പ്ര​ശാ​ന്ത് ഭൂ​ഷണെതിരായ കോടതി നടപടിക്കെതിരെ ആഞ്ഞടിച്ച്​ മുതിർന്ന അഭിഭാഷകർ; ഉത്തരമില്ലാതെ സുപ്രീംകോടതി

ന്യൂ​ഡ​ല്‍ഹി: ചീ​ഫ് ജ​സ്​​റ്റി​സ് എ​സ്.​എ ബോ​ബ്ഡെ​യേ​യും മൂ​ന്നു മു​ന്‍ ചീ​ഫ് ജ​സ്​​റ്റി​സു​മാ​രെ​യും ട്വീ​റ്റു​ക​ളി​ലൂ​ടെ വി​മ​ർ​ശി​ച്ച അ​ഡ്വ. പ്ര​ശാ​ന്ത് ഭൂ​ഷ​ണി​െൻറ ന​ട​പ​ടി കോ​ട​തി​യ​ല​ക്ഷ്യ​മാ​ണെ​ന്ന വി​ധി​ക്കെ​തി​രെ ആ​ഞ്ഞ​ടി​ച്ച്​ ഭൂ​ഷ​ണും രാ​ജീ​വ് ധ​വാ​നും അ​റ്റോ​ണി ജ​ന​റ​ൽ കെ.​കെ വേ​ണു​ഗോ​പാ​ലും അ​ട​ക്ക​മു​ള്ള മു​തി​ര്‍ന്ന അ​ഭി​ഭാ​ഷ​ക​ര്‍.

മു​ന്‍ ജ​ഡ്ജി​മാ​ര്‍ ത​ന്നെ ഇ​ത്ത​രം നി​ര​വ​ധി ആ​രോ​പ​ണ​ങ്ങ​ള്‍ ഉ​യ​ർ​ത്തി​യ​താ​ണെ​ന്ന്​ അ​ഭി​ഭാ​ഷ​ക​ർ ചൂ​ണ്ടി​ക്കാ​ട്ടി​യ​പ്പോ​ൾ ജ​സ്​​റ്റി​സ് അ​രു​ണ്‍ മി​ശ്ര അ​ധ്യ​ക്ഷ​നാ​യ ബെ​ഞ്ചി​ന് ഉ​ത്ത​രം ന​ല്‍കാ​നാ​യി​ല്ല. ഇ​ക്കാ​ര്യ​ത്തി​ല്‍ അ​റ്റോ​ണി ജ​ന​റ​ല്‍കൂ​ടി ത​ങ്ങ​ള്‍ക്ക് എ​തി​രാ​ണെ​ന്ന് മു​ന്‍കൂ​ട്ടി ക​ണ്ട ബെ​ഞ്ച്, ര​ണ്ട് ത​വ​ണ നോ​ട്ടീ​സ് അ​യ​ച്ച് വി​ളി​പ്പി​ച്ച അ​ദ്ദേ​ഹ​ത്തി​ന്​ വാ​ദി​ക്കാ​ൻ കാ​ര്യ​മാ​യ അ​വ​സ​രം കൊ​ടു​ത്തു​മി​ല്ല. സു​പ്രീം​കോ​ട​തി​യി​ല്‍ ജ​നാ​ധി​പ​ത്യം പ​രാ​ജ​യ​പ്പെ​ട്ടു​വെ​ന്ന് വി​മ​ർ​ശ​ന​മു​ന്ന​യി​ച്ച മു​ന്‍ ജ​ഡ്ജി​മാ​രു​ടെ പ​ട്ടി​ക താ​ന്‍ ത​രാ​മെ​ന്നാ​യി​രു​ന്നു എ.​ജി കെ.​കെ വേ​ണു​ഗോ​പാ​ലി​െൻറ വാ​ദം.

