Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightലഖിംപൂർ ഖേരി: ആശിഷ്...

ലഖിംപൂർ ഖേരി: ആശിഷ് മിശ്രയുടെ ജാമ്യത്തെ ചോദ്യം ചെയ്ത് കർഷക കുടുംബങ്ങൾ സുപ്രീംകോടതിയിൽ

text_fields
bookmark_border
Supreme Court
cancel
camera_alt

സുപ്രീം കോടതി

ന്യൂഡൽഹി: ലഖിംപൂർ ഖേരിയിൽ കര്‍ഷക കൂട്ടക്കൊലക്കേസില്‍ കേന്ദ്രമന്ത്രി അജയ് മിശ്രയുടെ മകന്‍ ആശിഷ് മിശ്രക്ക് ജാമ്യം അനുവദിച്ചതിനെതിരെ ഹരജിയുമായി കൊല്ലപ്പെട്ട കര്‍ഷകരുടെ ബന്ധുക്കള്‍ സുപ്രീംകോടതിയില്‍. അലഹബാദ്​ ഹൈകോടതി ഉത്തരവിനെതിരെ അപ്പീല്‍ നല്‍കാന്‍ ഉത്തര്‍പ്രദേശ് സര്‍ക്കാര്‍ തയാറാവാത്തതിനാലാണ് കുടുംബാംഗങ്ങള്‍ നേരിട്ട് സുപ്രീംകോടതിയെ സമീപിക്കാൻ നിര്‍ബന്ധിതരായതെന്ന് ഹരജിയിൽ വ്യക്​തമാക്കി.

കുറ്റകൃത്യത്തിന്‍റെ സ്വഭാവം, പ്രതികള്‍ക്കെതിരായ തെളിവുകള്‍, പ്രതിയുടെ പദവി തുടങ്ങിയവ പരിഗണിക്കാതെയാണ് ഹൈകോടതി ജാമ്യം അനുവദിച്ചതെന്ന് ഹരജിയില്‍ ചൂണ്ടിക്കാട്ടി.

പ്രതി ജാമ്യത്തില്‍ പുറത്തുനില്‍ക്കുന്നതിനാൽ കുറ്റം ആവര്‍ത്തിക്കാനും സാക്ഷികളെ കൈയേറ്റം ചെയ്യാനും സാധ്യതയുണ്ട്​. ജാമ്യാപേക്ഷ പരിഗണിച്ചപ്പോള്‍ ഇരകളുടെ അഭിഭാഷകന് വാദിക്കാന്‍ അവസരം നല്‍കാത്തതിനാല്‍ കാര്യങ്ങള്‍ ബോധ്യപ്പെടുത്താന്‍ ഇരകള്‍ക്കായില്ലെന്നും ഹരജിയില്‍ വ്യക്തമാക്കി.

കേന്ദ്ര സർക്കാറിന്‍റെ കർഷക വിരുദ്ധ നിയമങ്ങള്‍ക്കെതിരെ ലഖിംപൂർ ഖേരിയിൽ സമരം ചെയ്ത കര്‍ഷകര്‍ക്കിടയിലേക്ക് കഴിഞ്ഞ വർഷം ഒക്ടോബർ മൂന്നിനാണ്​​ ആശിഷ് മിശ്രയും സംഘവും വാഹനമിടിച്ച് കയറ്റിയത്​. സംഭവത്തിൽ അന്ന് എട്ടു പേർ കൊല്ലപ്പെട്ടിരുന്നു​.


Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Lakhimpur KheriAshish Mishrasupreme court
News Summary - Lakhimpur Kheri Case: Family Members Of Victims Move Supreme court Against Bail Granted To Ashish Mishra
Next Story