ലാ​ലു പ്ര​സാ​ദ് യാ​ദ​വ് ഇ.ഡിക്ക് മുന്നിൽ ഹാജരായി

പട്ന: ബി​ഹാ​റി​ൽ ആ​ർ.​ജെ.​ഡി​ക്ക് സ​ഖ്യ​ക​ക്ഷി ഭ​ര​ണം ന​ഷ്ട​പ്പെ​ട്ട​തി​ന് പി​റ​കെ, പാ​ർ​ട്ടി അ​ധ്യ​ക്ഷ​ൻ ലാ​ലു പ്ര​സാ​ദ് യാ​ദ​വ് ഇ.​ഡി​ക്ക് മു​ന്നി​ൽ ചോ​ദ്യം​ചെ​യ്യ​ലി​ന് ഹാ​ജ​രാ​യി. റെ​യി​ൽ​വേ ജോ​ലി​ക്ക് പ​ക​രം ഭൂ​മി കും​ഭ​കോ​ണ കേ​സി​ൽ ക​ള്ള​പ്പ​ണം വെ​ളു​പ്പി​ക്ക​ൽ അ​ന്വേ​ഷ​ണ​വു​മാ​യി ബ​ന്ധ​പ്പെ​ട്ട ചോ​ദ്യം​ചെ​യ്യ​ലി​ന് തി​ങ്ക​ളാ​ഴ്ച രാ​വി​ലെ 11.05ഓ​ടെ രാ​ജ്യ​സ​ഭ എം.​പി​കൂ​ടി​യാ​യ മ​ക​ൾ മി​സ ഭാ​ര​തി​യോ​ടൊ​പ്പ​മാ​ണ് ലാ​ലു എ​ത്തി​യ​ത്. ആ​ർ.​ജെ.​ഡി പ്ര​വ​ർ​ത്ത​ക​ർ ഓ​ഫി​സി​ന് മു​ന്നി​ൽ പ്ര​തി​ഷേ​ധ​വു​മാ​യി രം​ഗ​ത്തു​ണ്ടാ​യി​രു​ന്നു. ലാ​ലു​വി​ന്റെ ഭാ​ര്യ റാ​ബ്റി ദേ​വി​യു​ടെ സ്ഥാ​പ​ന​ത്തി​​ലെ മു​ൻ ജീ​വ​ന​ക്കാ​ര​ൻ റെ​യി​ൽ​വേ ഉ​ദ്യോ​ഗാ​ർ​ഥി​യി​ൽ​നി​ന്ന് ജോ​ലി​ക്ക് പ​ക​രം വ​സ്തു സ്വ​ന്ത​മാ​ക്കു​ക​യും ഇ​ത് ലാ​ലു​വി​ന്റെ മ​റ്റൊ​രു മ​ക​ളാ​യ ഹേ​മ യാ​ദ​വി​ന് കൈ​മാ​റു​ക​യും ചെ​യ്തെ​ന്ന് ഇ.​ഡി ആ​രോ​പി​ച്ചു.

2004-09 കാ​ല​യ​ള​വി​ൽ യു.​പി.​എ സ​ർ​ക്കാ​റി​ൽ റെ​യി​ൽ​വേ മ​ന്ത്രി​യാ​യി​രു​ന്ന ലാ​ലു പ്ര​സാ​ദ്, 12 ഉ​ദ്യോ​ഗാ​ർ​ഥി​ക​ൾ​ക്ക് റെ​യി​ൽ​വേ​യി​ൽ ജോ​ലി ന​ൽ​കി​യ​തി​ന് പ​ക​രം നി​സ്സാ​ര വി​ല​ക്ക് ഇ​വ​രു​ടെ ഭൂ​മി എ​ഴു​തി​വാ​ങ്ങി​യെ​ന്നാ​ണ് സി.​ബി.​ഐ കേ​സ്. ലാ​ലു​വി​നെ കൂ​ടാ​തെ ഭാ​ര്യ​യും ര​ണ്ടു​മ​ക്ക​ളും ഉ​ൾ​പ്പെ​ടെ 16 പേ​രെ പ്ര​തി​ചേ​ർ​ത്ത് സി.​ബി.​ഐ കു​റ്റ​പ​ത്രം സ​മ​ർ​പ്പി​ച്ചി​ട്ടു​ണ്ട്.

കേ​സി​ൽ ലാ​ലു​വി​നെ​യും മ​ക​ൻ തേ​ജ​സ്വി യാ​ദ​വി​നെ​യും ചോ​ദ്യം ചെ​യ്യാ​ൻ ജ​നു​വ​രി 19നാ​ണ് ഇ.​ഡി പു​തി​യ സ​മ​ൻ​സ് അ​യ​ച്ച​ത്. തേ​ജ​സ്വി യാ​ദ​വി​നോ​ട് ചൊ​വ്വാ​ഴ്ച ഇ.​ഡി ഉ​ദ്യോ​ഗ​സ്ഥ​ർ​ക്ക് മു​ന്നി​ൽ ഹാ​ജ​രാ​കാ​ൻ ആ​വ​ശ്യ​പ്പെ​ട്ടി​ട്ടു​ണ്ട്.

അ​തേ​സ​മ​യം, ഒ​റ്റ​ക്ക് ന​ട​ക്കാ​ൻ പോ​ലും ക​ഴി​യാ​ത്ത പി​താ​​വി​നൊ​പ്പം ഒ​രു സ​ഹാ​യി​യെ പോ​ലും നി​ർ​ത്താ​ൻ ഇ.​ഡി ഉ​ദ്യോ​ഗ​സ്ഥ​ർ അ​നു​വ​ദി​ച്ചി​ല്ലെ​ന്ന് ലാ​ലു​വി​ന്റെ മ​റ്റൊ​രു മ​ക​ൾ രോ​ഹി​ണി ആ​ചാ​ര്യ മാ​ധ്യ​മ​പ്ര​വ​ർ​ത്ത​ക​രോ​ട് പ​റ​ഞ്ഞു. പി​താ​വി​ന് എ​ന്തെ​ങ്കി​ലും സം​ഭ​വി​ച്ചാ​ൽ ഉ​ത്ത​ര​വാ​ദി നി​തീ​ഷ് കു​മാ​റും സി.​ബി.​ഐ​യും ഇ.​ഡി​യും ആ​യി​രി​ക്കു​മെ​ന്നും അ​വ​ർ പ്ര​തി​ക​രി​ച്ചു.