ആരോഗ്യനില വഷളായതിനെ തുടർന്ന്​ ലാലുവിനെ എയിംസിൽ പ്രവേശിപ്പിച്ചു

ന്യൂഡൽഹി: ആരോഗ്യനില വഷളായതിനെ തുടർന്ന്​ ആർ.ജെ.ഡി നേതാവ്​ ലാലു​ പ്രസാദ്​ യാദവിനെ ഡൽഹി എയിംസിൽ ​പ്രവേശിപ്പിച്ചു. ആർ.ജെ.ഡി നേതാവും മകനുമായ തേജസ്വി യാദവും കുടുംബവും ലാലുവിനൊപ്പമുണ്ട്​.

കാർഡിയോതൊറാസിക്​ സെന്‍ററിലെ കൊറോണറി കെയർ യൂണിറ്റിലാണ്​ അദ്ദേഹം ചികിത്സയിൽ കഴിയുന്നത്​.കാലിത്തീറ്റ കുഭംകോണത്തെ തുടർന്ന്​ 2017 മുതൽ ജയിലിലാണ്​ ലാലു. ശ്വാസകോശ അണുബാധയെ തുടർന്ന്​ ഇദ്ദേഹത്തെ റാഞ്ചി​യിലെ ആശുപത്രിയിൽ പ്രവേശിപ്പിക്കുകയായിരുന്നു. അവിടെവെച്ച്​ ആ​േരാഗ്യനില വഷളായതിനെ തുടർന്നാണ്​ എയിംസിലേക്ക്​ മാറ്റിയത്​.

ജയിലിലെ ഡോക്​ടർമാരുടെ വിദഗ്​ധ സംഘം നടത്തിയ പരിശോധനയിൽ എയിംസിലേക്ക്​ മാറ്റാൻ നിർദേശിക്കുകയായിരുന്നു. ഝാർഖണ്ഡ്​ മുഖ്യമന്ത്രി ഹേമന്ത്​ സോറനുമായി സംസാരിച്ചതായും പിതാവിന്​ മികച്ച ചികിത്സ നൽകണമെന്ന്​ ആവശ്യപ്പെട്ടതായും തേജസ്വി യാദവ്​ അറിയിച്ചിരുന്നു.