ഗുവാഹത്തി എണ്ണ ശുദ്ധീകരണ ശാലയിൽ അപകടം; ഒരാൾ മരിച്ചു

ഗുവാഹത്തി: ഗുവാഹത്തി എണ്ണ ശുദ്ധീകരണ ശാലയിൽ ഉണ്ടായ അപകടത്തിൽ ഒരു തൊഴിലാളി മരിച്ചു. മറ്റൊരാൾക്ക് ഗുരുതര പരിക്കേറ്റു.

ഗുവാഹത്തിയിലെ നൂൺമതിയിലെ പദ്ധതി മേഖലയിലാണ് അപകടമുണ്ടായത്. എണ്ണ ശുദ്ധീകരണ ശാലയുടെ പ്രൊജക്ട് ​സൈറ്റിൽ നിന്ന് കയറാൻ ശ്രമിക്കുന്നതിനിടെ മണ്ണിടിഞ്ഞ് വീഴുകയായിരുന്നു. ഇരുവരെയും മൾട്ടി സ്​പെഷ്യാലിറ്റി ആശുപത്രിയിൽ പ്രവേശിപ്പിച്ചെങ്കിലും ഒരാൾ മരിച്ചു.

അബ്ദുൽ കരീം എന്നയാളാണ് മരിച്ചത്. അബ്ദുൽ മാലിക് ചികിത്‍സയിലാണ്. സംഭവത്തിൽ ഗുവാഹത്തി എണ്ണ ശുദ്ധീകരണ ശാലയിൽ ഉന്നതതല അന്വേഷണം പ്രഖ്യാപിച്ചിട്ടുണ്ട്.