നിതീഷ് കുമാറിന്​​ വോട്ടഭ്യർഥിച്ച്​ ലാലു പ്രസാദി​െൻറ മരുമകൾ

പറ്റ്​ന: ബിഹാർ നിയമസഭാ തെരഞ്ഞെടുപ്പിൽ ആർ.ജെ.ഡി നേതാവ്​ ലാലു പ്രസാദ്​ യാദവി​െൻറ മരുമകളുടെ പിന്തുണ നിതീഷ്​ കുമാറിന്​. ലാലുവി​െൻറ മൂത്ത മകൻ തേജ്​ പ്രതാപ്​ യാദവി​െൻറ ഭാര്യ ഐശ്വര്യ റായിയാണ്​ ജനതാ ദൾ (യു) വിനുവേണ്ടി കളത്തിലിറങ്ങിയത്​. ലാലു കുടുംബവുമായി തെറ്റിപ്പിരിഞ്ഞ ഐശ്വര്യ വിവാഹമോചനത്തിനുള്ള നിയമ നടപടികളുടെ അവസാന ഘട്ടത്തിലാണ്​. ലാലു കുടുംബത്തിനെതിരെ ഗാർഹിക പീഡനം ആരോപിച്ച്​ ഐശ്വര്യ കേസ്​ നൽകിയിരുന്നു.

മുൻ ബിഹാർ മുഖ്യമന്ത്രി ദുർഗ പ്രസാദ്​ റായിയുടെ മകനും എം.എൽ.എയുമായ ചന്ദ്രിക റായിയുടെ മകളാണ്​ ഐശ്വര്യ. ആർ.ജെ.ഡി നേതാവായിരുന്നു ചന്ദ്രിക. വിവാഹവുമായി ബന്ധപ്പെട്ട​ തർക്കം കോടതിയിലെത്തിയതോടെ ചന്ദ്രിക രാഷ്​ട്രീയപരമായും എതിർചേരിയിലെത്തി. ഈ വർഷമാണ്​ അദ്ദേഹം ജനതാദൾ (യു)വിൽ ചേർന്നത്​.

പ്ലസ്​ടു വിദ്യാഭ്യാസമുള്ള തേജും ബിരുദാനന്തര ബിരുദധാരിയുമായ ഐശ്വര്യയും 2018ലാണ്​ വിവാഹിതരായത്​. ഇരുകുടുംബങ്ങളും അടുപ്പത്തിലായിരുന്ന കാലത്ത്​ കൊട്ടിഘോഷിച്ചുനടന്ന വിവാഹംകഴിഞ്ഞ്​ ആറുമാസത്തിനകം അസ്വാരസ്യങ്ങൾ തുടങ്ങി. ആറാം മാസത്തിൽ തേജ്​ പ്രതാപ്​ വിവാഹമോചനത്തിന്​ കോടതിയെ സമീപിച്ചു. ലാലു കുടുംബം മാനസികമായും ശാരീരികമായും തന്നെ ഉപദ്രവിച്ചതായും മുടി പിടിച്ചുവലിച്ച്​ വീട്ടിൽനിന്ന്​ പുറത്താക്കിയതായും 2019 ഡിസംബറിൽ ഐശ്വര്യ ആരോപിച്ചു. തേജി​െൻറ മാതാവ്​ റാബ്​റി ദേവിക്കും സഹോദരി മിസ ഭാരതിക്കുമെതിരെ അവർ പൊലീസിൽ പരാതി നൽകുകയും ചെയ്​തു. തേജ്​ പ്രതാപ്​ മാനസിക പ്രശ്​നങ്ങളുള്ളയാളും മയക്കുമരുന്നിന്​ അടിമയാണെന്നും ഐശ്വര്യ ആ​േരാപിച്ചിരുന്നു.

ബുധനാഴ്​ച നിതീഷ്​ കുമാറുമൊത്ത്​ സരൺ ജില്ലയിലെ പ്രചാരണയോഗത്തിൽ ഐശ്വര്യ പ​ങ്കെടുത്തു. പിതാവ്​ ഉൾപെടെയുള്ള ജനതാദൾ സ്​ഥാനാർഥികൾക്ക്​ അവർ വോട്ടഭ്യർഥിച്ചു. ഐശ്വര്യയുടെ പ്രസംഗത്തിനിടെ, സദസ്സിൽനിന്ന്​ ലാലുവിന്​ അനുകൂലമായി മുദ്രാവാക്യം മുഴങ്ങിയത്​ നിതീഷിനെ ചൊടിപ്പിച്ചിരുന്നു.