ലഖിംപൂർ കേസ്: ബി.ജെ.പി കേന്ദ്രമന്ത്രിയുടെ മകന് അലഹബാദ് ​ഹൈകോടതി ജാമ്യം നിഷേധിച്ചു

ന്യൂഡൽഹി: ലഖിംപൂർ ഖേരിയിൽ കർഷകരെ കൂട്ടക്കൊല നടത്തിയ കേസിലെ മുഖ്യപ്രതിയും കേന്ദ്ര ആഭ്യന്തര സഹമന്ത്രി അജയ് മിശ്രയുടെ മകനുമായ ആശിഷ് മിശ്രക്ക് അലഹബാദ് ഹൈകോടതി ജാമ്യം നിഷേധിച്ചു. ജസ്റ്റിസ് കൃഷ്ണ പഹൽ അധ്യക്ഷനായ ലഖ്നോ ബെഞ്ചാണ് ജാമ്യം നിഷേധിച്ചത്. ജാമ്യം ലഭിച്ചാൽ ലഭിച്ചാൽ പ്രതി സാക്ഷികളെ സ്വാധീനിക്കാൻ സാധ്യതയുണ്ടെന്ന് ജസ്റ്റിസ് കൃഷ്ണ പഹൽ ചൂണ്ടിക്കാട്ടി.

ഉത്തർപ്രദേശിലെ ലഖീംപൂരിൽ കഴിഞ്ഞ വർഷം നടന്ന കർഷക മാർച്ചിനിടെ എട്ടുപേരെ വാഹനം കയറ്റി കൊലപ്പെടുത്തിയ കേസിലാണ് ആശിഷ് മിശ്ര ജയിൽശിക്ഷയനുഭവിക്കുന്നത്. കഴിഞ്ഞ ഫെബ്രുവരിയിൽ അലഹബാദ് ഹൈകോടതിയിലെ ലഖ്നോ ബെഞ്ച് ആശിഷിന് ജാമ്യം നൽകിയിരുന്നു. എന്നാൽ ഏപ്രിലിൽ സുപ്രീംകോടതി ജാമ്യം നൽകിയത് റദ്ദാക്കി. ഇരകളുടെ ഭാഗത്തിന് മതിയായ അവസരം നൽകിയ ശേഷം ജാമ്യാപേക്ഷ പുനഃപരിശോധിക്കാൻ ഹൈക്കോടതിയോട് നിർദേശിക്കുകയും ചെയ്തു.

2021 ഒ​ക്ടോ​ബ​ർ മൂ​ന്നി​ന് കേ​ന്ദ്ര സ​ർ​ക്കാ​റി​ന്റെ വി​വാ​ദ കാ​ർ​ഷി​ക നി​യ​മ​ങ്ങ​ൾ​ക്കെ​തി​രെ സ​മ​രം ചെ​യ്യു​ക​യാ​യി​രു​ന്ന ക​ർ​ഷ​ക​ർ​ക്കു​നേ​രെ ആ​ശി​ഷ് മി​ശ്ര കാ​ർ ഓ​ടി​ച്ചു​ക​യ​റ്റുകയായിരുന്നു. ഉ​ത്ത​ർ​പ്ര​ദേ​ശ് ഉ​പ​മു​ഖ്യ​മ​ന്ത്രി കേ​ശ​വ് പ്ര​സാ​ദ് മൗ​ര്യ​യു​ടെ സ​ന്ദ​ർ​ശ​ന​ത്തി​ന് എതിരെയായിരുന്നു സമരം നടത്തിയത്. നാ​ല് ക​ർ​ഷ​ക​രും മാ​ധ്യ​മ​പ്ര​വ​ർ​ത്ത​കനും സം​ഭ​വ​ത്തി​ല്‍ കൊ​ല്ല​പ്പെ​ട്ടു.

തു​ട​ർ​ന്നു​ണ്ടാ​യ അ​ക്ര​മ​ത്തി​ൽ മൂ​ന്നു​പേ​രും കൊ​ല്ല​പ്പെ​ട്ടു. ഏ​റെ പ്ര​തി​ഷേ​ധ​ങ്ങ​ൾ​ക്കൊ​ടു​വി​ൽ 2021 ഒ​ക്ടോ​ബ​ർ ഒ​മ്പ​തി​നാ​ണ് ആണ് ആ​ശി​ഷ് അ​റ​സ്റ്റി​ലാ​യ​ത്. എന്നാൽ സുപ്രീം കോടതി ജാമ്യം റദ്ദാക്കിയതിനെ തുടർന്ന് ഏപ്രിൽ 24ന് ആശിഷ് ജുഡിഷ്യൽ മജിസ്ട്രേറ്റ് കോടതിയിൽ കീഴടങ്ങിയിരുന്നു.