ലാൽഡുഹോമ: ഇന്ദിരയുടെ അംഗരക്ഷകനിൽനിന്ന് മുഖ്യമന്ത്രിപദത്തിലേക്ക്

ഐ​സോ​ൾ: മു​ൻ പ്ര​ധാ​ന​മ​ന്ത്രി ഇ​ന്ദി​ര ഗാ​ന്ധി​യു​ടെ അം​ഗ​ര​ക്ഷ​ക​ൻ, കൂ​റു​മാ​റ്റ നി​രോ​ധ​ന നി​യ​മ​പ്ര​കാ​രം അ​യോ​ഗ്യ​നാ​ക്ക​പ്പെ​ട്ട ആ​ദ്യ എം.​പി... മി​സോ​റ​മി​ൽ മു​ഖ്യ​മ​ന്ത്രി​പ​ദ​ത്തി​​ലേ​ക്ക് ചു​വ​ടു​വെ​ക്കു​ന്ന സോ​റം പീ​പ്ൾ​സ് മൂ​വ്മെ​ന്റ് സ്ഥാ​പ​ക നേ​താ​വ് ലാ​ൽ​ഡു​ഹോ​മ​ക്ക് വി​ശേ​ഷ​ണ​ങ്ങ​ൾ ഏ​റെ​യാ​ണ്. മൂ​ന്ന് പ​തി​റ്റാ​ണ്ടാ​യി കോ​ൺ​ഗ്ര​സി​ന്റെ ലാ​ൽ ത​ൻ​ഹ​വ്‍ല​യും മി​സോ നാ​ഷ​ന​ൽ ഫ്ര​ണ്ടി​ന്റെ സൊ​റാം​ത​ങ്ക​യും മാ​റി​മാ​റി അ​ല​ങ്ക​രി​ച്ചി​രു​ന്ന മു​ഖ്യ​മ​ന്ത്രി​ക്ക​സേ​ര​യി​ൽ ച​രി​ത്ര​വി​ജ​യം നേ​ടി 73കാ​ര​നാ​യ ലാ​ൽ​ഡു​ഹോ​മ ഇ​രി​പ്പു​റ​പ്പി​ക്കാ​നൊ​രു​ങ്ങു​ക​യാ​ണ്.

ഇ​ന്ദി​ര ഗാ​ന്ധി​യു​ടെ അം​ഗ​ര​ക്ഷ​ക​നാ​യി​രി​ക്കെ ഇ​ന്ത്യ​ൻ പൊ​ലീ​സ് സ​ർ​വി​സി​ൽ​നി​ന്ന് രാ​ജി​വെ​ച്ച് 1984ലാ​ണ് ലാ​ൽ​ഡു​ഹോ​മ രാ​ഷ്ട്രീ​യ​ത്തി​ലി​റ​ങ്ങു​ന്ന​ത്. കോ​ൺ​ഗ്ര​സ് ടി​ക്ക​റ്റി​ൽ നി​യ​മ​സ​ഭ​യി​ലേ​ക്ക് മ​ത്സ​രി​ച്ചെ​ങ്കി​ലും 846 വോ​ട്ടി​ന് പ​രാ​ജ​യ​പ്പെ​ട്ടു. അ​തേ​വ​ർ​ഷം കോ​​ൺ​ഗ്ര​സ് സ്ഥാ​നാ​ർ​ഥി​യാ​യി ലോ​ക്സ​ഭ​യി​ലേ​ക്ക് എ​തി​രി​ല്ലാ​തെ തെ​ര​ഞ്ഞെ​ടു​ക്ക​പ്പെ​ട്ടു. കോ​ൺ​ഗ്ര​സ് നേ​താ​വും മി​സോ​റം മു​ഖ്യ​മ​ന്ത്രി​യു​മാ​യി​രു​ന്ന ലാ​ൽ ത​ൻ​ഹ​വ്‍ല​ക്കെ​തി​രെ ഗൂ​ഢാ​ലോ​ച​ന കു​റ്റം ആ​രോ​പി​ക്ക​പ്പെ​ട്ട​തി​നെ തു​ട​ർ​ന്ന് 1986ൽ ​പാ​ർ​ട്ടി സം​സ്ഥാ​ന പ്ര​സി​ഡ​ന്റ് സ്ഥാ​ന​വും പ്രാ​ഥ​മി​കാം​ഗ​ത്വ​വും രാ​ജി​വെ​ച്ചു. 1988ൽ ​അ​യോ​ഗ്യ​നാ​ക്കി​യ​തോ​ടെ കൂ​റു​മാ​റ്റ നി​രോ​ധ​ന നി​യ​മ​പ്ര​കാ​രം ന​ട​പ​ടി നേ​രി​ട്ട ആ​ദ്യ എം.​പി​യാ​യി.

2018ൽ ​സ്വ​ത​ന്ത്ര സ്ഥാ​നാ​ർ​ഥി​യാ​യി നി​യ​മ​സ​ഭ​യി​ലേ​ക്ക് വി​ജ​യി​ച്ച് പ്ര​തി​പ​ക്ഷ നേ​താ​വാ​യി. എ​ന്നാ​ൽ, സ്വ​ത​ന്ത്ര സ്ഥാ​നാ​ർ​ഥി സൊ​റാം പീ​പ്പി​ൾ​സ് മൂ​വ്മെ​ന്റി​ന്റെ പ​രി​പാ​ടി​ക​ളി​ൽ പ​​ങ്കെ​ടു​ക്കു​ന്ന​ത് ചൂ​ണ്ടി​ക്കാ​ട്ടി 12 മി​സോ നാ​ഷ​ന​ൽ ഫ്ര​ണ്ട് എം.​എ​ൽ.​എ​മാ​ർ പ​രാ​തി ന​ൽ​കി​യ​തി​നെ​തു​ട​ർ​ന്ന് 2020ൽ ​അ​ദ്ദേ​ഹ​ത്തെ നി​യ​മ​സ​ഭ​യി​ൽ​നി​ന്ന് അ​യോ​ഗ്യ​നാ​ക്കി. മി​സോ​റ​മി​ൽ കൂ​റു​മാ​റ്റ നി​രോ​ധ​ന നി​യ​മ​പ്ര​കാ​രം അ​യോ​ഗ്യ​നാ​ക്ക​പ്പെ​ടു​ന്ന ആ​ദ്യ എം.​എ​ൽ.​എ​യെ​ന്ന പ​ദ​വി​യും അ​ദ്ദേ​ഹ​ത്തെ തേ​ടി​യെ​ത്തി. എ​ന്നാ​ൽ, 2021ൽ ​ഉ​പ​തെ​ര​ഞ്ഞെ​ടു​പ്പി​ൽ വി​ജ​യി​ച്ച് വീ​ണ്ടും എം.​എ​ൽ.​എ​യാ​യി.