പാർലമെന്‍റ് വളപ്പിലേക്ക് എം.പിയുടെ കാർ ഇടിച്ചു കയറി

ന്യൂഡൽഹി: പാർലമെന്‍റ് വളപ്പിലേക്ക് കാർ ഇടിച്ചു കയറിയത് രാജ്യ തലസ്ഥാനമായ ഡൽഹിയിൽ പരിഭ്രാന്തിക്ക് വഴിവെച്ചു. മണിപ്പൂരിൽ നിന്നുള്ള കോൺഗ്രസ് എം.പി തോക്ചോം മെയ്നിയയുടെ കാറാണ് പാർലമെന്‍റ് വളപ്പിലെ സുരക്ഷാ ഭിത്തിയിൽ ഇടിച്ചു കയറിയത്. സംഭവത്തിൽ പാർലമെന്‍റ് അധികൃതരും സുരക്ഷാ ഉദ്യോഗസ്ഥരും അന്വേഷണം ആരംഭിച്ചു.

2001ൽ പാർലമെന്‍റ് ആക്രമണം നടത്തിയ ഭീകരർ വളപ്പിനുള്ളിൽ പ്രവേശിച്ച അതേ കവാടത്തിലാണ് ഇന്ന് സംഭവം നടന്നത്. കവാടത്തിന് മുമ്പിലെ സുരക്ഷാ ഭിത്തിയിൽ തട്ടി കാർ നിന്നു. സംഭവത്തിന് പിന്നാലെ മേഖലയിൽ ജാഗ്രതാ നിർദേശം പുറപ്പെടുവിച്ചിട്ടുണ്ട്.