ലാലുവിനെ നട്ടപ്പാതിരക്ക് ഡിസ്ചാർജ് ചെയ്തു; പിന്നാലെ വീണ്ടും എയിംസിൽ

ന്യൂഡൽഹി: ആർ.ജെ.ഡി അധ്യക്ഷനും മുൻ ബിഹാർ മുഖ്യമന്ത്രിയുമായ​ ലാലു​പ്രസാദ്​ യാദവിനെ അർധരാത്രി ഡിസ്​ചാർജ്​ ചെയ്ത് ഡൽഹി എയിംസ്​. ആരോഗ്യനില മോശമായതിനെ തുടർന്ന്​ റാഞ്ചിയി​ലെ രാജേന്ദ്ര ഇൻസ്​റ്റിറ്റ്യൂട്ട്​ മെഡിക്കൽ സയൻസിൽ ചികിത്സയിലായിരുന്ന 73കാരനായ ലാലുവിനെ ചൊവ്വാഴ്ച രാത്രിയാണ്​ ഡൽഹി എയിംസിലെ അടിയന്തര വിഭാഗത്തിൽ പ്രവേശിപ്പിച്ചത്​.

ഹൃദയത്തിലും കിഡ്​നിയിലും പ്രശ്​നങ്ങൾ ക​ണ്ടതിനെ തുടർന്നായിരുന്നു ഡൽഹിയിലേക്ക്​ മാറ്റിയത്​. എന്നാൽ, ആരോഗ്യനിലയിൽ പ്രശ്നമില്ലെന്ന്​ വ്യക്​തമാക്കി പുല​ർച്ചെ 3.30ഓടെ എയിംസ്​ അധികൃതർ ഡിസ്​ചാർജ്​ ചെയ്തു. പിന്നീടാണ്​ ടെസ്റ്റുകൾ അടക്കം നടത്താൻ എയിംസ്​ നിർദേശിച്ചതെന്ന്​ മകൻ തേജസ്വി യാദവ്​ ആരോപിച്ചു. ബുധനാഴ്ച ഉച്ച​ 12.30ഓടെ അദ്ദേഹത്തെ വീണ്ടും എയിംസിൽ പ്രവേശിപ്പിച്ചു.

മോശം അവസ്ഥയെ തുടർന്നാണ്​ ഡൽഹിയിലേക്ക്​ കൊണ്ടുവന്നത്​. രാഷ്ട്രീയസമ്മർദം കാരണം ആശുപത്രി അധികൃതർ അർധ രാത്രി ഡിസ്​ചാർജ്​ ചെയ്യുകയായിരുന്നു​വെന്ന്​ ആർ.ജെ.ഡി നേതാവ്​ ബായ്​ വിരേന്ദ്ര കുറ്റപ്പെടുത്തി.