ കറക്​ഷൻ സ​​െൻറർ അധികൃതർ പറഞ്ഞു.