നിയമ കമീഷൻ പുനഃസംഘടിപ്പിച്ചു; പ്രധാന ദൗത്യം ഏക സിവിൽകോഡ്

ന്യൂ​ഡ​ൽ​ഹി: നാ​ലു വ​ർ​ഷ​ത്തെ ഇ​ട​വേ​ള​ക്കു​ശേ​ഷം കേ​ന്ദ്ര സ​ർ​ക്കാ​ർ 22ാം നി​യ​മ ക​മീ​ഷ​ൻ പു​നഃ​സം​ഘ​ടി​പ്പി​ച്ചു. മു​ൻ ക​ർ​ണാ​ട​ക ഹൈ​കോ​ട​തി ചീ​ഫ് ജ​സ്റ്റി​സ് രാ​ജ് അ​വ​സ്തി ചെ​യ​ർ​പേ​​ഴ്സ​നാ​യ ക​മീ​ഷ​നി​ൽ കേ​ര​ള ഹൈ​കോ​ട​തി ജ​ഡ്ജി ജ​സ്റ്റി​സ് കെ.​ടി. ശ​ങ്ക​ര​ൻ അം​ഗ​മാ​ണ്. രാ​ജ്യ​ത്ത് ഏ​ക സി​വി​ൽ കോ​ഡ് ന​ട​പ്പാ​ക്കു​ന്ന​ത് പ​രി​ശോ​ധി​ക്കു​ക​യാ​യി​രി​ക്കും നി​യ​മ ക​മീ​ഷ​ന്റെ പ്ര​ധാ​ന ദൗ​ത്യം. പ്ര​ഫ. ആ​ന​ന്ദ് പ​ലി​വ​ൽ, പ്ര​ഫ. ഡി.​പി. വ​ർ​മ, പ്ര​ഫ. ഡോ. ​രാ​ക ആ​ര്യ, എം. ​ക​രു​ണാ​നി​ധി എ​ന്നി​വ​രും സ​മി​തി​യി​ലു​ണ്ട്.

21ാം നി​യ​മ ക​മീ​ഷ​ൻ ചെ​യ​ർ​പേ​ഴ്സ​ൻ മു​ൻ സു​പ്രീം​കോ​ട​തി ജ​ഡ്ജി ജ​സ്റ്റി​സ് പി.​ബി. സാ​വ​ന്ത് വി​ര​മി​ച്ച ശേ​ഷം 2018 ആ​ഗ​സ്റ്റ് 31 മു​ത​ൽ കേ​ന്ദ്ര സ​ർ​ക്കാ​ർ പു​നഃ​സം​ഘ​ടി​പ്പി​ക്കാ​തെ കാ​ലി​യാ​യി കി​ട​ക്കു​ക​യാ​യി​രു​ന്നു നി​യ​മ ക​മീ​ഷ​ൻ. ക​മീ​ഷ​ൻ പു​നഃ​സം​ഘ​ടി​പ്പി​ക്കാ​ത്ത​തി​നെ​തി​രെ സ​മ​ർ​പ്പി​ച്ച പൊ​തു​താ​ൽ​പ​ര്യ ഹ​ര​ജി സു​പ്രീം​കോ​ട​തി​യു​ടെ പ​രി​ഗ​ണ​ന​യി​ലാ​ണ്. ഏ​ക സി​വി​ൽ കോ​ഡ് വി​ഷ​യ​ത്തി​ൽ സു​പ്രീം​കോ​ട​തി നി​ല​പാ​ട് വ്യ​ക്ത​മാ​ക്കാ​ൻ ആ​വ​ശ്യ​പ്പെ​ട്ട​പ്പോ​ൾ 22ാം നി​യ​മ ക​മീ​ഷ​ൻ ഈ ​വി​ഷ​യം പ​രി​ശോ​ധി​ക്കു​മെ​ന്നും ക​മീ​ഷ​ൻ ഉ​ട​ൻ പു​നഃ​സം​ഘ​ടി​പ്പി​ക്കു​മെ​ന്നും കേ​ന്ദ്ര സ​ർ​ക്കാ​ർ അ​റി​യി​ച്ചി​രു​ന്നു.

'മ​തേ​ത​ര ജ​നാ​ധി​പ​ത്യ റി​പ്പ​ബ്ലി​ക്' എ​ന്ന ഭ​ര​ണ​ഘ​ട​ന​യു​ടെ ആ​മു​ഖ​ത്തി​ലു​ള്ള ല​ക്ഷ്യം ശ​ക്തി​പ്പെ​ടു​ത്തു​ക​യാ​ണ് ഏ​ക സി​വി​ൽ​കോ​ഡി​ന്റെ ഉ​ദ്ദേ​ശ്യ​മെ​ന്നും വ്യ​ത്യ​സ്ത വ്യ​ക്തി​നി​യ​മ​ങ്ങ​ളാ​ൽ ഭ​രി​ക്ക​പ്പെ​ടു​ന്ന സ​മു​ദാ​യ​ങ്ങ​ളെ പൊ​തു പ്ലാ​റ്റ്ഫോ​മി​ൽ കൊ​ണ്ടു​വ​ന്ന് ഇ​ന്ത്യ​യു​ടെ അ​ഖ​ണ്ഡ​ത സാ​ധ്യ​മാ​ക്കാ​നു​ള്ള വ്യ​വ​സ്ഥ​യാ​ണി​തെ​ന്നും കേ​ന്ദ്രം ബോ​ധി​പ്പി​ച്ചു.

