You are here

44 തൊഴിൽ നിയമങ്ങൾ ഏകീകരിക്കും; പുതിയ ബിൽ അടുത്ത പാർലമെൻറ്​ സമ്മേളനത്തിൽ

  • തൊഴിൽ വേതനം, സാമൂഹിക-വ്യവസായ സുരക്ഷ, ക്ഷേമം എന്നീ വിഭാഗങ്ങളിലെ നിയമങ്ങളാണ്​ സംയോജിപ്പിക്കുന്നത്​

00:12 AM
12/06/2019
parliment

ന്യൂഡൽഹി: നിക്ഷേപകരെ സഹായിക്കാനും വളർച്ച ത്വരിതപ്പെടുത്താനും ലക്ഷ്യമിട്ട്​ ​പുതിയ തൊഴിൽ നിയമനിർമാണത്തിന്​ കേന്ദ്ര നീക്കം. തൊഴിൽ വേതനം, സാമൂഹിക സുരക്ഷ, വ്യവസായ സുരക്ഷ, ക്ഷേമം എന്നീ വിഭാഗങ്ങളിലെ 44 നിയമങ്ങളെ സംയോജിപ്പിച്ച്​ പുതിയ നിയമം കൊണ്ടുവരാനാണ്​ ആലോചന. ആഭ്യന്തര മന്ത്രി അമിത്​ ഷായുടെ അധ്യക്ഷതയിൽ  ധനമന്ത്രി നിർമല സീതാരാമൻ, തൊഴിൽ മന്ത്രി സന്തോഷ്​ ഗാംഗ്​വർ, വാണിജ്യ മന്ത്രി പിയൂഷ്​ ഗോയൽ എന്നിവർ പ​ങ്കെടുത്ത യോഗത്തിലാണ്​ സുപ്രധാന തീരുമാനം.

പാർല​െമൻറി​​െൻറ അടുത്ത സമ്മേളനത്തിൽ  ബിൽ കൊണ്ടുവരുമെന്നും അതിനു മുമ്പ്​ കരട്​ ബിൽ കാബിനറ്റിൽ അവതരിപ്പിക്കുമെന്നും തൊഴിൽ മന്ത്രി സന്തോഷ്​ ഗാംഗ്​വർ പറഞ്ഞു. കരട്​ തയാറാക്കുന്നതിനു​ മുമ്പ്​​  എല്ലാ പ്രധാന തൊഴിൽ സംഘടനകളുമായി കൂടിയാലോചിക്കും. സാമൂഹിക സുരക്ഷയുമായി ബന്ധപ്പെട്ട എംപ്ലോയീസ്​ പ്രോവിഡൻറ്​ ഫണ്ട്​, ഇ.എസ്​.ഐ, പ്രസവാനുകൂല്യം, നഷ്​ടപരിഹാര നിയമം തുടങ്ങിയവ ഏകീകരിച്ച്​ ഒന്നാക്കും. ഇതുപോലെ വ്യവസായങ്ങളുമായി ബന്ധപ്പെട്ട ഫാക്​ടറീസ്​, ഖനി നിയമങ്ങൾ തുടങ്ങിയവ ഒന്നാക്കും. മിനിമം കൂലി നിയമം, ബോണസ്​, വേതനം, തുല്യ പ്രതിഫല നിയമം തുടങ്ങിയവയും ഏകീകരിക്കും. വ്യവസായ തർക്ക നിയമം, ട്രേഡ്​ യൂനിയൻ നിയമം, വ്യവസായ തൊഴിൽ നിയമം തുടങ്ങിയവയും സംയോജിപ്പിക്കും.

Loading...
COMMENTS