Top
Begin typing your search above and press return to search.
keyboard_arrow_down
Login
exit_to_app
exit_to_app
കെക്കോ​േയാ ടൈഗറോ? വളർത്തു നായയുടെ ഇരട്ട വ്യക്​തിത്വത്തിൽ കുഴങ്ങി പൊലീസ്
cancel
Homechevron_rightNewschevron_rightIndiachevron_rightകെക്കോ​േയാ ടൈഗറോ?...

കെക്കോ​േയാ ടൈഗറോ? വളർത്തു നായയുടെ 'ഇരട്ട വ്യക്​തിത്വത്തിൽ' കുഴങ്ങി പൊലീസ്

text_fields
bookmark_border

ഭോപാൽ: നഷ്​ടപ്പെട്ട ത​െൻറ വളർത്തുനായെ തട്ടികൊണ്ട്​ പോയയാളെ കണ്ടെത്തിയെന്ന്​ പറഞ്ഞാണ്​ കഴിഞ്ഞ ബുധനാഴ്​ച ഹോഷങ്ങാബാദ്​ പൊലീസ്​ സ്​റ്റേഷനിൽ ശദാബ്​ ഖാൻ എത്തിയത്​​. എന്നാൽ, വ്യാഴാഴ്​ച ശിവ്​ഹരെ എന്നൊരാളും സ്​റ്റേഷനിലെത്തി. ശദാബ്​ ഖാൻ എന്നയാൾ തങ്ങളുടെ വളർത്തു നായെ തട്ടി​െകാണ്ട്​ പോകാൻ ശ്രമിക്കുന്നെന്നായിരുന്നു അദ്ദേഹത്തി​െൻറ പരാതി. ശദാബ്​ഖാൻ പറയുന്നത്​ 'കൊക്കോ' എന്ന്​ പേരുള്ള ത​െൻറ നായാണ്​ ശിവ്​ഹരെയുടെ വീട്ടിലുള്ളതെന്നായിരുന്നു. എന്നാൽ, ത​െൻറ വീട്ടിലുള്ളത്​ 'ടൈഗർ' എന്ന്​ പേരുള്ള നായാണെന്നായിരുന്നു ശിവ്​ഹരെയുടെ വാദം. ആകെ കൺഫ്യൂഷനടിച്ച പൊലീസ്​ ഉടനെ കഥാനായകനായ വളർത്തു നായെ സ്​റ്റേഷനിലേക്ക്​ വിളിപ്പിച്ചു.

നായ സ്​റ്റേഷനിലെത്തിയതോടെ പൊലീസി​െൻറ കൺഫ്യൂഷനും കൂടി. ശദാബ്​ ഖാൻ 'കൊക്കോ' എന്ന്​ വിളിക്കു​േമ്പാൾ നായ പ്രതികരിക്കുന്നു. അദ്ദേഹത്തോട്​ നല്ല ഇണക്കവും കാണിക്കുന്നു. എന്നാൽ, നായ അദ്ദേഹത്തി​​േൻറതാണെന്ന്​ ഉറപ്പിക്കാൻ വയ്യ. ശിവ്​ഹരെ 'ടൈഗ​ർ' എന്ന്​ വിളിക്കു​േമ്പാഴും നായ പ്രതികരിക്കുന്നുണ്ട്​. അദ്ദേഹത്തോടും നായക്ക്​ നല്ല ഇണക്കമാണ്​.

ത​െൻറ നായെ നഷ്​ടപ്പെട്ടതായി കഴിഞ്ഞ ആഗസ്​റ്റിൽ ശദാബ്​ ഖാൻ പൊലീസിൽ പരാതി നൽകിയിരുന്നു. 2017 ൽ പച്ച്​മാർഹിയിൽ നിന്ന്​ വാങ്ങിയതാണ്​ ലാബ്രഡോർ ഇനത്തിൽ പെട്ട 'കൊക്കോ'യെ എന്നാണ്​ ശദാബ്​ ഖാൻ പറയുന്നത്​. ആഴ്​ചകൾക്ക്​ മുമ്പ്​ ഇറ്റാർസിയിലെ ബ്രീഡറുടെ കയ്യിൽ നിന്നാണ്​ 'ടൈഗറിനെ' വാങ്ങിയതെന്ന്​ ശിവ്​ഹരെയും പറയുന്നു.

ഇരുകൂട്ടരുടെയും വാദങ്ങൾ ശക്​തിയായപ്പോൾ ഹോഷങ്ങാബാദ്​ പൊലീസ്​ ഒരു തീർപ്പിലെത്തി. നായുടെ ഡി.എൻ.എ ടെസ്​റ്റ്​ നടത്തുക. വിവാദ നായകനായ ലാബ്രഡോറി​െൻറ ജനിതക വേര്​ പച്ച്​മാർഹിയിൽ നിന്നാണോ ഇറ്റാർസിയിൽ നിന്നാണോ എന്ന്​ ഉറപ്പിക്കുക. ശനിയാഴ്​ച തന്നെ ഡി.എൻ.എ ടെസ്​റ്റിനുള്ള സാംപ്​ൾ ശേഖരിച്ചു. ഇനി ടെസ്​റ്റ്​ റിസൽറ്റു വരുന്നത്​ വരെ ടൈഗർ എന്ന കൊക്കോ പൊലീസ്​ സ്​റ്റേഷനിൽ കഴിയും. റിസൽറ്റ്​ വന്നിട്ട്​ യഥാർഥ ഉടമസ്​ഥ​െൻറ കൂടെ വീട്ടിലേക്ക്​ പോകാമെന്നാണ്​ ലാബ്രഡോറിന്​ പൊലീസ്​ കൊടുത്ത 'ഉറപ്പ്​'.

Show Full Article
TAGS:covid 19 kerala 
Web Title - Labrador's DNA Test To Settle Ownership Dispute
Next Story