ഇംഫാലിൽനിന്ന് അവസാന കുക്കിയേയും നീക്കി; ബലംപ്രയോഗിച്ച് ഒഴിപ്പിച്ചെന്ന്

ഇം​ഫാ​ൽ: വം​ശീ​യ​ക​ലാ​പം വ​ർ​ഗീ​യാ​ക്ര​മ​ണ​മാ​യി പ​രി​ണ​മി​ച്ച മ​ണി​പ്പൂ​രി​ൽ ത​ല​സ്ഥാ​ന​ന​ഗ​രി​യി​ൽ അ​വ​ശേ​ഷി​ക്കു​ന്ന കു​ക്കി വം​ശ​ജ​രെ ബ​ല​പ്ര​യോ​ഗ​ത്തി​ലൂ​ടെ ഒ​ഴി​പ്പി​ച്ചു. ഇം​ഫാ​ലി​ലെ ന്യൂ ​ലാം​ബു​​ലെ​യ്നി​ൽ ബാ​ക്കി​യാ​യ 10 കു​ക്കി കു​ടും​ബ​ങ്ങ​ളി​ലാ​യു​ള്ള 24 പേ​രെ​യാ​ണ്, ‘സു​ര​ക്ഷി​ത സ്ഥാ​ന​ത്തേ’​ക്ക് എ​ന്ന് പ​റ​ഞ്ഞ് സ​ർ​ക്കാ​ർ അ​ധി​കൃ​ത​ർ നീ​ക്കി​യ​ത്.

ഇ​വ​രെ കു​ക്കി ഭൂ​രി​പ​ക്ഷ​മേ​ഖ​ല​യാ​യ കാ​ങ്പോ​ക്പി​യി​ലെ മോ​ട്ബ​ങ്ങി​ലേ​ക്കാ​ണ് മാ​റ്റി​യ​തെ​ന്ന് സം​സ്ഥാ​ന​സ​ർ​ക്കാ​ർ വൃ​ത്ത​ങ്ങ​ൾ പ​റ​ഞ്ഞു. ഇം​ഫാ​ലി​ൽ​നി​ന്ന് 25 കി​ലോ​മീ​റ്റ​ർ അ​ക​ലെ​യാ​ണി​ത്.

അ​തേ​സ​മ​യം, ആ​ഭ്യ​ന്ത​ര​വ​കു​പ്പി​ന്റെ നി​​ർ​ദേ​ശ​പ്ര​കാ​ര​മെ​ന്ന് അ​വ​കാ​ശ​പ്പെ​ട്ട് അ​ർ​ധ​രാ​ത്രി​യി​ൽ ആ​യു​ധ​ങ്ങ​ളു​മാ​യി യൂ​നി​​ഫോ​മി​ൽ എ​ത്തി​യ സം​ഘം, കു​ക്കി വീ​ടു​ക​ൾ​ക്ക് കാ​വ​ൽ നി​ൽ​ക്കു​ക​യാ​യി​രു​ന്ന 24 പേ​രെ ബ​ലം​പ്ര​യോ​ഗി​ച്ച് വാ​ഹ​ന​ത്തി​ൽ ക​യ​റ്റി​ക്കൊ​ണ്ടു​പോ​വു​ക​യാ​യി​രു​ന്നു​വെ​ന്ന് കു​ക്കി സം​ഘ​ട​ന​ക​ൾ ആ​രോ​പി​ച്ചു. ത​ങ്ങ​ളു​ടെ സാ​ധ​ന​ങ്ങ​ൾ​പോ​ലും എ​ടു​ക്കാ​ൻ അ​നു​വ​ദി​ക്കാ​തെ, ഉ​ടു​തു​ണി​ക്ക് മ​റു​തു​ണി​യി​ല്ലാ​തെ ബ​ലം​​പ്ര​യോ​ഗി​ച്ച് നീ​ക്കി​യെ​ന്നും അ​വ​ർ ആ​രോ​പി​ച്ചു.

‘‘മേ​ഖ​ല​യി​ലു​ള്ള കു​ക്കി വീ​ടു​ക​ൾ​ക്കും സ്വ​ത്തി​നും സം​ര​ക്ഷ​ണ​ത്തി​നാ​യി അ​വ​ശേ​ഷി​ക്കു​ക​യാ​യി​രു​ന്ന അ​വ​സാ​ന​ത്തെ കു​ക്കി വ​ള​ന്റി​യ​റെ​യും ഭ​യാ​ന​ക​മാ​യ ആ​ക്ര​മ​ണ​ത്തി​ലൂ​ടെ ഒ​ഴി​പ്പി​ച്ചി​രി​ക്കു​ന്നു’’ -ഗോ​ത്ര​സം​ഘ​ട​ന​യാ​യ കു​ക്കി ഇ​ൻ​പി മ​ണി​പ്പൂ​ർ ആ​രോ​പി​ച്ചു. ഇ​തോ​ടെ മെ​യ്തേ​യി​ക​ളും കു​ക്കി​ക​ളും ത​മ്മി​ലു​ള്ള വി​ഭ​ജ​നം പൂ​ർ​ണ​മാ​യെ​ന്നും ഇ​രു വി​ഭാ​ഗ​ങ്ങ​ളെ​യും ഭ​ര​ണ​ഘ​ട​നാ​പ​ര​മാ​യി ര​ണ്ടു ഭ​ര​ണ​വി​ഭാ​ഗ​ങ്ങ​ളാ​യി മാ​റ്റാ​ൻ കേ​ന്ദ്ര​സ​ർ​ക്കാ​ർ അ​ടി​യ​ന്ത​ര ന​ട​പ​ടി എ​ടു​ക്ക​ണ​മെ​ന്നും സം​ഘ​ട​ന ആ​വ​ശ്യ​പ്പെ​ട്ടു.

അ​തേ​സ​മ​യം, ആ​ക്ര​മ​ണ സാ​ധ്യ​താ​മേ​ഖ​ല​യി​ൽ​നി​ന്ന് കു​ക്കി വം​ശ​ജ​രെ സു​ര​ക്ഷി​ത​സ്ഥാ​ന​ത്തേ​ക്ക് മാ​റ്റു​ക​യാ​ണു​ണ്ടാ​യ​തെ​ന്ന് സ​ർ​ക്കാ​ർ​വൃ​ത്ത​ങ്ങ​ൾ അ​വ​കാ​ശ​പ്പെ​ട്ടു.