കോവിഡിനിടെ പ്രയാഗ്‌രാജിൽ ലക്ഷങ്ങൾ ഗംഗാസ്നാനം നടത്തി

പ്രയാഗ്‌രാജ്: കോവിഡ് പകർച്ചവ്യാധികൾക്കിടെ ബുധനാഴ്ച മാഘമാസ പൂർണിമയിൽ ലക്ഷക്കണക്കിന് ഭക്തർ ഗംഗാനദിയിൽ പുണ്യസ്നാനം നടത്തി. രാവിലെ മുതൽ കുട്ടികളും പ്രായമായവരും സ്ത്രീകളുമടക്കം 4.50 ലക്ഷം പേർ ഗംഗയിലും നദീസംഗമത്തിലും പുണ്യസ്നാനം നടത്തിയതായി പ്രയാഗ്‌രാജ് മേള അതോറിറ്റി ഉദ്യോഗസ്ഥൻ അറിയിച്ചു.

അപകടങ്ങൾ നേരിടാൻ നിരവധി അഗ്നിശമന സേനാംഗങ്ങളെയും 108 മുങ്ങൽ വിദഗ്ധരെയും വിന്യസിച്ചിരുന്നു. സർക്കാർ വാഹനങ്ങളും ആംബുലൻസുകളും ഒഴികെയുള്ള വാഹനങ്ങൾക്ക് പ്രദേശത്തേക്ക് വ്യാഴാഴ്ച രാത്രി 10​വരെ ​നിരോധനം ഏർപ്പെടുത്തിയിരിക്കുകയാണ്.