''ഉ​ന്ന​ത കോ​ട​തി​ക​ളി​ല്‍ അ​ഴി​മ​തി​യു​ണ്ടെ​ന്ന് പ​റ​ഞ്ഞ ഒ​മ്പ​ത് ജ​ഡ്ജി​മാ​രു​ടെ പേ​രു​ക​ള്‍കൂ​ടി താ​ന്‍ ത​രാം. ജു​ഡീ​ഷ്യ​റി​യി​ലെ അ​ഴി​മ​തി​യെ കു​റി​ച്ച് 1987ല്‍ ​ഞാ​ന്‍ത​ന്നെ പ​റ​ഞ്ഞി​ട്ടു​ണ്ട്. അ​തു​ത​ന്നെ​യാ​ണ് പ്ര​ശാ​ന്ത് ഭൂ​ഷ​ണും പ​റ​ഞ്ഞ​ത്.'' -എ.​ജി തു​റ​ന്ന​ടി​ച്ചു. 30 വ​ര്‍ഷ​മാ​യി പ്ര​ശാ​ന്തി​നെ ത​നി​ക്ക​റി​യാ​മെ​ന്നും അ​ദ്ദേ​ഹം നി​ല​പാ​ട് മാ​റ്റു​മെ​ന്ന് തോ​ന്നു​ന്നി​ല്ലെ​ന്നും​ േവ​ണു​ഗോ​പാ​ൽ ബെ​ഞ്ചി​നെ അ​റി​യി​ച്ചു.

ജ​സ്​​റ്റി​സു​മാ​രാ​യ ആ​ര്‍.​എം. ലോ​ധ, മ​ദ​ന്‍ ബി. ​ലോ​ക്കൂ​ര്‍, എ.​പി ഷാ, ​കു​ര്യ​ന്‍ ജോ​സ​ഫ് തു​ട​ങ്ങി​യ സു​പ്രീം​കോ​ട​തി​യി​ലെ​യും ഹൈ​കോ​ട​തി​ക​ളി​ലെ​യും മുൻ ജ​ഡ്ജി​മാ​രെ പി​ന്തു​ണ​ക്കു​ന്ന​താ​ണ് പ്ര​ശാ​ന്തി​െൻറ പ്ര​സ്താ​വ​ന​യെ​ന്ന് അ​ഡ്വ. രാ​ജീ​വ് ധ​വാ​നും വാ​ദി​ച്ചു. 'സു​പ്രീം​കോ​ട​തി​യി​ലേ​ക്ക് ച​രി​ത്ര​കാ​ര​ന്മാ​ര്‍ തി​രി​ഞ്ഞു​നോ​ക്കു'​മെ​ന്ന ട്വീ​റ്റി​നെ പ​രാ​മ​ര്‍ശി​ച്ച്, സു​പ്രീം​കോ​ട​തി​യെ കു​റി​ച്ച് നാ​ളെ എ​ന്ത് വി​ചാ​ര​മാ​യി​രി​ക്കു​മെ​ന്ന് ആ​ര്‍ക്കും പ​റ​യാ​നാ​വി​ല്ലെ​ന്നാ​യി​രു​ന്നു ജ​സ്​​റ്റി​സ്​ മി​ശ്ര പ്ര​തി​ക​രി​ച്ച​ത്. എ​ന്നാ​ൽ, സു​പ്രീം​കോ​ട​തി​യു​ടെ ച​രി​ത്രം രേ​ഖ​പ്പെ​ടു​ത്തു​ന്ന​വ​രി​ല്‍ ഒ​രാ​ൾ താ​ന്‍ ത​ന്നെ​യാ​യി​രി​ക്കു​മെ​ന്ന് ധ​വാ​ന്‍ തി​രി​ച്ച​ടി​ച്ചു.

''കോ​ട​തി എ​നി​ക്ക് കൂ​ടു​ത​ല്‍ സ​മ​യം ത​രു​ന്ന​ത് സ്വാ​ഗ​തം ചെ​യ്യു​ന്നു. എ​ന്നാ​ല​ത് കോ​ട​തി​യു​ടെ സ​മ​യം പാ​ഴാ​ക്ക​ല​ല്ലാ​തെ എ​ന്തെ​ങ്കി​ലും കാ​ര്യ​മു​ണ്ടെ​ന്ന് ക​രു​തു​ന്നി​ല്ല. ഞാ​ന്‍ പ്ര​സ്താ​വ​ന മാ​റ്റാ​ന്‍ പോ​കു​ന്നി​ല്ല'' എ​ന്ന് പ്ര​ശാ​ന്ത് ഭൂ​ഷ​ണ്‍ തീ​ര്‍ത്തു​പ​റ​ഞ്ഞ ശേ​ഷ​മാ​ണ് മ​ന​സ്സ്​ മാ​റി തെ​റ്റു തി​രു​ത്താ​ന്‍ ര​ണ്ടു മൂ​ന്ന്​ ദി​വ​സം കൂ​ടി ബെ​ഞ്ച് ന​ല്‍കി​യി​രി​ക്കു​ന്ന​ത്.