Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഅവസാന കേസിലും വിധി...

അവസാന കേസിലും വിധി വന്നു; ലാലുവിന്​ അഞ്ചു വർഷം തടവും 60 ലക്ഷം പിഴയും

text_fields
bookmark_border
lalu prasad yadav
cancel

അവസാന കാലിത്തീറ്റ കുംഭകോണ കേസിൽ ബീഹാർ മുൻ മുഖ്യമന്ത്രി ലാലുപ്രസാദ്​ യാദവിന്​ അഞ്ചു വർഷം തടവും 60 ലക്ഷം രൂപ പിഴയും. കാലിത്തീറ്റ കുംഭകോണവുമായി ബന്ധപ്പെട്ട്​ അഞ്ചു കേസുകളാണ്​ ലാലുവിനെതിരെ ഉണ്ടായിരുന്നത്​. ഇതിലെ അവസാന കേസിലാണ്​ റാഞ്ചിയിലെ സി.ബി.ഐ കോടതി ഇന്ന്​ ശിക്ഷ വിധിച്ചത്​.

നേരത്തെ നാലു കേസുകളിൽ ലാലുവിനെതിരെ ശിക്ഷ വിധിച്ചിരുന്നു. മൂന്നുവർഷത്തിലധികം ജയിൽ ശിക്ഷയനുഭവിച്ച ലാലു ഇപ്പോൾ ജാമ്യത്തിലാണ്​. മൃഗ സംരക്ഷണ വകുപ്പിന്​ കീഴിൽ കാലിത്തീറ്റ വിതരണം ചെയ്​തെന്ന്​ കാണിച്ച്​ 950 കോടിയുടെ തട്ടിപ്പ്​ നടത്തിയെന്നാണ്​ കേസ്​.

ബീഹാർ മുഖ്യമന്ത്രിയായിരുന്ന ലാലു പ്രസാദ്​ യാദവ്​ കേന്ദ്രത്തി​ലെ യു.പി.എ സർക്കാറിൽ റെയിൽവെ മന്ത്രിയായിരുന്നു. റെയിൽവേയെ ലാഭത്തിലാക്കുകയും ചരിത്രത്തിലാദ്യമായി ടിക്കറ്റ്​ നിരക്ക്​ കുറച്ച്​ വാർത്തകളിൽ നിറയുകയും ചെയ്തിരുന്നു. വിദേശ സർവകലാശാലകളിലടക്കം മാനേജ്​മെന്‍റ്​ വിദ്യാർഥികളോട്​ സംവദിക്കാൻ ലാലുവിന്​ ക്ഷണം ലഭിക്കുകയും ചെയ്തിരുന്നു.

അതിനിടെ, ദിവസങ്ങൾക്ക്​ മുമ്പ്​ ശിവസേന എം.പി സഞ്​ജയ്​ റാവത്ത്​ രാജ്യസഭ അധ്യക്ഷന്​ നൽകിയ കത്ത്​ പുറത്തുവന്നിരുന്നു. മഹാരാഷ്ട്രയിലെ സർക്കാറിനെ മറിച്ചിടാൻ സഹകരിച്ചില്ലെങ്കിൽ ഒരു മുൻ കേന്ദ്ര മന്ത്രിയുടെ അനുഭവമുണ്ടാകുമെന്നും ജയിലിൽ കഴിയേണ്ടി വരുമെന്നും കേന്ദ്ര അന്വേഷണ ഏജൻസികൾ ഭീഷണിപ്പെടുത്തുന്നതായി അദ്ദേഹം കത്തിൽ വെളിപ്പെടുത്തിയിരുന്നു.

Show Full Article
TAGS:Lalu Prasad Yadav corruption opposition 
News Summary - Lalu sentenced to 5 years of jail
Next Story