വി​ഷ​യ​ത്തി​ന്റെ പ്രാ​ധാ​ന്യ​വും വൈ​കാ​രി​ക​ത​യും ക​ണ​ക്കി​ലെ​ടു​ത്ത് വി​വി​ധ വ്യ​ക്തി നി​യ​മ​ങ്ങ​ളെ​ക്കു​റി​ച്ച് ആ​ഴ​ത്തി​ലു​ള്ള പ​ഠ​നം അ​നി​വാ​ര്യ​മാ​ണെ​ന്നും വി​വി​ധ ക​ക്ഷി​ക​ളി​ൽ​നി​ന്നും അ​ഭി​പ്രാ​യം സ​മാ​ഹ​രി​ച്ച് 21ാം നി​യ​മ ക​മീ​ഷ​ൻ ഇ​ക്കാ​ര്യം പ​രി​ശോ​ധി​ച്ചി​രു​ന്നു​വെ​ന്നും കേ​ന്ദ്രം വ്യ​ക്ത​മാ​ക്കി. എ​ന്നാ​ൽ, ക​മീ​ഷ​ന്റെ കാ​ലാ​വ​ധി 2018 ആ​ഗ​സ്റ്റി​ൽ അ​വ​സാ​നി​ച്ച​തി​നാ​ൽ ഏ​ക സി​വി​ൽ കോ​ഡ് 22ാം നി​യ​മ ക​മീ​ഷ​ന് മു​ന്നി​ൽ വെ​ക്കു​മെ​ന്നും 22ാം നി​യ​മ ക​മീ​ഷ​ൻ കേ​​ന്ദ്ര സ​ർ​ക്കാ​റി​ന് റി​പ്പോ​ർ​ട്ട് സ​മ​ർ​പ്പി​ക്കു​മെ​ന്നും കേ​ന്ദ്ര സ​ർ​ക്കാ​ർ അ​റി​യി​ച്ചു.

അലഹബാദ് ഹൈക്കോടതി ജഡ്ജിയായിരുന്ന രാ​ജ് അവസ്തി 2022 ജൂലായ് മൂന്നിനാണ് കർണാടക ഹൈക്കോടതി ചീഫ് ജസ്റ്റിസായി വിരമിച്ചത്. ക​ർ​ണാ​ട​ക​യി​ൽ ഹി​ജാ​ബ് വി​ല​ക്കി വി​ധി പു​റ​പ്പെ​ടു​വി​ച്ച ഹൈക്കോടതി ബെഞ്ചിന്റെ അധ്യക്ഷനായിരുന്നു.

കേരള ഹൈക്കോടതിയിൽ 2005 ഫെബ്രവരി മുതൽ 2016 ഡിസംബർ വരെ ജഡ്ജിയായിരുന്നു കെ.ടി. ശങ്കരൻ. 'ല​വ് ജി​ഹാ​ദ്' ഉ​ണ്ടെ​ന്ന് വി​ധി പു​റ​പ്പെ​ടു​വി​ച്ച ജ​ഡ്ജി​യാ​ണ് ജ​സ്റ്റി​സ് കെ.​ടി. ശ​ങ്ക​ര​ൻ. ല​വ് ജി​ഹാ​ദ് ആ​രോ​പ​ണ​ത്തി​ന് ഒ​രു തെ​ളി​വു​മി​ല്ലെ​ന്ന് കേ​ര​ള ഹൈ​കോ​ട​തി​യു​ടെ മ​റ്റൊ​രു ബെ​ഞ്ച് പി​ന്നീ​ട് ക​ണ്ടെ​ത്തി.

പാലക്കാട് ജില്ലയിലെ പട്ടാമ്പി സ്വദേശിയായ ജസ്റ്റിസ് കെ.ടി. ശങ്കരൻ 1979 ലാണ് അഭിഭാഷകനായി എൻറോൾ ചെയ്യുന്നത്. പട്ടാമ്പി മുൻസിഫ് മജിസ്ട്രേറ്റ് കോടതിയിൽ പ്രാക്ടീസ് തുടങ്ങി. 1982ൽ കേരള ഹൈക്കോടതിയിൽ അഭിഭാഷകനായി. രണ്ട് പതിറ്റാണ്ട് അഭിഭാഷകനായി പ്രാക്ടീസ് ചെയ്ത ശേഷം 2005 ഫെബ്രുവരിയിൽ കേരള ഹൈക്കോടതിയിൽ ന്യായാധിപനായി. വിരമിച്ച ശേഷം അദ്ദേഹം കേരളജുഡിഷ്യൽ ചെയർപേഴ്സണായും പ്രവർത്തിച്ചു